മാമൂക്കോയയെ കൊന്നത് മലയാളിയുടെ മനോവൈകൃതം... മാമൂക്കോയയെ കൊന്നവര്‍ക്കെതിരെ മോഹന്‍ലാല്‍
സെലിബ്രിറ്റികളെ സോഷ്യല്‍ മീഡിയകള്‍ ഇപ്പോള്‍ കൊന്ന് കൊണ്ടിരിക്കുകയാണല്ലോ. അവര്‍ പോലും അറിയാതെ മരണ വാര്‍ത്തകള്‍ സോഷ്യല്‍ മീഡിയയിലൂടെ അവരെ തേടി എത്തുന്നത്. സോഷ്യല്‍ മീഡിയയില്‍ വ്യാജ വാര്‍ത്തകള്‍ നല്‍കുന്നത് ഇപ്പോള്‍ ഒരു പ്രവണതയായി മാറിയിരിക്കുകയാണ്. ഏറ്റവും ഒടുവില്‍ നടന്‍ മാമൂക്കോയെയാണ്. മാമൂക്കോയയെ കൊന്നവര്‍ക്കെതിരെ നടന്‍ മോഹന്‍ലാല്‍ രംഗത്തെത്തി.
ഈ വിഷയത്തെപ്പറ്റിയാണ് നടന്‍ മോഹന്‍ലാലിന്റെ പുതിയ ബ്‌ളോഗ് ഇങ്ങനെ. മാമൂക്കോയയെ കൊന്നത് മലയാളിയുടെ മനോവൈകൃതം എന്ന തലക്കെട്ടോടെയാണ് മോഹന്‍ലാലിന്റെ ബ്‌ളോഗ് തുടങ്ങുന്നത്.കുറച്ച് ദിവസങ്ങള്‍ക്ക് മുന്‍പ് നവമാധ്യമങ്ങളില്‍ ഒരു വാര്‍ത്ത പ്രചരിച്ചു. നടന്‍ മാമുക്കോയ മരിച്ചു. വൃക്ക രോഗമായിരുന്നു മരണകാരണം എന്നുമുണ്ട്. മിനിട്ടുകള്‍ക്കകം വാര്‍ത്ത കാട്ടുതീയേക്കാള്‍ വേഗത്തില്‍ പടര്‍ന്നു. മാമുക്കോയയെ നേരിട്ടറിയുന്നവര്‍ നേരിട്ട് വിളിച്ചു. അദ്ദേഹത്തെ നേരിട്ടറിയാത്തവരും പരസ്പരം ഫോണ്‍ വിളി തുടങ്ങി.
മാമുക്കോയ അപ്പോള്‍ വയനാട്ടില്‍ ആയിരുന്നു. സസുഖം ആരെയൊക്കെയോ ചിരിപ്പിച്ചും സ്വയം ചിരിച്ചും ഇരിക്കുന്നു. വിളിച്ച എല്ലാവരോടും അദ്ദേഹം \' ഞാന്‍ മരിച്ചു\' എന്ന് കോഴിക്കോടന്‍ സ്‌റ്റൈലില്‍ പറഞ്ഞു. അതു കേട്ട് വിളിച്ചവര്‍ ചിരിച്ചു. ഫോണ്‍ വിളികള്‍ കൂടിയപ്പോള്‍ ഒടുവില്‍ മാമുക്കോയ ഫോണ്‍ ഓഫ് ചെയ്തു. ഈ ബഹളം അടുത്ത രണ്ട് ദിവസങ്ങള്‍ കൂടി തുടര്‍ന്നു. അവസാനം ഒരു വെറും തമാശയില്‍ അത് അവസാനിച്ചു.
ഞാനും ഈ തമാശകള്‍ ഒക്കെ കേട്ടു എന്നാല്‍ എനിക്ക് ഈ കാര്യം വെറും തമാശയായിക്കണക്കാക്കാന്‍ സാധിച്ചില്ല എന്നതാണ് സത്യം. കാരണം ഞാന്‍ ഇതുപോലെ ഒരുപാട് തവണ മരിച്ചയാളാണ്. ഒരിക്കല്‍ ഞാന്‍ ഊട്ടിയില്‍ ഷൂട്ടിങ്ങിലായിരുന്നു. ആരോ തിരുവനന്തപുരത്ത് എന്റെ വൂട്ടില്‍ വിളിച്ചു പറഞ്ഞു ഞാന്‍ ഒരു കാറപടകത്തില്‍പെട്ടു മരിച്ചു എന്ന്. അന്ന് ഇന്നത്തെപോലെ ഫോണ്‍ വ്യാപകമല്ല. എന്റെ അമ്മയും അച്ഛനും തിന്ന തീയ്ക്ക് ഒരു കണക്കുമില്ല. മോഹന്‍ലാല്‍ ബ്‌ളോഗില്‍ പറയുന്നു.
ജീവിച്ചിരിക്കുന്ന ഒരാള്‍ മരിച്ചു എന്ന വാര്‍ത്ത സൃഷ്ടിക്കുന്നവര്‍ക്ക് അതില്‍ നിന്നും ലഭിക്കുന്ന ആനന്ദം എന്താണ്. ഏതു തരത്തിലുള്ള മനസ്സായിരിക്കും ആ മനുഷ്യരുടേത്? മോഹന്‍ലാല്‍ ചോദിക്കുന്നു. മനഃസാക്ഷിയില്ലാതെ ഇത്തരം വാര്‍ത്തകള്‍ പടച്ച് വിട്ട് വ്യക്തികളേയും സമൂഹത്തേയും വഴിതെറ്റിക്കുന്നവരെ ക്രിമിനലുകളായി കണക്കാക്കണം. അവരെ പിടികൂടണം. മോഹന്‍ലാല്‍ ബ്‌ളോഗിലൂടെ പറയുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
