ഐപിഎൽ പതിനൊന്നാം സീസൺ ആരംഭിക്കുന്നത് ചാമ്പ്യൻ ടീമുകളുടെ പോരാട്ടത്തോടെ. മുംബൈയിൽ നടക്കുന്ന മത്സരത്തിൽ നിലവിലെ ചാമ്പ്യന്മാരായ മുംബൈ ഇന്ത്യന്‍സ് മുന്‍ ചാമ്പ്യന്മാരായ ചെന്നൈ സൂപ്പര്‍ കിങ്സിനെ നേരിടും.

ഐപിഎല്ലിലെ രണ്ട് വർഷത്തെ വിലക്കിനു ശേഷം ചെന്നൈയും രാജസ്ഥാനും തിരിച്ചെത്തുന്നു എന്ന പ്രത്യേകതയും ഈ സീസണുണ്ട്. താരലേലത്തിന് ശേഷം ടീമുകളുടെ ഘടനയിൽ മാറ്റം വന്നിട്ടുണ്ട്. എന്നാൽ മുൻ നിര താരങ്ങളെ ടീമുകൾ നിലനിർത്തിയിരുന്നു. രോഹിത് ശർമ്മയാണ് മുംബൈയെ നയിക്കുന്നത്. ചെന്നൈയുടെ നായകൻ ധോണിയാണ്.

വിലക്കിന് ശേഷം തിരിച്ചെത്തുന്ന രാജസ്ഥാന്‍ റോയല്‍സിന്‍റെ ആദ്യ മത്സരം ഏപ്രില്‍ 9 ന് സണ്‍റൈസേഴ്സ് ഹൈദരബാദിനെതിരെയാണ്. സ്പിൻ ഇതിഹാസം ഷെയിൻ വോൺ രാജസ്ഥാന്റെ മെന്ററായി ഈ സീസണിൽ ഉണ്ടാകും.