ഡിജിറ്റല്‍ പാഠപുസ്തകം ഉള്‍പ്പടെ ഒട്ടേറെ പുതുമകളോടെയാണ് പുതിയ അധ്യയന വര്‍ഷത്തിന് തുടക്കം കുറിച്ചിരിക്കുന്നത്. കുറച്ചൊന്ന് ശ്രദ്ധിച്ച് പഠിച്ചാല്‍ എല്ലാവര്‍ക്കും ഉന്നത വിജയം നേടാന്‍ സാധിക്കും. തുടക്കം മുതല്‍ നന്നായി പഠിച്ച് പരീക്ഷകളില്‍ ഉന്നത വിജയം നേടാന്‍ ഇതാ ആറ് വഴികള്‍.
1 നോട്ടുകള്‍ സ്വയം തയ്യാറാക്കുക : നോട്ടുകള്‍ സ്വന്തം കൈഅക്ഷരത്തില്‍ എഴുതുന്നത് പഠനത്തിന് ഏറെ സഹായകമാണ്. പേനയും പേപ്പറും ഉപയോഗിച്ച് എഴുതുന്നതിന് കൂടുതല്‍ സമയം ആവശ്യമാണെങ്കിലും ഇത് പഠനം എളുപ്പത്തിലാക്കും. പഠിക്കാന്‍ എടുക്കുന്ന സമയം ലാഭിക്കാന്‍ ഇതിലൂടെ സാധിക്കും.
2 ആവര്‍ത്തിച്ച് വായിക്കാതിരിക്കുക: ഒരേ പാഠഭാഗം തന്നെ ആവര്‍ത്തിച്ച് വായിക്കാതിരിക്കുക. ഈ രീതി പഠനത്തെ പ്രതികൂലമായി ബാധിക്കും. വായിച്ച കാര്യങ്ങള്‍ ഓര്‍ത്തെടുക്കാന്‍ ശ്രമിക്കുക. ഇതിലൂടെ തലച്ചോര്‍ ഉണര്‍ന്നു പ്രവര്‍ത്തിക്കുകയും ചെയ്യും.
3 ഇടവേള നല്‍കുക: തലച്ചോറ് അറിവിന്റെ കേന്ദ്രമാണ്. എന്നാല്‍ ഈ അറിവുകള്‍ എല്ലാം തന്നെ എളുപ്പം മറക്കും. ഇടവേള നല്‍കിയുള്ള പഠനം കാര്യങ്ങള്‍ ദീര്‍ഘകാലം ഓര്‍മ്മയില്‍ സൂക്ഷിക്കാന്‍ സഹായിക്കും.
4 ആവശ്യത്തിന് ഉറങ്ങുക: ഉറക്കം ഒഴിവാക്കിയുള്ള പഠനം നല്ലതല്ല. പഠിച്ച കാര്യങ്ങള്‍ ഗ്രഹിച്ച് തലച്ചോറില്‍ സൂക്ഷിക്കാന്‍ സമയം ആവശ്യമാണ്. ഇതിന് ആവശ്യത്തിന് ഉറങ്ങണം.
5 എല്ലാ വിഷയവും പഠിക്കുക: എല്ലാ വിഷയവും ദിവസവും പഠിക്കുക. പ്രത്യേക വിഷയത്തിന് വേണ്ടി മാത്രം ഒരു ദിവസം മാറ്റിവെയ്ക്കാതിരിക്കാന്‍ ശ്രമിക്കുക. എല്ലാ വിഷയവും പഠിക്കാന്‍ സമയം കണ്ടെത്തണം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha