50 കോടിയിലധികം മുതല്മുടക്കുള്ള കായംകുളംകൊച്ചുണ്ണി മോഹന്ലാല് ചിത്രമാക്കി മാര്ക്കറ്റ് ചെയ്യാന് നിര്മാതാക്കള് നീക്കം നടത്തുന്നു
റിലീസിന് മുമ്പ് 47 കോടി മുതല് മുടക്കായ കായംകുളം കൊച്ചുണ്ണി ഇനി തിയേറ്ററിലെത്തണമെങ്കില് മൂന്ന് കോടിയിലധികം ചെലവാക്കണം. പടം തിയേറ്ററിലെത്തുമ്പോള് പ്രിന്റ് ആന്ഡ് പബഌസിറ്റി ഉള്പ്പെടെ 50 കോടിയിലധികമാകും. അതിനാല് നിവിന്പോളിയെ വെച്ച് മാര്ക്കറ്റിംഗ് നടത്തിയാല് വലിയ ഓളം ഉണ്ടാകില്ലെന്ന് മനസിലാക്കിയാണ് നിര്മാതാക്കളായ ഗോകുലംഫിലിംസ് മോഹന്ലാല് സിനിമ എന്ന രീതിയില് സിനിമയെ മാര്ക്കറ്റ് ചെയ്യാന് തയ്യാറെടുക്കുന്നത്. ഐതീഹ്യമാലയില് നിന്ന് പ്രചോദനം ഉള്ക്കൊണ്ടാണ് ബോബി സഞ്ജയ് കായംകുളം കൊച്ചുണ്ണിയുടെ തിരക്കഥ എഴുതിയിരിക്കുന്നത്.
പുലുമുരുകന്റെ മാര്ക്കറ്റിംഗ് തന്ത്രത്തില് പ്രധാനപങ്ക് വഹിച്ച നിര്മാതാവ് ആന്റണി പെരുമ്പാവൂരിന്റെ സഹായവും ഗോകുലംഫിലിംസ് തേടുന്നുണ്ടെന്ന് അറിയുന്നു. തിയേറ്റര് ചാര്ട്ടിംഗ് ഉള്പ്പെടെ ആന്റണിയെ ഏല്പ്പിക്കുമെന്നാണ് അറിയുന്നത്. ചിത്രത്തില് ഇത്തിക്കരപക്കി എന്ന കഥാപാത്രത്തെയാണ് മോഹന്ലാല് അവതരിപ്പിക്കുന്നത്. കായംകുളംകൊച്ചുണ്ണിയും ഇത്തിക്കരപ്പക്കിയും തമ്മിലുള്ള സീനുകളായിരിക്കും സിനിമയുടെ ഹൈലൈറ്റ്. അത് വെച്ച് മാര്ക്കറ്റിംഗ് നടത്താനാണ് തീരുമാനം. കഴിഞ്ഞയാഴ്ച മിക്ക പത്രങ്ങള്ക്കും ഫുള്പേജ് പരസ്യം നല്കിയിരുന്നു. അതില് നിവിന് പോളിയുടെ കൊച്ചുണ്ണിയായിരുന്നു ആകര്ഷണം. ഇനിയുള്ള പരസ്യപ്രചരണങ്ങളില് മോഹന്ലിന് കൂടുതല് പ്രാധാന്യം നല്കി. ഇതൊരു മോഹന്ലാല് ചിത്രമാക്കി മാറ്റാനാണ് അണിയറപ്രവര്ത്തകര് ഉദ്ദേശിക്കുന്നത്.
മോഹന്ലാലിനെ പ്രചാരണ കേന്ദ്രമാക്കിയാല് ഓവര്സീസ് അവകാശവും അന്യസംസ്ഥാന വിതരണാവകാശവും ഉയര്ന്ന വിലയ്ക്ക് വില്ക്കാനാവും. തെലുങ്കില് മോഹന്ലാലിന് അത്യാവശ്യം നല്ല മാര്ക്കറ്റാണുള്ളത്. ഇതെല്ലാം കണക്കിലെടുത്താണ് പുതിയ തീരുമാനം. അന്പത് കോടിയോളം മുതല്മുടക്കിയ ചിത്രം ലാഭമാകണമെങ്കില് 100 കോടിയിലധികം കളക്ട് ചെയ്യണം. 27 കോടി മുടക്കിയ പുലിമുരുകന് 152 കോടിയാണ് വാരിയത്. അത് വിദേശത്തെ അടക്കം കളക്ഷനാണ്. ആ രീതിയിലുള്ളൊരു മാര്ക്കറ്റിംഗും പ്രചരണവുമാണ് ഗോകുലംഫിലിംസ് ആവിഷ്ക്കരിക്കുന്നത്. പഴയ കേരളത്തിലെ പല ഭാഗങ്ങളും മംഗലാപുരത്താണ് ചിത്രീകരിച്ചത്.
https://www.facebook.com/Malayalivartha