അഭിനയം പോരാത്തതിന് ബച്ചന് കുടുംബം എഡിറ്ററെ സമീപിച്ചു, ഐശ്വര്യയുമായി അടുത്തിടപഴകുന്ന സീനുകള് ഒഴിവാക്കാന് നിര്ദ്ദേശം
കരണ് ജോഹര് സംവിധാനം ചെയ്യുന്ന യേ ദില് ഹേ മുഷ്കിലിലെ ഐശ്വര്യ റായിയുടെ അഭിനയം ബച്ചന് കുടുംബത്തിന് അത്ര രസിച്ചിട്ടില്ലെന്നതാണ് ബോളിവുഡിലെ പുതിയ സംസാരം. ഇരുവരും അടുത്ത് ഇടപെഴുകുന്ന സീനുകളാണത്രേ ബച്ചന് കുടുംബത്തിന് പ്രശ്നമായത്. സിനിമയിലെ സീനുകള് എഡിറ്റു ചെയ്യാന് കുടുംബ സുഹൃത്തു കൂടിയായ കരണിനെ ബച്ചന്സ് സമീപിച്ചുവെന്നാണ് ഇപ്പോള് അറിയുന്നത്.
രമേശ് തല്വാറിന്റെ ദൂസരാ ആത്മി എന്ന ചിത്രത്തിലെ രാഖി ഗുല്സാര്, ഋഷി കപൂര് എന്നിവരുടെ കഥാപാത്രത്തില് നിന്നുള്ള പ്രചോദനം ഉള്ക്കൊണ്ടാണ് ഐശ്വര്യയുടെയും രണ്ബീറിന്റെ ബന്ധം ചിത്രത്തില് ഉള്പ്പെടുത്തിയത്. രണ്ബീര് കപൂര്, അനുഷ്കാ ശര്മ്മ, ഫവാദ് ഖാന് എന്നിവര് പ്രധാന വേഷത്തിലെത്തുന്ന യേ ദില് ഹേ മുഷ്കില് ഐശ്വര്യയുടെ പുതിയ ചിത്രത്തില് യുവാവും പ്രായമുള്ള സ്ത്രീയും തമ്മിലുള്ള ബന്ധമാണ് പറയുന്നത്.
സഞ്ജയ് ഗുപ്ത സംവിധാനം ചെയ്യുന്ന ആക്ഷന് ത്രില്ലര് ജസ്ബയിലൂടെയാണ് ഐശ്വര്യ വിവാഹത്തിന് ശേഷം വെള്ളിത്തിരയിലിലേക്ക് തിരിച്ചു വന്നത്. ഇര്ഫാന് ഖാന്, ഷബാന അസ്മി, അനുപം ഖേര് എന്നിവരായിരുന്നു ജസ്ബയിലെ മറ്റ് താരങ്ങള്.
https://www.facebook.com/Malayalivartha
