റോക് സ്റ്റാര്‍ എന്ന ചിത്രത്തിലൂടെ ജനപ്രിയയായ പ്രശസ്ത സിനിമ നടി നര്‍ഗീസ് ഫക്രി സിനിമ ലോകത്തോട് വിടപറയുന്നു. ധൂം എന്ന ചിത്രത്തിലൂടെ പ്രേക്ഷക ശ്രദ്ധ നേടിയ ഉദയ് ചോപ്രയുമായി നടി നേരത്തെ പ്രണയത്തിലായിരുന്നു. പ്രണയത്തിലായതില്‍ പിന്നെ ഏറെക്കാലം സിനിമയില്‍ നിന്ന് വിട്ടു നില്‍ക്കുകയായിരുന്നു നര്‍ഗീസ്. എന്നാല്‍ അടുത്തിടെ ഉദയ് ചോപ്രയുമായി പിരിഞ്ഞെന്നു വാര്‍ത്തകള്‍ ഉണ്ടായിരുന്നു. ഇതിനെ തുടര്‍ന്നാണ് ഇന്ത്യന്‍ സിനിമാലോകത്തോട് വിട പറയുന്നതെന്നാണ് പുതിയ വാര്‍ത്തകള്‍.

ബോളിവുഡ് ഉപേക്ഷിച്ച് കുടുംബത്തിനൊപ്പം അമേരിക്കയില്‍ സ്ഥിരതാമസാക്കുകയാണ് നടിയുടെ ആഗ്രഹമെന്നാണ് താരം പറയുന്നതെങ്കിലും ഉദയ് ചോപ്രയുമായുള്ള പ്രണയബന്ധം തകര്‍ന്നതാണ് ഇതിന് കാരണമെന്നും റിപ്പോര്‍ട്ട് ഉണ്ട്. ഇനി ഇന്ത്യയിലേക്ക് തിരിച്ചു വരുന്നില്ലെന്നുമാണ് നര്‍ഗീസ് ഫക്രി പറഞ്ഞത്.

അടുത്തിടെ ഇറങ്ങിയ അസ്ഹര്‍, ഹൗസ്ഫുള്‍ 3 എന്നീ ചിത്രങ്ങള്‍ ജനശ്രദ്ധയാകര്‍ഷിക്കാതിരുന്നതും ബോളിവുഡ് ഉപേക്ഷിക്കാന്‍ നടിയെ പ്രേരിപ്പിക്കുന്നുണ്ടെന്നുമാണ് വാര്‍ത്തകള്‍. ജോണ്‍ എബ്രഹാം നായകനായെത്തുന്ന
ഡിഷ്യും എന്ന ചിത്രമാണ് നടിയുടെ പുറത്തിറങ്ങാനിരിക്കുന്ന ഏറ്റവും പുതിയ ചിത്രം.