പലർക്കും ഇന്റർവ്യൂ എന്ന് കേൾക്കുന്നത് തന്നെ പേടിയാണ്. ഇന്‍റർവ്യൂവിന് തയ്യാറെടുക്കുമ്പോൾ ചില കാര്യങ്ങൾ ശ്രദ്ധിച്ചാൽ ഇന്റർവ്യൂ പേടി ഒഴിവാക്കാം.
ഇന്റർവ്യൂവിനു പോകുമ്പോൾ ആദ്യം ശ്രദ്ധിക്കേണ്ടത് കൃത്യനിഷ്ടയാണ് .പറഞ്ഞ സമയത്തിനു പത്തു മിനിറ്റ് മുൻപ് ഇന്റർവ്യൂ സ്ഥലത്തെത്തുന്നത് ടെൻഷൻ കുറക്കാൻ സഹായിക്കും.

ഇൻറർവ്യൂവിന് പോകുമ്പോഴുള്ള വസ്ത്രധാരണം വളരെ പ്രധാനപ്പെട്ടതാണ്.
കോർപ്പറേറ്റ് സ്ഥാപനങ്ങളിലാണ് ഇൻറർവ്യൂവിന് പോകുന്നതെങ്കിൽ ഏറ്റവും ഫോർമൽ ആയ വസ്ത്രധാരണമാണ് നല്ലത്.
ഏതു ജോലിക്കാണോ ശ്രമിക്കുന്നത് അതിന് അനുസരിച്ചു വേണം വസ്ത്രധാരണം.പുതിയ വസ്ത്രങ്ങൾ വാങ്ങിയ ഉടൻ ഇൻറർവ്യൂവിന് ധരിക്കരുത്. ഇട്ടു പരിചയമുള്ള വസ്ത്രങ്ങൾ മാത്രമേ ഉപയോഗിക്കാവൂ.ഇൻറർവ്യൂവിന് എത്തുന്പോൾ വൃത്തിയായിരിക്കാൻ ശ്രദ്ധിക്കുക.രൂക്ഷഗന്ധമുള്ള പെർഫ്യൂമുകൾ ഉപയോഗിക്കരുത്

ഇന്റർവ്യൂ ബോർഡിന് മുന്നിൽ സമചിത്തതയോടെ ഇരിക്കുക. ഓവർ സ്മാർട്ട് ആകുന്നത് വിപരീത ഫലമായിരിക്കും ഉണ്ടാക്കുന്നത്. നിങ്ങളുടെ യോഗ്യതകൾ കുറിച്ച് ചോദിച്ചാൽ അത് റെസ്യൂമിലുണ്ട് എന്ന തരത്തിൽ പ്രതികരിക്കാതിരിക്കുക.

ഒരിക്കലും മുൻപ് ജോലി ചെയ്ത സ്ഥാപനത്തെയോ ബോസിനെയോ കുറ്റപ്പെടുത്തി സംസാരിക്കരുത്. മുൻ ജോലി വേണ്ടെന്നു വെക്കാനുള്ള പോസിറ്റീവ് ആയ കാര്യങ്ങൾ പറയുക

മുൻപ് ജോലി ചെയ്ത സ്ഥാപനത്തിലെ പ്രൊഫഷണൽ രഹസ്യങ്ങൾ ചോദിച്ചാൽ പോലും അത് വിനയപൂർവ്വം നിരസിക്കുക. ഒരു പക്ഷെ നിങ്ങളെ അളക്കാനുള്ള ബോർഡിന്റെ ഒരു മാർഗ്ഗമാക്കാം അത്.

ചോദ്യകർത്താവിന്റെ ചോദ്യം മനസ്സിലായില്ലെങ്കിൽ അത് ഭവ്യതയോടെ തുറന്നു പറയണം. അബദ്ധം പറഞ്ഞു ബോർഡിന്റെ അപ്രീതി പിടിച്ചു പറ്റരുത്.

പാനലിലുള്ളവർ പറയുന്ന അഭിപ്രായത്തോട് വിയോജിപ്പുണ്ടെങ്കിൽ പോലും അവരുമായി തർക്കിക്കരുത്. നിങ്ങൾ അവിടെ ചെന്നത് ഡിബേറ്റിനല്ല ജോലിക്കായുള്ള ഇന്റർവ്യൂവിനാണെന്നു ഓർക്കുക.