രണ്ടു വര്‍ഷം മുമ്പ് കോങ്ങാട് അടുത്ത് കേരളശ്ശേരിയില്‍ ഒടുവില്‍ ഉണ്ണികൃഷ്ണന്റെ ചരമവാര്‍ഷികം ആചരിക്കുന്ന ചടങ്ങ് ഉദ്ഘാടനത്തിനെത്തിയ ജയറാം അടുത്തുള്ള തുണിക്കട ഉദ്ഘാടനം ചെയ്ത് തിരിച്ചുപോയിരുന്നതായി ആരോപണം. അനുസ്മരണത്തിന് മാമൂക്കോയയെയാണ് ആദ്യം തീരുമാനിച്ചിരുന്നത്. എന്നാല്‍ സംഘാടകര്‍ മാമൂക്കോയയെ ബന്ധപ്പെടുബോള്‍ നാളെ വിളിക്ക് എന്ന് പറഞ്ഞ് നീട്ടികൊണ്ട് പോവുകയായിരുന്നു. ഇങ്ങനെ മാമൂക്കോയയുടെ നാളെ നീണ്ട് പോയതിനെതുടര്‍ന്നാണ് സംഘാടകര്‍ നടന്‍ ജയറാമിനെ സമീപിക്കുന്നത്. ജയറാം പരിപാടിക്ക് വരാമെന്നേറ്റു. ചരമവാര്‍ഷികം ദിവസം കഴിഞ്ഞുള്ള രണ്ടാമത്തെ ദിവസം മണ്ണാര്‍ക്കാട് ഒരു തുണിക്കടയുടെ ഉദ്ഘാടനത്തിന് നടന്‍ ജയറാം എത്തുന്നുണ്ട്. ആ ദിവസത്തേക്ക് ജയറാമിന്റെ സൗകര്യം കണക്കിലെടുത്ത് അനുസ്മരണം മാറ്റി. പക്ഷേ തുണിക്കട ഉദ്ഘാടനത്തിനു വന്നുപോയ ജയറാമിന് ഒടുവിലിന്റെ അനുസ്മരണത്തിന് പോയില്ല. കാറില്‍ അരമണിക്കൂറോളം യാത്ര ചെയ്താല്‍ എത്തുന്ന സ്ഥലത്തായിരുന്നിട്ട് പോലും വരാന്‍ കഴിയില്ലെന്നു പറഞ്ഞ് ജയറാം മടങ്ങിപ്പോയി. ഉദ്ഘാടനത്തിന് പോകുമ്പോള്‍ കിട്ടുന്ന ലക്ഷങ്ങള്‍ ഒടുവിലാന്റെ അനുസ്മരണത്തിനു കിട്ടില്ലെന്ന് കണ്ടായിരുന്നു ജയറാം മാറിയതെന്നായിരുന്നു ആരോപണം.

നേരത്തെ തന്നെ ഒടുവിലിന്റെ മരണശേഷം സിനിമാക്കാരാരും അദ്ദേഹത്തെ തിരിഞ്ഞ് നോക്കിയില്ലെന്ന് ആരോപണം ഉയര്‍ന്നിരുന്നു. എന്നാല്‍ നടന്‍ ദിലീപും സംവിധായകന്‍ സത്യന്‍ അന്തിക്കാടും ഇപ്പോഴും ഒടുവിലിനെ ഓര്‍ക്കുകയയും സഹായിക്കുകയും  ചെയ്യാറുണ്ടെന്ന് ഒടുവിലിന്റെ ഭാര്യ പറഞ്ഞു. മരണസമയത്തും പിന്നീടും സഹായിച്ച വകയില്‍ ദിലീപിന് മുപ്പതിനായിരം രൂപ മടക്കി കൊടുക്കാനുണ്ടെന്നാണ് ഒടുവിലിന്റെ ഭാര്യ പത്മജ പറഞ്ഞത്. ദിലീപ് ഒരിക്കലും പണം തിരിച്ച് ആവശ്യപെട്ടിട്ടില്ല. 

കെ.പി.എ സിയുടെ നാടകത്തില്‍നിന്നാണ് സിനിമയിലേക്ക് ഒടുവില്‍ ഉണ്ണികൃഷ്ണന്‍ എത്തിയത്. മൂന്നു സംസ്ഥാന അവാര്‍ഡുകള്‍( കഥാപുരുഷന്‍1995, തൂവല്‍കൊട്ടാരം1996, നിഴല്‍ക്കുത്ത്2002) നേടിയിട്ടുള്ള മലയാളികള്‍ക്കു മറക്കാനാവാത്ത നടനാണ് ഒടുവില്‍ ഉണ്ണികൃഷ്ണന്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha