സ്പെയിന് ഒന്നു വിറച്ചു എന്നാലും ജയിച്ചു; ഡീഗോ കോസ്റ്റയുടെ ഗോളില് ഇറാനെതിരെ സ്പെയിന് ഒരു ഗോള് ജയം
കസാന്ന്മ വിഡിയോ അസിസ്റ്റന്റ് റിവ്യൂ സിസ്റ്റം ഇറാന് തിരിച്ചടിയായ മല്സരത്തില് സ്പെയിനിന് റഷ്യന് ലോകകപ്പിലെ ആദ്യജയം. എതിരില്ലാത്ത ഒരു ഗോളിനാണ് സ്പെയിന് ജയിച്ചുകയറിയത്. മല്സരത്തിന്റെ 54-ാം മിനിറ്റില് ഡീഗോ കോസ്റ്റയാണ് സ്പെയിനിന്റെ വിജയഗോള് നേടിയത്. 64-ാം മിനിറ്റില് ഇറാന് ഗോള് മടക്കിയെങ്കിലും വിഡിയോ അസിസ്റ്റന്റ് റിവ്യൂവില് ഇത് ഗോളല്ലെന്ന് തെളിഞ്ഞു.
ആദ്യ മത്സരത്തില് സമനില വഴങ്ങിയ സ്പെയിനും പോര്ച്ചുഗലും രണ്ടു മത്സരങ്ങള് കഴിഞ്ഞപ്പോള് നാലു പോയിന്റ് വീതമാണുള്ളത്. ആദ്യ മത്സരത്തില് മൊറോക്കോയെ വീഴ്ത്തിയ ഇറാന് സ്പെയിനിനോട് തോല്വി വഴങ്ങിയതോടെ മൂന്ന് പോയിന്റോടെ മൂന്നാം സ്ഥാനത്തേയ്ക്ക് പിന്തള്ളപ്പെട്ടു. പോര്ച്ചുഗലുമായുള്ള അവരുടെ മത്സരം ഇതോടെ നിര്ണായകമായി. അടുത്ത മത്സരത്തില് തോല്ക്കാതിരിക്കണം മൂന്ന് ടീമുകള്ക്കും. മൊറോക്കോയുമായാണ് സ്പെയിനിന്റെ കളി. രണ്ട് കളികളും തോറ്റ മൊറോക്കോ പുറത്തായിക്കഴിഞ്ഞു.
54ാം മിനിറ്റില് ഡീഗോ കോസ്റ്റയാണ് സ്പെയിനിന്റെ ആയുസ് നീട്ടിക്കൊടുത്ത ഗോള് നേടിയത്. ഇനിയേസ്റ്റ് കൊടുത്ത പാസാണ് ഗോളിന് വഴിവച്ചത്. മാര്ക്ക് ചെയ്ത താരത്തില് നിന്ന് കുതറിമാറി കോസ്റ്റ പന്ത് പിടിച്ചു. എന്നാല്, ഇറാന്റെ റാമിന് പന്ത് ക്ലിയര് ചെയ്യാന് ശ്രമിച്ചു. അതാണ്
പിഴച്ചത്. പന്ത് കോസ്റ്റയുടെ കാലിലിടിച്ച് നെറ്റില്. ഡീഗോ കോസ്റ്റയുടെ ഈ ലോകകപ്പിലെ മൂന്നാമത്തെ ഗോളാണ്. സ്പെയിനിനെതിരായ മത്സരത്തില് രണ്ട് ഗോള് നേടിയ കോസ്റ്റ മൊത്തം ഗോള്വേട്ടയില് ഇപ്പോള് ക്രിസ്ത്യാനോ റൊണാള്ഡോയുടെ തൊട്ടു പിറകില് രണ്ടാമനാണ്. രണ്ടു മത്സരങ്ങളില് നിന്ന് നാലു ഗോളാണ് ക്രിസ്ത്യാനോയുടെ സമ്പാദ്യം.
സ്പാനിഷ് സ്െ്രെടക്കര്മാരും ഇറാനിയന് പ്രതിരോധവും തമ്മിലുള്ള പോരാട്ടമായിരുന്നു തൊണ്ണൂറ് മിനിറ്റും നടന്നത്. തോറ്റെങ്കിലും വലിയൊരളവു വരെ സ്പാനിഷ് ആക്രമണത്തെ ഫലപ്രദമായി ചെറുക്കാന് ഇറാനിയന് പ്രതിരോധഭടന്മാര്ക്ക് കഴിഞ്ഞു. സ്പെയിന് പഠിച്ച പണി പതിനെട്ടും പയറ്റിയിരുന്നു ഒന്നാം പകുതിയില്. സകല അടവും പുറത്തെടുത്തിരുന്നു. പക്ഷേ, ഒന്നും ഇറാന്റെ മുന്നില് വിലപ്പോയില്ല.
https://www.facebook.com/Malayalivartha