ആ പ്രണയത്തിനെതിരെ വിമര്‍ശന ശരങ്ങള്‍. \'എന്ന് നിന്റെ മൊയ്തീന്‍\' സിനിമക്ക് ആധാരമായ കോഴിക്കോട് മുക്കത്തെ മൊയ്തീന്‍കാഞ്ചനമാല പ്രണയം ആത്മാര്‍ത്ഥതയില്ലാത്തതെന്ന് എഴുത്തുകാരന്‍ ഹമീദ് ചേന്ദമംഗലൂര്‍. പത്തുപതിനഞ്ചു വര്‍ഷം പ്രണയിച്ചിട്ടും അത് വിവാഹത്തിലത്തെിക്കാന്‍ മൊയ്തീനും കാഞ്ചനമാലയ്ക്കും സാധിച്ചില്ല. അതുകൊണ്ടുതന്നെ അവരുടെ പ്രണയം കാപട്യമായിരുന്നു. പ്രണയം ആത്മാര്‍ത്ഥമായിരുന്നെങ്കില്‍ അവര്‍ക്ക് ഒരുമിക്കാന്‍ കഴിയുമായിരുന്നെന്നും ഹമീദ് കൂട്ടിച്ചേര്‍ത്തു.
എല്ലാവരും കൊട്ടിഘോഷിക്കുന്നത് പോലെ യഥാര്‍ത്ഥ ജീവിതത്തിലെ മൊയ്തീന്റെയും കാഞ്ചനമാലയുടെയും പ്രണയം ആത്മാര്‍ത്ഥമായിരുന്നില്‌ളെന്ന് ഒരു ചാനലിനുനല്‍കിയ അഭിമുഖത്തില്‍ പ്രദേശവാസികൂടിയായ ഹമീദ് പറഞ്ഞതാണ് വിവാദത്തിന് വഴിതെളിയിച്ചത്.
ഇത്രയും സ്‌നേഹച്ചിരുന്ന മൊയ്തീന് വേണ്ടി സ്വന്തം സ്വത്തില്‍ നിന്ന് 10 സെന്റ് സ്ഥലം വിറ്റ് സ്മാരകം പണിയാന്‍ കാഞ്ചനമാല തയ്യറാകാത്തത് എന്തു കൊണ്ടാണെന്നും ഹമീദ് ചോദിച്ചു.മൊയ്തീന്റെ വീട്ടിലായിരുന്നു കാഞ്ചനമാല സ്മാരക പ്രവര്‍ത്തനങ്ങള്‍ തുടങ്ങിയത്. മൊയ്തീന്റെ ബന്ധുക്കള്‍ ഇടപെട്ട് ഈ സ്ഥലം പിന്നീട് തിരിച്ചെടുക്കുകയായിരുന്നു. അവരുടെ സ്‌നേഹം കാപട്യമായിരുന്നെന്ന് അതില്‍ നിന്ന് വ്യക്തമാണെന്നും ഹമീദ് പറയുന്നു.
പ്രമുഖ യുക്തിവാദി നേതാവ്കൂടിയായ ഹമീദിന്റെ ഈ പ്രസ്താവയെ ഞെട്ടലോടെയാണ് മുക്കത്തുകാര്‍ കണ്ടത്.എന്നാല്‍ തനിക്ക് അങ്ങനെയൊരു അഭിപ്രായമില്ലെന്നും ഉദാത്ത പ്രണയത്തിന്റെ മാതൃകായാണ് അവരെന്നത് തന്റെ കൂടി ജീവിതാനുഭവമാണെന്നാണ് പ്രശസ്ത എഴൂത്തുകാരനും ഇതേ നാട്ടുകാരനുമായ ഡോ.എം.എന്‍ കാരശ്ശേരി പറയുന്നത്. സ്വത്ത് നോക്കി പ്രേമിച്ചവരല്ല അവര്‍. അതിനാല്‍ ആ കാര്യങ്ങളെ ഇതിലേക്ക് വലിച്ച് ഇഴക്കരുതെന്നും കാരശ്ശേരി മാസ്റ്റര്‍ പറഞ്ഞു.
തന്റെ നാട്ടില്‍നിന്ന് താനാല്ലായെ മറ്റൊരു സെലിബ്രിറ്റി ഉണ്ടാകരുതെന്ന അസഹിഷ്ണുതയാണ് ഹമീദ് ചേന്ദമംഗല്ലൂരിന്റെ വാക്കുകളില്‍ നിഴലിക്കുന്നതെന്നും മതേതര ഭീകരത എന്ന വാക്കിനുള്ള യഥാര്‍ഥ ഉദാഹരണമാണ് ഇതെന്നും ആരോപിച്ച് സാഷ്യല്‍ മീഡയിയും രംഗത്തത്തെി. ഏതായാലും സംഭവം ചൂടുപിടിച്ചിരിക്കുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha