സിനിമയില്‍ മാത്രം കണ്ടുശീലിച്ച വീട് റെയ്ഡ് യഥാര്‍ത്ഥത്തില്‍ വന്നപ്പോള്‍ താരങ്ങള്‍ പലരും പതറി. ചിലരെ ഫോണില്‍ കിട്ടാതായി. ആകെ മൊത്തം എല്ലാവരുടെയും മുഖത്ത് അങ്കലാപ്പ്. വെളുപ്പിനെ തന്നെ ഉദ്യോഗസ്ഥര്‍ എത്തിയത് താരങ്ങളെ പരിഭ്രമത്തിലാക്കിയെന്നാണ് വിവരം. ഉദ്യോഗസ്ഥര്‍ ഫോണ്‍ വിളിക്കാന്‍ കൂടി സമ്മതിക്കാത്തതോടെ പ്രമുഖ താരം ശരിക്കും വിഷമിച്ചു.
നയന്‍താര, വിജയ്, സാമന്ത എന്നിവരുടെ 32ഓളം വീടുകളില്‍ ഒരേസമയം ആദായനികുതി വകുപ്പിന്റെ റെയ്ഡ് എത്തിയത്. നയന്‍താരയുടെ തിരുവല്ലയിലെ പൂട്ടിക്കിടന്ന വീട്ടിലും പരിശോധന നടത്തി. സിനിമയില്‍ ആദായനികുതി ഫയല്‍ചെയ്യൂ എന്ന് അഭിനയിക്കുന്ന താരങ്ങള്‍ അത് പ്രാവര്‍ത്തികമാക്കാന്‍ ശ്രമിക്കാറില്ല. കോടികള്‍ പേശി വാങ്ങുന്നവര്‍ അത് വിദേശത്തും മറ്റും നിക്ഷേപിക്കാറാണ് പതിവ്.
താരറാണി നയന്‍താര, ഇളയ ദളപതി വിജയ്, തെന്നിന്ത്യന്‍ താരസുന്ദരി സാമന്ത പ്രഭു എന്നിവരുടെ വീടുകളില്‍ ആദായനികുതി വകുപ്പ് റെയ്ഡ് തുടങ്ങി. ഇന്നു രാവിലെ ചെന്നൈ, കൊച്ചി, തിരുവല്ല എന്നിവിടങ്ങളിലാണ് റെയ്ഡ്. നയന്‍താരയുടെ കൊച്ചിയിലെ വീട്ടില്‍ ആദായനികുതി വകുപ്പിന്റെ ചെന്നൈയില്‍ നിന്നുള്ള ഉദ്യോഗസ്ഥരാണു റെയ്ഡിനു നേതൃത്വം നല്‍കുന്നത്. കൊച്ചി യൂണിറ്റിലെ ഉദ്യോഗസ്ഥരും സംഘത്തിലുണ്ട്. തേവരയിലുള്ള വീട്ടില്‍ ഇന്നു രാവിലെ ഒമ്പതിനാണ് റെയ്ഡ് ആരംഭിച്ചത്. നയന്‍താരയുടെ കുടുംബവീടായ തിരുവല്ലയിലെ കോടിയാട്ട് വീട്ടില്‍ ഇന്നു രാവിലെ ആദായവകുപ്പിലെ ഉദ്യോഗസ്ഥനായ രാജേഷിന്റെ നേതൃത്വത്തിലുള്ള സംഘം റെയിഡിനെത്തി.
വര്‍ഷങ്ങളായി ഈ വീട്ടില്‍ പുഷ്പഗിരിയില്‍ ജോലിയുള്ള അങ്കമാലി സ്വദേശിയായ ഡോക്ടറാണു വാടകയ്ക്കു താമസിക്കുന്നത്. ഡോക്ടര്‍ സ്ഥലത്തില്ലാത്തതിനാല്‍ പുഷ്പഗിരിയിലെ ജീവനക്കാരെ വിളിച്ചുവരുത്തി കട്ടര്‍ ഉപയോഗിച്ച് കതകിന്റെ പൂട്ടു തുറന്നാണു റെയ്ഡ് നടത്തിയത്. നയന്‍താരയുടെ കൊച്ചി, ചെന്നൈ എന്നിവിടങ്ങളിലെ വീടുകളിലും റെയ്ഡ് നടക്കുകയാണ്.
ആദായനികുതി അടയ്ക്കുന്നതില്‍ താരങ്ങള്‍ വീഴ്ച്ച വരുത്തിയതിനെ തുടര്‍ന്നാണ് റെയ്‌ഡെന്നാണ് അറിയുന്നത്. വിജയ് നായകനായ പുതിയ സിനിമ \'പുലി\'യുടെ സംവിധായകന്റെയും നിര്‍മ്മാതാക്കളുടെയും വീടുകളിലും റെയ്ഡ് നടക്കുന്നുണ്ട്. ചെന്നൈയില്‍32 ഇടങ്ങളില്‍ ഒരേ സമയം റെയ്ഡ് നടക്കുന്നുണ്ടെന്നാണ് റിപ്പോര്‍ട്ടുകള്‍. പുലി സിനിമ നാളെ റിലീസ് ചെയ്യാനിരിക്കെയാണ് റെയ്ഡ് എന്നതും മറ്റൊരു പ്രത്യേകതയാണ്.
വിജയ്, സാമന്ത എന്നിവരുടെ ചെന്നൈയിലെ വീടുകളിലാണ് റെയ്ഡ് നടക്കുന്നത്. 32 സ്ഥലങ്ങളില്‍ ഒരേ സമയം റെയ്ഡ് നടക്കുകയാണെന്നും വിജയ്, നയന്‍താര, സാമന്ത എന്നിവരുടേതു മാത്രമല്ല നിരവധി താരങ്ങളുടെ വീട്ടില്‍ റെയ്ഡ് തുടങ്ങിയി ട്ടുണ്ടെന്ന് ചില മാധ്യമ റിപ്പോര്‍ട്ടുകളുണ്ട്. റെയ്ഡ് പേടിച്ച് പലരും അങ്കലാപ്പിലാണ്. പണ്ട് മമ്മൂട്ടിയുടെയും മോഹന്‍ലാലിന്റെയും വീട്ടില്‍ റെയ്ഡിന് ഉദ്യോഗസ്ഥര്‍ എത്തിയതും ഒരേ സമയമായിരുന്നു. താരങ്ങള്‍ അന്ന് ശരിക്കും പകച്ചുപോയിരുന്നു. മോഹന്‍ലാലിന്റെ ആനക്കൊമ്പുകേസും മമ്മൂട്ടിയുടെ നികുതിവെട്ടിപ്പു കേസുകളും വന്‍കിട കാറുകള്‍ വാങ്ങിയ കണക്കുകളും കേസുകളും പിന്നീട് വെളിച്ചം കണ്ടിട്ടില്ല. അത് എവിടെ പോയി എന്ന് പൊതുസമൂഹം ചിന്തിക്കണം. ഏതവസരത്തിലും സര്‍ക്കാര്‍ ഉദ്യോഗസ്ഥരെ ആക്ഷേപിക്കുന്ന പൊതുസമൂഹം മുഖം നോക്കാതെ അവര്‍ നടത്തുന്ന ധീരമായ നീക്കങ്ങളെ കണ്ടില്ലെന്നു നടിക്കരുത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha