ഒരിക്കലും മറക്കാനാവാത്ത അപ്രതീക്ഷിതമായ ദിവസമായിരുന്നു അതെന്ന് നടിയും നടന്‍ ജഗതി ശ്രീകുമാറിന്റെ മകളുമായ ശ്രീലക്ഷ്മി പറയുന്നു. എന്നാല്‍, അച്ഛനെ കാണാന്‍ പോയപ്പോള്‍ ഗുണ്ടകളെ കൂട്ടിയാണ് പോയെന്ന് വരെ മാധ്യമങ്ങളില്‍ വരെ വാര്‍ത്ത വന്നു. ഇത്തരം വാര്‍ത്തകള്‍ നല്‍കുന്നത് ശരിയല്ലെന്ന് ശ്രീലക്ഷ്മി പറഞ്ഞു.
ദൈവത്തെയോര്‍ത്ത് ഇതുപോലെയുള്ള വ്യാജവാര്‍ത്തകള്‍ പ്രചരിപ്പിക്കരുതെന്നും ശ്രീലക്ഷ്മി അഭ്യാര്‍ത്ഥിച്ചു. ഫെയ്‌സ് ബുക്കിലൂടെയായിരുന്നു ശ്രീലക്ഷ്മി പ്രതികരിച്ചത്. അച്ഛനെ കാണാന്‍ ഗുണ്ടകളുമായി എത്തിച്ചേര്‍ന്നു എന്ന വാര്‍ത്തകള്‍ കേട്ട് ഞെട്ടിപ്പോയെന്നും ശ്രീലക്ഷ്മി പറഞ്ഞു. കഴിഞ്ഞദിവസം ഈരാറ്റുപേട്ടയില്‍ നടന്ന പൊതുചടങ്ങില്‍ വച്ചാണ് ജഗതിയെ കാണാന്‍ ശ്രീലക്ഷ്മി എത്തിയത്.
അച്ഛനെ കാണാന്‍ വന്നത് ഗുണ്ടകള്‍ക്കൊപ്പമാണെന്ന് ആരോപിക്കുന്ന വാര്‍ത്തകള്‍ വ്യാജമാണെന്ന് ശ്രീലക്ഷ്മി പറഞ്ഞു. തനിക്കൊപ്പം അവിടെ എത്തിച്ചേര്‍ന്നവര്‍ ബന്ധുക്കളും സുഹൃത്തുക്കളുമാണ്. അച്ഛന് എന്നോടുള്ള സ്‌നേഹം എല്ലാ മനുഷ്യഹൃദയങ്ങളും നേരിട്ടുകണ്ടതാണെന്നും ഇനി ജീവിതത്തില്‍ എന്തെല്ലാം നേരിടേണ്ടിവരുമെന്നത് കാത്തിരുന്ന് കാണാമെന്നും ശ്രീലക്ഷ്മി പറയുന്നു. പിസി ജോര്‍ജിനോടും ഷോണിനോടുമുള്ള നന്ദിയും ശ്രീലക്ഷ്മി അറിയിച്ചു. നിങ്ങളാണ് എന്റെ പിന്തുണ. എ്‌പ്പോഴും കൂടെയുണ്ടാകണമെന്നും ശ്രീലക്ഷ്മി പറഞ്ഞു.
അരുവിത്തുറ സെന്റ് ജോര്‍ജ് കോളജ് ഓഡിറ്റോറിയത്തില്‍ നടന്ന പൊതുചടങ്ങില്‍ വച്ചാണ് നാടകീയ സംഭവങ്ങള്‍ അരങ്ങേറിയത്. നടന്‍ ജഗതി ശ്രീകുമാറിനെ മകളെന്ന വെളിപ്പെടുത്തലുകളിലൂടെ വാര്‍ത്തകളില്‍ നിറഞ്ഞ ശ്രീലക്ഷ്മി, അദ്ദേഹത്തെ വേദിയില്‍ കയറി കാണുകയും ചുംബിക്കുകയുമായിരുന്നു. വാഹനാപകടത്തിനുശേഷം ആദ്യമായാണു ജഗതി ശ്രീകുമാര്‍ പൊതുവേദിയിലെത്തുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha