അന്താരാഷ്ട്ര ബഹിരാകാശ നിലയത്തില്‍ നിന്ന് രാജ്യത്തെ വിദ്യാര്‍ത്ഥികളുമായി സംവദിച്ച് ഇന്ത്യന്‍ ബഹിരാകാശ സഞ്ചാരി ശുഭാംശു ശുക്‌ള
അന്താരാഷ്ട്ര ബഹിരാകാശ നിലയത്തില്‍ നിന്ന് രാജ്യത്തെ വിദ്യാര്‍ത്ഥികളുമായി സംവദിച്ച് ഇന്ത്യന്‍ ബഹിരാകാശ സഞ്ചാരി ശുഭാംശു ശുക്‌ള. ഇന്നലെ പ്രധാനമന്ത്രി നരേന്ദ്രമോദിയുടെ ഓഫീസും നാസയും സംയുക്തമായി സംഘടിപ്പിച്ച പരിപാടിയിലാണ് വിദ്യാര്‍ത്ഥികള്‍ക്ക് ശുഭാംശുവുമായി സംവാദത്തിന് അവസരമൊരുങ്ങിയത്.
തിരുവനന്തപുരത്തെ വി.എസ്.എസ്.സിയിലും ലക്‌നൗവിലെ ഐ.എസ്.ആര്‍.ഒ കേന്ദ്രവുമായിരുന്നു വേദിയായിരുന്നത്. വി.എസ്.എസ്.സിയില്‍ നടന്ന പരിപാടിയില്‍ നവോദയ, കേന്ദ്രീയ വിദ്യാലയങ്ങളിലെ നൂറോളം വിദ്യാര്‍ത്ഥികളും ജില്ലാകളക്ടറുടെ സൂപ്പര്‍ 100 ഗ്രൂപ്പില്‍ തിരഞ്ഞെടുക്കപ്പെട്ട നൂറോളം വിദ്യാര്‍ത്ഥികളുമാണ് പങ്കെടുത്തത്.
ആക്‌സിയം 4 മിഷന്‍ കമാന്‍ഡുമായി ബന്ധപ്പെടാനുള്ള ലിങ്കിലൂടെയാണ് ശുഭാംശു വിദ്യാര്‍ത്ഥികളുമായി സംസാരിക്കാനായി സ്‌ക്രീനിലെത്തിയത്. ഉച്ചയ്ക്ക് 2.30 മുതല്‍ 2.40 വരെയായിരുന്നു പരിപാടി. കുട്ടികളുടെ ചോദ്യങ്ങള്‍ മുന്‍കൂട്ടി നല്‍കിയായിരുന്നു പരിപാടി.
ചോദ്യം ചോദിച്ചത് ഒരാള്‍ സമയക്കുറവ് മൂലം ഒരാളാണ് ചോദ്യങ്ങള്‍ ചോദിച്ചത്. അതിന് ശുഭാംശു മറുപടി നല്‍കുകയായിരുന്നു. സ്‌പെയ്‌സ് സ്റ്റേഷനില്‍ ജീവിക്കുന്ന ആളെ നേരിട്ട് കണ്ടതിന്റെ ത്രില്ലിലായിരുന്നു വിദ്യാര്‍ത്ഥികള്‍. നമുക്കും ബഹിരാകാശത്ത് പോകാനാകും എന്നതിന്റെ ജീവിക്കുന്ന തെളിവാണ് താനെന്ന് ശുഭാംശു പറഞ്ഞു. ഇന്ത്യക്കാര്‍ അത്രയ്ക്ക് വളര്‍ന്നുകഴിഞ്ഞു. നിങ്ങള്‍ ശ്രമിച്ചാല്‍ ഇതിലും ഏറെ മുന്നോട്ട് പോകാന്‍ വരുംനാളുകളില്‍ കഴിയുമെന്നും അദ്ദേഹം പറഞ്ഞു.
ബഹിരാകാശത്ത് എങ്ങനെ ജീവിക്കുമെന്നും അപ്പോള്‍ നമുക്ക് എന്ത് മാറ്റമാണുണ്ടാകുകയെന്നും കുട്ടികള്‍ ചോദിച്ചു. മാറ്റമുണ്ടാകുമെന്നും അതെങ്ങനെയെന്ന് വഴിയേ അറിയാനാകുമെന്നും ശുഭാംശു മറുപടി നല്‍കി. സംവാദത്തിന്റെ വിശദാംശങ്ങള്‍ പ്രധാനമന്ത്രിയുടെ ഓഫീസിന് കൈമാറിയിട്ടുണ്ടെന്നും പിന്നീട് പി.എമ്മിന്റെ എക്സ് പേജിലൂടെ പുറത്തിറക്കുമെന്നും ഐ.എസ്.ആര്‍.ഒ വൃത്തങ്ങള്‍ .
"
https://www.facebook.com/Malayalivartha
