എല് എല് ബി പ്രവേശനം അവതാളത്തില്
സംസ്ഥാനത്തെ നിയമപഠന പ്രവേശനത്തിനുള്ള നടപടികള് വൈകുന്നതു വിദ്യാര്ഥികളെ വലയ്ക്കുന്നു. സര്ക്കാര് ലോ കോളജുകള് ഉള്പ്പടെയുള്ളവയിലെ പഞ്ചവല്സര എല്എല്ബി പ്രവേശന നടപടികള് അനിശ്ചിതത്വത്തിലാണ്. ജൂണില് നടത്തേണ്ട പൊതു പ്രവേശനപരീക്ഷക്കു ഇതുവരെ അപേക്ഷ പോലും വിളിച്ചിട്ടില്ല. എംജി സര്വകലാശാലയിലെ ബിഎ ക്രിമിനോളജി എല്എല്ബി കോഴ്സിനു ബാര് കൗണ്സില് ഓഫ് ഇന്ത്യ അംഗീകാരം എടുത്തുകളഞ്ഞതാണ് ഇപ്പോഴത്തെ അനിശ്ചിതത്തിനു കാരണം എന്നു അറിയുന്നു. ബാര് കൗണ്സില് ഓഫ് ഇന്ത്യ അനുശാസിക്കുന്ന സിലബസ് അല്ല എം ജി യിലേതു എന്നതാണത്രേ അംഗീകാരം നഷ്ടപ്പെടാന് കാരണം. എറണാകുളം ഗവ. ലോ കോളജില് ബികോം എല്എല്ബി ആരംഭിക്കുമെന്നു പറഞ്ഞിരുന്നെങ്കിലും ഇപ്പോള് പകരം വിഷയമായി പൊളിറ്റിക്സ് വരുമെന്നാണ് അറിയുന്നത്. പ്രവേശന പരീക്ഷ നടത്തിയ കോളേജുകളിലും പഠനം തുടങ്ങാന് പറ്റാത്ത സാഹചര്യമാണ്. അതിനും നിലവിലുള്ള അവസാന വര്ഷക്കാരുടെ പഠനം പൂര്ത്തിയാകേണ്ടതുണ്ട്.
ബാര് കൗണ്സില് ഓഫ് ഇന്ത്യയുടെ അംഗീകാരം ലഭിക്കാന് നിലവിലെ വിദ്യാര്ഥികള്ക്ക് ഒന്നോ രണ്ടോ വിഷയങ്ങള് കൂടി അധികം ചേര്ക്കാനുള്ള ആലോചനയുമുണ്ട്.അങ്ങിനെ ആണെങ്കില് നിലവിലുള്ള കോഴ്സ് തീരാന് വീണ്ടും മാസങ്ങള് എടുക്കും. സംസ്ഥാനത്തിനു പുറത്തുള്ള നിയമ കോളജുകളില് പ്രവേശനം പുര്ത്തിയായിക്കഴിഞ്ഞു. നിയമപഠനം നടത്താന് ആഗ്രഹിക്കുന്ന ഒട്ടേറെപ്പേര്ക്ക് മറ്റു കോഴ്സുകളില് ചേരേണ്ട അവസ്ഥയാണ് നിലവിലുള്ളത്. വിദ്യാര്ത്ഥികളുടെ ഭാവി അനിശ്ചിതത്തിലാക്കുന്ന അവസ്ഥക്ക് എത്രയും പെട്ടെന്ന് അധികൃതര് പരിഹാരം കാണണം എന്നാണ് നിയവിദ്യാര്ത്ഥികളുടെ ആവശ്യം.
https://www.facebook.com/Malayalivartha
