കേരളത്തിൽ ജോലി ആഗ്രഹിക്കുന്നവർക്ക് കൊച്ചിയിൽ അവസരം. കേന്ദ്ര സർക്കാരിന്റെ കീഴിലുള്ള ലിസ്റ്റഡ് പ്രീമിയർ മിനി രത്ന കമ്പനിയായ കൊച്ചിൻ ഷിപ്പ്യാർഡ് ലിമിറ്റഡ് വിവിധ ഒഴിവുകളിലേക്ക് കരാർ നിയമനം നടത്തുന്നു.

1972-ലാണ് ഇന്ത്യൻ സർക്കാരിന്റെ പൂർണ ഉടമസ്ഥതയിലുള്ള കമ്പനിയായി കൊച്ചിൻ ഷിപ്പ്‌യാർഡ് സ്ഥാപിതമായത്. കഴിഞ്ഞ മൂന്ന് ദശകങ്ങളിൽ കമ്പനി ഇന്ത്യൻ കപ്പൽ നിർമ്മാണ, കപ്പൽ അറ്റകുറ്റപ്പണി വ്യവസായത്തിലെ ഒരു പ്രമുഖ സ്ഥാപനമായി വളർന്നു കഴിഞ്ഞു .

ഒഴിവുകൾ: ഹൗസ് കീപ്പിംഗ് സ്റ്റാഫ്, 1 ഒഴിവ് ആണ് ഉള്ളത് .യോഗ്യത അഞ്ചാം ക്ലാസ് യോഗ്യതയുള്ളവർക്കും അപേക്ഷിക്കാം, മലയാള ഭാഷയിലുള്ള പരിജ്ഞാനം ഉണ്ടായിരിക്കണം. പ്രതിമാസ ശമ്പളം 15,000 രൂപയാണ്.
30 വയസ്സാണ് പ്രായപരിധി. SC/ OBC/ PWBD/ ESM തുടങ്ങിയ സംവരണ വിഭാഗത്തിന് നിയമാനുസൃതമായ വയസിളവ് ലഭിക്കും.

വനിത/ SC/ ST/ PWBD ക്കാർക്ക് അപേക്ഷ ഫീസ്ഇല്ല, മറ്റുള്ളവർക്ക് 300 രൂപ. യോഗ്യരായ ഉദ്യോഗാർത്ഥികൾ നോട്ടിഫിക്കേഷൻ വായിച്ചു മനസിലാക്കിയ ശേഷം ആഗസ്റ്റ് 31ന് മുൻപായി ഓൺലൈനായി അപേക്ഷിക്കുക.

ഒബ്ജക്റ്റീവ് ടൈപ്പ് ഓൺലൈൻ ടെസ്റ്റിലൂടെയായിരിക്കും തസ്തികയിലേക്കുള്ള തിരഞ്ഞെടുപ്പ് .
ഒബ്ജക്റ്റീവ് ടൈപ്പ് ഓൺലൈൻ ടെസ്റ്റിൽ 50 മൾട്ടിപ്പിൾ ചോദ്യങ്ങൾ അടങ്ങുന്ന 60 മിനിറ്റ് ദൈർഘ്യമുള്ള ചോദ്യങ്ങൾ ആയിരിക്കും . പരീക്ഷ മലയാളത്തിലായിരിക്കും , നെഗറ്റീവ് മാർക്ക് ഉണ്ടാകില്ല.

പൊതു ചോദ്യങ്ങൾ - 40 മാർക്ക്
ക്വാണ്ടിറ്റേറ്റീവ് ആപ്റ്റിറ്റ്യൂഡ് - 10 മാർക്ക്
ആകെ - 50 മാർക്ക് എന്ന പാറ്റേൺ ൽ ആയിരിക്കും ചോദ്യങ്ങൾ.

ഒബ്ജക്ടീവ് ടൈപ്പ് ഓൺലൈൻ പരീക്ഷ കേരളത്തിലെ വിവിധ പരീക്ഷാ കേന്ദ്രങ്ങളിലോ അല്ലെങ്കിൽ കൊച്ചിയിൽ മാത്രമോ ആയിരിക്കും . കൂടുതൽ കേന്ദ്രങ്ങൾ ഉണ്ടെങ്കിൽ അപേക്ഷകർക്ക് ഓൺലൈനായി കേരളത്തിലെ പരീക്ഷാ കേന്ദ്രങ്ങൾ തിരഞ്ഞെടുക്കാം. ഒബ്ജക്റ്റീവ് ടൈപ്പ് ഓൺലൈൻ പരീക്ഷയുടെ ഏറ്റവും കുറഞ്ഞ പാസ് മാർക്ക് മൊത്തം മാർക്കിന്റെ 50% ആയിരിക്കും

ഓഫീസ് അറ്റൻഡന്റ് തസ്തികയിൽ ആകെ 14 ഒഴിവ് ആണ് ഉള്ളത്. ഓഫിസ് അസിസ്റ്റന്റ് വിഭാഗത്തിലേയ്ക്ക് അപേക്ഷിക്കുന്നവർക്ക് കുറഞ്ഞത് ഏഴാം ക്ലാസ്സ് ആണ് യോഗ്യത . പ്ലസ് ടു ഉള്ളവർക്കും അപേക്ഷിക്കാം മലയാളം അറിഞ്ഞിരിക്കണം . ഈ തസ്തികയ്ക്ക് നിശ്ചയിച്ചിട്ടുള്ള ഉയർന്ന പ്രായപരിധി 2022 ആഗസ്ത് 31-ന് 30 വയസ്സ് കവിയാൻ പാടില്ല എന്നതാണ് . ശമ്പളം: 20,200 - 21,600 രൂപ വരെയാണ്.

UR 9 OBC 3 SC 1 EWS 1 Total 14 എന്നിങ്ങനെയാണ് ഒഴിവുകൾ . മൂന്ന് വർഷത്തേക്ക് താൽക്കാലിക തസ്തികയാണ് .

ആദ്യ വര്ഷം 20, 200/- മാസ ശമ്പളവും 3,600/- രൂപ അലവൻസും ,രണ്ടാം വര്ഷം 20, 900/- ശമ്പളവും 3,700/-രൂപ അലവൻസും മൂന്നാം വര്ഷം 21, 600/- മാസശമ്പളവും 3,800/-രൂപ അലവൻസും ആയിരിയ്ക്കും
100 മാർക്കിന്റെ ഓൺലൈൻ പരീക്ഷയുടെയും പ്രാക്ടിക്കൽ പരീക്ഷയുടെയും അടിസ്ഥാനത്തിൽ ആയിരിക്കും നിയമനം.

അപേക്ഷാ ഫീസ് 300 രൂപയാണ്. 2022 ഓഗസ്റ്റ് 17 മുതൽ 2022 ഓഗസ്റ്റ് 31 വരെ അടയ്ക്കാം. പട്ടികജാതി (എസ്‌സി)/പട്ടികവർഗം (എസ്‌ടി)/ (PwBD) അപേക്ഷാ ഫീസ് നൽകേണ്ടതില്ല.

കൂടുതൽ വിവരങ്ങൾക്ക്  https://cochinshipyard.in/uploads/career/9857b1abc1913c02b2d62f6ebdfd3e05.pdf സന്ദർശിക്കുക.