സിദ്ധാര്‍ഥ് ഭരതനെ വീട്ടില്‍ കാണാന്‍ ചെന്നാല്‍ കാണാന്‍ പറ്റില്ല. സിദ്ധാര്‍ഥ് മോഹന്‍ലാലിനുവേണ്ടി കഥയെഴുതുന്ന തിരക്കിലാണ്. കാറപകടത്തെ തുടര്‍ന്ന് ഗുരുതരമായി പരിക്കേല്‍ക്കുകയും അത്ഭുതകരമായി ജീവിതത്തിലേക്ക് തിരിച്ചുവരികയും ചെയ്ത സംവിധായകനും നടനുമായ സിദ്ധാര്‍ത്ഥ് കഴിഞ്ഞ ദിവസമാണ് ഹോസ്പിറ്റലില്‍ നിന്നും വീട്ടിലേക്ക് തിരിച്ചെത്തിയത്.
വിശ്രമ കാലം സിനിമയ്ക്കായി പ്രയോജനപ്പെടുത്താന്‍ ഒരുങ്ങുകയാണ് സിദ്ധാര്‍ഥ്.ചന്ദ്രേട്ടന്‍ എവിടെയാ എന്ന സിനിമയ്ക്കു ശേഷം സിദ്ധാര്‍ത്ഥ് ഭരതന്‍ മോഹന്‍ലാലിനെ നായകനാക്കി സിനിമയൊരുക്കുന്നതായാണ് റിപ്പോര്‍ട്ട്. മൂന്ന് മാസത്തെ വിശ്രമമാണ് ഡോക്ടര്‍മാര്‍ സിദ്ധാര്‍ത്ഥിന് നിര്‍േദ്ദശിച്ചിരിക്കുന്നത്. ഈ കാലയളവില്‍ സിനിമയുടെ പ്രീ പ്രൊഡക്ഷന്‍ ജോലികള്‍ തുടങ്ങാനാണ് സിദ്ധാര്‍ത്ഥ് തീരുമാനിച്ചിരിക്കുന്നത്.
ആശുപത്രി വിട്ടാലുടന്‍ സിനിമയുടെ തുടര്‍ ചര്‍ച്ചകളുമായി സിദ്ധാര്‍ത്ഥ് മുന്നോട്ട് പോവുമെന്ന് അദ്ദേഹത്തോട് അടുത്ത വൃത്തങ്ങള്‍ സൂചിപ്പിച്ചു.പ്രേക്ഷകര്‍ക്ക് വളരെ രസിക്കുന്ന ഒരു വിഷയമായിരിക്കും സിനിമയ്ക്ക് പ്രമേയമാക്കുകയെന്നാണ് ലഭിക്കുന്ന വിവരം. മോഹന്‍ലാലിനെ നായനാക്കുന്നത് സംബന്ധിച്ച ചര്‍ച്ചകള്‍ക്കായി അദ്ദേഹവുമായി കൂടിക്കാഴ്ചയ്ക്ക് നേരത്തെ സമയം നിശ്ചയിച്ചിരുന്നു.
അപകടത്തിന് ശേഷം ആദ്യമായി സിദ്ധാര്‍ത്ഥ് മാതാവ് കെപിഎസി ലളിതയ്‌ക്കൊപ്പം വ്യാഴാഴ്ച പൊതുവേദിയില്‍ പ്രത്യക്ഷപ്പെട്ടിരുന്നു. പിന്തുണയ്ക്കുകയും പ്രാര്‍ത്ഥിക്കുകയും ചെയ്തവര്‍ക്ക് സിദ്ധാര്‍ത്ഥ് നന്ദി പറയുമ്പോള്‍ ലളിത കണ്ണീര്‍ പൊഴിച്ചുകൊണ്ട് ഒപ്പം നില്‍പ്പുണ്ടായിരുന്നു. അപകട ദിവസം മകന്റെ മുഖം കണ്ടപ്പോള്‍ മരിച്ചു പോയെന്നാണ് തോന്നിയതെന്നും പിന്നീട് മകന്‍ അമ്മേയെന്ന് വിളിച്ചപ്പോഴാണ് ജീവിതം തിരിച്ചുകിട്ടിയതെന്നും ലളിത പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha