ആരെയും അധികം വീട്ടില്‍ കയറ്റരുത് എന്തിന്റെ പേരിലായാലും. ഞാനും ഭര്‍ത്താവും കൂടി അമ്മയെ കാണാന്‍ പോകുമ്പോള്‍ അവളും എത്തുമായിരുന്നു. അന്നെല്ലാം വീട്ടില്‍വന്ന് നായ്ക്കുട്ടിയെ ഓമനിച്ചുകൊണ്ടു നില്‍ക്കും. പതിയെപ്പതിയെ എന്റെ ഭര്‍ത്താവിലായി കണ്ണ്. അവളെന്റെ ഭര്‍ത്താവിനെ വലയില്‍വീഴ്ത്തിയതോടെയാണ് ഞങ്ങളുടെ വിവാഹബന്ധം തകര്‍ന്നത്. പുല്‍കിത് സമ്രാട്ടുമായുള്ള വിവാഹബന്ധം തകര്‍ത്തത് തന്റെ കൂട്ടുകാരിതന്നെയായ നടി യാമിയാണെന്ന് ചാനല്‍ പത്രപ്രവര്‍ത്തകയായിരുന്ന ശ്വേത വെളിപ്പെടുത്തുന്നു.
വിവാഹമോചനം ഒരു പുതുമയുള്ള വാര്‍ത്തയല്ല സിനിമാലോകത്ത്. അതേസമയം, വിവാഹം കഴിഞ്ഞ് ഒരു വര്‍ഷത്തിനകം നടി ശ്വേതയും നടന്‍ പുല്‍കിത് സമ്രാട്ടും വേര്‍പിരിഞ്ഞത് ഇപ്പോഴും സജീവ ചര്‍ച്ചയാണ്. അതിന് മറ്റൊരു കാരണവുമുണ്ട് പത്രപ്രവര്‍ത്തകയായ ശ്വേത സൂപ്പര്‍സ്റ്റാര്‍ സല്‍മാന്‍ഖാന്റെ അടുത്ത സുഹൃത്തായിരുന്നു. ഒരിക്കല്‍ രക്ഷാബന്ധന്‍ ദിവസം രാഖി കൈയില്‍ക്കെട്ടി സല്‍മാനെ സഹോദരനായി പ്രഖ്യാപിച്ച ശ്വേതയെ പുല്‍കിതിന് കന്യാദാനം നടത്തി കൈപിടിച്ചുകൊടുത്തതും സല്‍മാന്‍ ഖാനായിരുന്നു. പ്രത്യേകിച്ച് കാരണങ്ങളൊന്നും വെളിപ്പെടുത്താതെയാണ് ശ്വേതയും പുല്‍കിതും വേര്‍പിരിഞ്ഞത്.
നടി യാമി ഗൗതവുമായുള്ള പുല്‍കിതിന്റെ ബന്ധമാണ് വിവാഹമോചനത്തിന് കാരണമെന്ന ഗോസിപ്പുകള്‍ ഇപ്പോള്‍ സ്ഥിരീകരിച്ചിരിക്കുകയാണ് ശ്വേത. യാമിയാണ് തന്റെ വിവാഹജീവിതം തകര്‍ത്തതെന്ന് ശ്വേത പറയുന്നു. ഇവള്‍ ഞങ്ങളുടെ ജീവിതത്തിലേക്ക് വരുന്നതിന് മുമ്പേ ഞാനും പുല്‍കിതും തമ്മില്‍ നല്ല ബന്ധമായിരുന്നു. അന്ധേരിയില്‍ എന്റെ അമ്മ താമസിക്കുന്ന അപാര്‍ട്ട്മെന്റിലായിരുന്നു യാമിയും താമസിച്ചിരുന്നത്.
പുല്‍കിതും ഞാനും അമ്മയെ കാണാനായി അവിടെ ചെല്ലുമ്പോള്‍ യാമിയും എത്തും. ഞങ്ങളുടെ നായക്കുട്ടിയുമായായിരുന്നു അവളുടെ കൂട്ട് ആദ്യമെല്ലാം. പിന്നീട് അവള്‍ എന്റെ ഭര്‍ത്താവിലും നോട്ടമിട്ടു. യാമിയോട് അടുപ്പം തുടങ്ങിയതോടെ പുല്‍കിതിന്റെ സ്വഭാവത്തിനും മാറ്റം വന്നുതുടങ്ങി. ഇപ്പോള്‍ യാമി എന്റെ സുഹൃത്തല്ല. ഒരു കാര്യത്തില്‍ യാമിയോട് നന്ദിയുണ്ട്. പുല്‍കിതിന്റെ തനിനിറം കാണിച്ചുതന്നതിന്- ശ്വേത പറഞ്ഞു.

പക്ഷേ, പ്രത്യേകിച്ച് കാരണമൊന്നും പറയാതെയാണ് പുല്‍കിത് പിരിഞ്ഞുപോയതെന്ന് ശ്വേത പറയുന്നു. കാരണമെന്തെന്ന് ശ്വേതക്ക് ഇപ്പോഴും അറിയില്ല. പിരിയാന്‍ പോകുകയാണെന്ന് പുല്‍കിത് പറഞ്ഞപ്പോള്‍ അത് ലോകത്തോട് തുറന്നുപറയാനാണ് പറഞ്ഞത്. പക്ഷേ പുല്‍കിത് അതിന് തയ്യാറായില്ല. സനം രേ എന്ന ചിത്രത്തിന്റെ സെറ്റില്‍ യാമി ഗൗതമും പുല്‍കിതും അടുത്തിടപഴകിയതിനെ ചൊല്ലിയുണ്ടായ തര്‍ക്കങ്ങളാണ് വിവാഹമോചനത്തില്‍ കലാശിച്ചതെന്ന പ്രചരണം ഉണ്ടായിരുന്നു.