എസ്.എസ്.എല്.സി. പരീക്ഷ എഴുതാന് 476373 വിദ്യാര്ഥികള്
മാര്ച്ച് ഒമ്പത് മുതല് 28 വരെ നടക്കുന്ന ഈ വര്ഷത്തെ എസ്.എസ്.എല്.സി. പരീക്ഷ എഴുതാന് 476373 വിദ്യാര്ഥികള്. ഇതില് 474267 പേര് റഗുലര് വിഭാഗത്തിലും 2106 പേര് െ്രെപവറ്റ് വിഭാഗത്തിലുമാണെന്ന് വിദ്യാഭ്യാസ മന്ത്രി പി.കെ. അബ്ദുറബ്ബ് വാര്ത്താസമ്മേളനത്തില് അറിയിച്ചു. 484 വിദ്യാര്ഥികള് പഴയ സ്കീമില് പരീക്ഷ എഴുതാനും രജിസ്റ്റര് ചെയ്തിട്ടുണ്ട്. പരീക്ഷ എഴുതുന്നവരില് 233034 പേര് പെണ്കുട്ടികളും 241233 പേര് ആണ്കുട്ടികളുമാണ്. റഗുലര് വിദ്യാര്ഥികളില് 472921 പേര് കേരളത്തിലും 583 പേര് ഗള്ഫിലും 813 പേര് ലക്ഷദ്വീപിലും പരീക്ഷ എഴുതും..
2903 കേന്ദ്രങ്ങളാണു പരീക്ഷക്കായി സജ്ജീകരിച്ചിരിക്കുന്നത്. 320854 പേര് മലയാളം മീഡിയം വിദ്യാര്ഥികളാണ്. 148115 പേര് ഇംഗഌഷ് മീഡിയത്തിലും 3135 പേര് കന്നഡയിലും 2163 പേര് തമിഴ് മീഡിയത്തിലും പഠിക്കുന്നവരാണ്. മലപ്പുറം ജില്ലയിലാണ് ഏറ്റവും കൂടുതല് വിദ്യാര്ഥികള് (83315)പരീക്ഷ എഴുതുന്നത്. കുറവ് പത്തനംതിട്ടയിലും (12451). കൂടുതല് വിദ്യാര്ഥികള് പരീക്ഷക്കിരിക്കുന്നത് മലപ്പുറം എടരിക്കോട് പി.കെ.എം.എം. ഹയര്സെക്കന്ഡറി സ്കൂളിലാണ്. 2347 പേര്. കുറവ് പെരിഞ്ചാന്കുട്ടി ഗവ. ഹൈസ്കൂളിലും ബേപ്പൂര് ജി.ആര്.എഫ്.ടി.എച്ച്.എസ് ആന്റ് വി.എച്ച്.എസ്.എസിലുമാണ്. മൂന്ന് പേര് വീതം.
ഉത്തരക്കടലാസുകളുടെ മൂല്യനിര്ണയം ഏപ്രില് ഒന്ന് മുതല് 12 വരെ 54 ക്യാമ്പുകളിലായി നടത്തും. ടാബുലേഷന് ജോലികള് കുറ്റമറ്റതാക്കുന്നതിന് എന്.ഐ.സി, ഡി.പി.ഐ തലത്തില് യോഗങ്ങള് ചേര്ന്നു. 54 ക്യാമ്പുകളുടെയും പ്രവര്ത്തനം തല്സമയം നിരീക്ഷിക്കാനും വിലയിരുത്താനുമായി ഓണ്ലൈന് മോണിറ്ററിങ് സംവിധാനമുണ്ട്.
ചോദ്യപേപ്പറുകള് ഫെബ്രുവരി 26 മുതല് 28 വരെയുള്ള തീയതികളിലായി എത്തിച്ചേരും. മാര്ച്ച് രണ്ട് മുതല് നാല് വരെ തീയതികളിലായി ഇവ ഡി.ഇ.ഒ തലത്തില് കഌ്റ്റര് ക്രമത്തില് തരംതിരിച്ച് നാല്, അഞ്ച് തിയതികളിലായി ട്രഷറികളിലും ബാങ്കുകളിലുമായി സൂക്ഷിക്കും. പരീക്ഷാ ദിവസങ്ങളില് രാവിലെ എട്ട് മുതല് ഡി.ഇ.ഒ നിയോഗിക്കുന്ന ഉദ്യോഗസ്ഥര് കൈപ്പറ്റുകയും 11 മണിക്കുമുമ്പായി പരീക്ഷാകേന്ദ്രങ്ങളില് എത്തിച്ചുനല്കുകയും ചെയ്യും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha