ഒടുവില്‍ വെയ്ന്‍ റൂണി പടിയിറങ്ങുന്നു. ഇംഗ്ലണ്ട് കണ്ട എക്കാലത്തെയും മികച്ച ഫുട്ബാളര്‍മാരില്‍ ഒരാളാണ് 31-കാരനായ ഈ ഫോര്‍വേഡ് കളിക്കാരന്‍. ഏതാനും നിമിഷങ്ങള്‍ക്ക് മുന്‍പാണ് റൂണി വിരമിക്കല്‍ തീരുമാനമെടുത്തത്. വീട്ടുകാരോടും സുഹൃത്തുക്കളോടും ആലോചിച്ച ശേഷമാണ് തീരുമാനമെടുത്തതെന്ന് റൂണി പ്രതികരിച്ചു.

ഇംഗ്ലണ്ടിനായി 119 മത്സരങ്ങളില്‍ നിന്നും 53 ഗോളുകള്‍ റൂണി നേടിയിട്ടുണ്ട്. മുന്‍ മാഞ്ചസ്റ്റര്‍ യുണൈറ്റഡ് കളിക്കാരനായിരുന്ന താരം ഇപ്പോള്‍ ഇംഗ്ലീഷ് പ്രീമിയര്‍ ലീഗില്‍ എവര്‍ട്ടന്‍ ക്ലബ്ബിന് വേണ്ടിയാണ് ബൂട്ടണിയുന്നത്. റൂണിയുടെ ഈ അപ്രതീക്ഷിത തീരുമാനം ഇംഗ്ലണ്ട് ആരാധകരെ നിരാശപ്പെടുത്തുന്നതാണെന്നതില്‍ സംശയമില്ല.