ഷൂട്ടൗട്ടില്‍ പോര്‍ച്ചുഗലിനെ തകര്‍ത്ത് ചിലി ഫൈനലില്‍
ഫിഫ കോണ്‍ഫിഡറേഷന്‍സ് കപ്പില്‍ ക്രിസ്റ്റ്യാനോ റൊണാള്‍ഡോയെയും സംഘത്തേയും പെനാല്‍റ്റി ഷൂട്ടൗട്ടില്‍ കെട്ടുകെട്ടിച്ച് ചിലി ഫൈനല്‍ പ്രവേശനം നേടി. നിശ്ചിത സമയത്തും അധിക സമയത്തും ഇരുടീമുകളും ഗോള്‍ നേടാന്‍ കഴിയാത്തതിനാല്‍ മത്സര വിജയികളെ പെനാല്‍റ്റി ഷൂട്ടൗട്ടിലൂടെ വിധി നിര്‍ണ്ണയിക്കുകയായിരുന്നു.
പെനാല്‍റ്റിയില്‍ 3-0നായിരുന്നു ചിലിയുടെ ആധികാരിക വിജയം. ചിലിയ്ക്ക് വേണ്ടി അര്‍തുറോ വിദാല്‍,ഇസ്ലാ,സാഞ്ചസ് എന്നിവര്‍ പന്ത് വലയിലെത്തിച്ചപ്പോള്‍ പോര്‍ച്ചുഗലിന്റെ എല്ലാ കിക്കും ചിലിയുടെ സൂപ്പര്‍ ഗോള്‍ കേപ്പര്‍ ക്ലോവ്ഡിയോ ബ്രാവോ മികച്ച സേവുകളിലൂടെ തടഞ്ഞിടുകയായിരുന്നു. വിജയത്തിന്റെ എല്ലാ ക്രെഡിറ്റും ചിലിയന്‍ ഗോള്‍ കീപ്പറിന് അവകാശപ്പെട്ടത്.
മത്സരത്തിലുടനീളം ഗോളിയും ക്രോസ്സ് ബാറും ഗോളുകള്‍ക്ക് വിലങ്ങുതടിയായി നിന്നു. അതില്‍ ചിലിയ്ക്കായിരുന്നു ഏറ്റവും മികച്ച അവസരം കൈവന്നത്. മൂന്ന് തവണ പന്ത് ഗോളവലയ്ക്കരികിലൂടെ മൂളിപ്പറന്നു.
ഇന്ന് നടക്കുന്ന ജര്‍മ്മനി-മെക്‌സിക്കോ മത്സര ജേതാക്കളെ ചിലി ഞായറാഴ്ച നടക്കുന്ന ഫൈനലില്‍ നേരിടും.
https://www.facebook.com/Malayalivartha
