രണ്ബീറുമായുള്ള ഇഴുകിചേര്ന്ന രംഗങ്ങള് ആസ്വദിച്ചാണ് ചെയ്തത്; പരിധി വിടാതിരിക്കാന് ശ്രദ്ധിച്ചു: ഐശ്വര്യ റായ്
കരണ് ജോഹര് ഒരുക്കിയ 'ഏ ദില് ഹേ മുഷ്കില്' എന്ന സിനിമയിലെ രണ്ബീര്ഐശ്വര്യ റായ് ജോടികളുടെ ചൂടന് രംഗങ്ങള് ഏറെ ചര്ച്ചചെയ്യപ്പെട്ടവയാണ്. രണ്ബീറുമൊത്തുള്ള ഐശ്വര്യയുടെ ഇഴുകിചേര്ന്നുള്ള രംഗങ്ങള് ഒഴിവാക്കണമെന്ന് അമിതാഭ് ബച്ചന് കരണിനോട് ആവശ്യപ്പെട്ടതായി റിപ്പോര്ട്ടുകള് വന്നിരുന്നു. എന്നാല് സ്ക്രിപ്റ്റ് ആവശ്യപ്പെട്ടതിനാലാണ് താന് അങ്ങനെ അഭിനയിച്ചതെന്ന് ഐശ്വര്യ പറയുന്നു.
പ്രേക്ഷകര് കരുതുന്നത് പോലെ മോശമായി ചെയ്തിട്ടില്ലെന്നും താരം പറയുന്നു. സിനിമയിലെ തന്റെ വേഷവും രണ്ബീറുമായുള്ള രംഗങ്ങളും താന് ഏറെ ആസ്വദിച്ചാണ് ചെയ്തത്. രണ്ബീറുമായി നന്നായി ഇഴുകിചേര്ന്നുള്ള രംഗമായിരുന്നു കരണിന് വേണ്ടിയിരുന്നത്. എന്നാല് തനിക്ക് കഴിയാവുന്നത്ര പരിധി കടക്കാതിരിക്കാന് ശ്രദ്ധിച്ചെന്നും താരം പറയുന്നു. അനാവശ്യ കാര്യം ശ്രദ്ധിക്കാതെ തങ്ങളുടെ കെമിസ്ട്രിയും ആഴവും നോക്കാന് താരം പറയുന്നു.
വളരെ ക്ലാസിക്കായി ചെയ്ത രംഗങ്ങളെ ബാലിശമായി ലൈംഗികതയുടെ കണ്ണിലൂടെ നോക്കിക്കാണരുതെന്നും ആഷ് പറഞ്ഞു. ഇതുവരെ കണ്ടിട്ടില്ലാത്ത വിധത്തില് ഗ്ലാമറിലും കിടപ്പറ രംഗങ്ങളിലും പ്രത്യക്ഷപ്പെട്ടതോടെയാണ് ഗോസിപ്പുകാര് ചര്ച്ച ചെയ്തു തുടങ്ങിയത്. ചിത്രത്തിലെ തന്റെ കഥാപാത്രമായ സാബായെക്കുറിച്ചും ആഷ് പറഞ്ഞു. ഒപ്പം രണ്ബീര് വെറും പാവമാണ്. ഞങ്ങള് കൊച്ചുകുട്ടികളെപ്പോലെയാണ് അഭിനയിച്ചത്.
സിനിമയില് നായകന്റെ ശിഷ്ടകാലത്തിന് പ്രചോദനമാകുന്ന ആധുനിക സ്ത്രീയുടെ മുഖമുദ്രയായ സ്ഫോടനാത്മകമായ സ്ത്രീ കഥാപാത്രം. അവന്റെ ജീവിതത്തില് ഉടനീളം നിറഞ്ഞു നില്ക്കുന്നതും പിന്നീട് എഴുത്തിനും പാട്ടിനുമെല്ലാം കാരണമാകുന്ന സ്വാധീനം ഉണ്ടാക്കുന്ന സ്ത്രീ.ഈ സിനിമ നായക കഥാപാത്രങ്ങള് തമ്മിലുള്ള പ്രായം സംബന്ധിച്ചത് ഉള്പ്പെടെയുള്ള ചോദ്യങ്ങള് ഉയര്ത്തുന്നതില് സന്തോഷിക്കുന്നെന്നും താരം പറഞ്ഞു. രണ്ബീര് കപൂര്, ഐശ്വര്യാറായ്, അനുഷ്ക ശര്മ്മ എന്നിവര് പ്രധാന വേഷത്തില് എത്തുന്ന സിനിമയില് ഫവദ്ഖാന്, ഇമ്രാന് അബ്ബാസ്, ലിസാ ഹെയ്ഡന്, ഷാരൂഖ്, ആലിയഭട്ട് എന്നിവര് അതിഥി വേഷത്തിലും എത്തുന്നു. 2016 ഒക്ടോബര് 28 നാണ് ചിത്രത്തിന്റെ റിലീസ്.
https://www.facebook.com/Malayalivartha