വൈദ്യുത വാഹനങ്ങള്ക്കുള്ള പെര്മിറ്റ് ഏപ്രില് ഒന്ന് മുതല്
വൈദ്യത വാഹന വില്പ്പന പ്രോത്സാഹിപ്പിക്കാനുള്ള ഫെയിം (ഫാസ്റ്റര് അഡോപ്ഷന് ആന്ഡ് മാനുഫാക്ചറിങ് ഓഫ് ഹൈബ്രിഡ് ആന്ഡ് ഇലക്ട്രിക് വെഹിക്കിള്സ്) ഇന്ത്യയുടെ രണ്ടാംഘട്ട പദ്ധതിയില് മൂന്നു ചക്രവും നാലു ചക്രവുമുള്ള വാഹനങ്ങള് നിര്മ്മിക്കുന്ന കമ്പനികള് അടുത്തമാസം ഒന്ന് മുതല് സര്ക്കാരില് നിന്നും പ്രത്യേക പെര്മിറ്റ് എടുക്കണം.
ഇത്തരം വാഹനങ്ങള്ക്ക് ലഭിക്കുന്ന ആനുകൂല്യങ്ങള് സ്വകാര്യ ഉപയോഗത്തിന് ആകരുതെന്ന് ഡീലര്മാര് ഉറപ്പാക്കണമെന്ന് മാര്ഗരേഖകളില് വ്യക്തമാക്കുന്നു. അതേസമയം ഇരുചക്ര വാഹനങ്ങള് സ്വകാര്യ ആവശ്യത്തിനായി ഉപയോഗിക്കാം. ഇതിന്റെ ഗുണം ലഭിക്കുന്നത് ലിഥിയം അയേണ് ബാറ്ററികളും മറ്റ് പുത്തന് സാങ്കേതിക വിദ്യയിലുള്ള ബാറ്ററികളും ഘടിപ്പിച്ച വാഹനങ്ങള്ക്കായിരിക്കും.
10 ലക്ഷം ഇരുചക്രവാഹനങ്ങള്, 5 ലക്ഷം മുച്ചക്ര വാഹനങ്ങള്, 55000 ഫോര്വീലറുകള്, 7000 ബസുകള് എന്നിവയെ ഫെയിം2 സപ്പോര്ട്ട് ചെയ്യും. 2019 ഏപ്രില് ഒന്നിന് നിലവില് വരുന്ന ഫെയിം രണ്ടാംഘട്ടം മൂന്നു വര്ഷമായാണ് നടപ്പാക്കുന്നത്. 895 കോടി രൂപ ചെലവില് 2015 ഏപ്രില് ഒന്നിന് അവതരിപ്പിച്ച ഫെയിം ഒന്നിന്റെ വിപൂലീകരിച്ച രൂപമാണിത്.
ചാര്ജിങ് സംവിധാനം ഒരുക്കാനാവശ്യമായ ഇന്ഫ്രാസ്ട്രക്ച്ചര് സ്ഥാപിക്കാനും സ്കീം സഹായം നല്കും. ഏകദേശം 2700 ചാര്ജിങ് സ്റ്റേഷനുകളാണ് ഇതിലൂടെ സ്ഥാപിക്കാന് പദ്ധതിയിടുന്നത്.
https://www.facebook.com/Malayalivartha