രഞ്ജിനി ഹരിദാസ് വഴിയേ പോകുന്നവര്‍ക്കെല്ലാം കൊട്ടാവുന്ന ചെണ്ടയോ ചോദിക്കുന്നത് രഞ്ജിനി തന്നെ. നായ വിഷയത്തില്‍ താരം തന്റെ നിലപാടുപറഞ്ഞതിന് ഒട്ടേറെ വിമര്‍ശനം കേട്ടതാണ്. എന്തു തന്നെയായാലും കോംപയറിങ്ങില്‍ രഞ്ജിനിയുടെ കഴിവ് വിമര്‍ശകര്‍പോലും അംഗീകരിച്ചിട്ടുള്ളതാണ്. എന്നാല്‍ പുതിയ വിവാദത്തില്‍ തന്നെ വലിച്ചിഴക്കരുതെന്ന് താരം ആവശ്യപ്പെടുന്നു. നടി ഇനിയയുടെ ഗ്ലാമറസ് ഫോട്ടോ, ഫോട്ടോഗ്രാഫര്‍ സമ്മതമില്ലാതെ വിറ്റെന്ന ആരോപണവുമായി താരം രംഗത്തെത്തിയത് കഴിഞ്ഞ ദിവസമാണ്. ഫോട്ടോഗ്രാഫായ സരിത് സി വര്‍മ്മ തന്റെ വഞ്ചിച്ചുവെന്ന ആരോപണവുമായാണ് ഇനിയ രംഗത്തെത്തിയത്. ഇതേക്കുറിച്ച് കൂടുതല്‍ വിവരങ്ങള്‍ അവര്‍ മനോരമ ഓണ്‍ലൈനില്‍ വെളിപ്പെടുത്തിയിരുന്നു. ഇതില്‍ അവതാരിക രഞ്ജിനി ഹരിദാസിനും തനിക്കുണ്ടായതു പോലുള്ള അനുഭവം ഉണ്ടായെന്ന് ഇനിയ പറഞ്ഞുവെന്ന് പരാമര്‍ശിച്ചിരുന്നു. എന്നാല്‍, ഈ പരാമര്‍ശനത്തിനെതിരെ രഞ്ജിനി തന്നെ രംഗത്തെത്തി.
തന്റെ ഫേസ്ബുക്ക് പോസ്റ്റിലൂടെയാണ് മനോരമ ഓണ്‍ലൈനില്‍ വന്ന വാര്‍ത്തയ്‌ക്കെതിരെ രഞ്ജിനി തുറന്നടിച്ചത്. ഇനിയയുമായോ ഫോട്ടോഗ്രാഫര്‍ ഫോട്ടോഗ്രാഫര്‍ സരിത് സി വര്‍മയുമായോ തനിക്ക് ഒരു ബന്ധവുമില്ലെന്ന് വ്യക്തമാക്കിയ രഞ്ജിനി എന്തിനാണ് തന്നെ ഈ വിഷയത്തിലേക്ക് വലിച്ചിഴച്ചതെന്നും ചോദിച്ചു. അവരെ ഇതുവരെ കണ്ടിട്ടുപോലുമില്ല. അങ്ങനെയിരിക്കെ മനോരമയില്‍ വന്ന വാര്‍ത്തയില്‍ എന്തിനാണ് തന്റെ പേര് കൂട്ടിച്ചേര്‍ത്തതെന്ന് നടി ചോദിക്കുന്നു. ഇത്തരം കാര്യങ്ങളില്‍ നിന്നും മനോരമ പിന്മാറണമെന്ന് രഞ്ജിനി ഫേസ്ബുക്കിലൂടെ അഭ്യര്‍ത്ഥിച്ചു. രഞ്ജിനിയുടെ പ്രതികരണം വന്നതോടെ മനോരമ രഞ്ജിനിയുടെ പേര് വാര്‍ത്തയില്‍ നിന്നും നീക്കം ചെയ്യുകയും ചെയ്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha