സംസ്ഥാനത്ത് ഇന്ന് സ്വര്‍ണവില സര്‍വകാല റെക്കോര്‍ഡിലേക്ക്...പവന് 80 രൂപയുടെ വര്‍ദ്ധനവ്. നാല് ദിവസങ്ങള്‍ക്ക് ശേഷം ഇന്നലെ സ്വര്‍ണവില ഉയര്‍ന്നതിന്റെ തുടര്‍ച്ചയായി ഇന്നും വില വര്‍ദ്ധിച്ചു. ഒരു പവന്‍ സ്വര്‍ണത്തിന്റെ വില 56,880 രൂപയാണ്.

ഇന്നലെ റെക്കോര്‍ഡ് വിലയില്‍ തന്നെയായിരുന്നു വ്യാപാരം നടന്നത്. അന്താരാഷ്ട്ര വിലയും റെക്കോര്‍ഡിലാണ്. ഭൗമരാഷ്ട്രീയ തര്‍ക്കങ്ങള്‍ സ്വര്‍ണവിലയെ കുത്തനെ ഉയര്‍ത്താനായി കാരണമായിട്ടുണ്ട്.

കഴിഞ്ഞ വെള്ളിയാഴ്ച സര്‍വകാല റെക്കോര്‍ഡില്‍ ആയിരുന്നു സ്വര്‍ണവില. പിന്നീട് 400 രൂപയോളം കുറഞ്ഞെങ്കിലും ഇന്നലെ വീണ്ടും സ്വര്‍ണവില കുതിക്കുകയായിരുന്നു.

അതേസമയം വെള്ളിയുടെ വിലയില്‍ മാറ്റമില്ല. ഒരു ഗ്രാം വെള്ളിയുടെ വില 98 രൂപയാണ്.