മഞ്ജു വാര്യരേയും റിമ കല്ലിങ്കലിനേയും മുഖ്യ കഥാപാത്രങ്ങളാക്കി ആഷിക്ക് അബു സംവിധാനം ചെയ്ത പുതിയ ചിത്രമായ റാണി പത്മിനിയെ കുറിച്ച് മോശം അഭിപ്രായം പറഞ്ഞ ജൂഡ് ആന്റണിക്കെതിരെ സോഷ്യല്‍ മീഡിയകളില്‍ കനത്ത വിമര്‍ശനമായിരുന്നു ഉയര്‍ന്നത്.

എന്നാല്‍ ജൂഡും ഒട്ടും മോശമാക്കിയില്ല. തന്നെ അസഭ്യം പറയുന്നവര്‍ക്കെതിരെ അതേ നാണയത്തില്‍ തിരിച്ചടിച്ചിരിക്കുകയാണ് അദ്ദേഹവും. ഇത്തവണത്തെ സംസ്ഥാന ചലച്ചിത്ര അവാര്‍ഡ് നിര്‍ണയത്തിനെതിരെ വ്യാപകമായി പ്രതിഷേധം ഉയരുന്നതിനിടെ വിമര്‍ശിച്ചവര്‍ക്കെതിരെ അസഭ്യവര്‍ഷം നടത്തിയത് പോലെ തന്നെ റാണി പത്മിനി പോസ്റ്റ് വിവാദത്തിലും മോശം കമന്റിടുന്നവര്‍ക്കെതിരെ സംവിധായകന്‍ ജൂഡ് ആന്റണിയുടെ വക തന്തയ്ക്ക് വരെ പറഞ്ഞുള്ള അസഭ്യവര്‍ഷമാണ് ലഭിയ്ക്കുന്നത്.
തന്നെ തെറിവിളിച്ച് പ്രതിഷേധിച്ചവരുടെ തന്തയ്ക്ക് വിളിക്കാനും ജൂഡ് മടികാട്ടിയില്ല. രൂക്ഷമാകുന്ന രീതിയിലുള്ള പ്രതികരണങ്ങള്‍ക്ക് അതേ നാണയത്തില്‍ മറുപടി നല്‍കാന്‍ ജൂഡ് ശ്രമിക്കുന്നുണ്ട്. ആഷിക് അബു സംവിധാനം ചെയ്ത റാണി പത്മിനി എന്ന ചിത്രം തന്നെ നിരാശപ്പെടുത്തിയെന്ന് ഫേസ്ബുക്ക് പോസ്റ്റിട്ടതില്‍ ജൂഡ് ആന്റണി ഖേദം പ്രകടിപ്പിച്ചിരുന്നു. ഒരു സിനിമ റിലീസ് ദിവസം തന്നെ അതിനെ മോശമായി ബാധിക്കുന്ന രീതിയില്‍ പോസ്റ്റ് ഇട്ടതില്‍ ഞാന്‍ ഖേദം പ്രകടിപ്പിക്കുന്നു. ഒരുപാട് പ്രതീക്ഷകളോടെ കണ്ടത് കൊണ്ടാകാം, അതിഷ്ടമായില്ല.
ഒരു പ്രേക്ഷകന്റെ സ്വാഭാവിക പ്രതികരണം മാത്രമായി അതിനെ കണ്ടാല്‍ മതി. ഒരു സംവിധായകനായി എന്നത് മനസ് കൊണ്ട് ഇപ്പോഴും അംഗീകരിച്ചു വരുന്നതേയുള്ളൂ. അതിന്റെ ഒരു കുഴപ്പം ഇപ്പോഴും ഉണ്ടെന്നും ജൂഡ് ഫേസ്ബുക്കില്‍ കുറിച്ചു. ജൂഡിന്റെ നടപടി വന്‍ പ്രതിഷേധങ്ങള്‍ക്ക് വഴി തെളിയിച്ചിരുന്നു.

കോടികള്‍ മുടക്കിയെടുത്ത ഒരു സിനിമയ്‌ക്കെതിരെ ഒരു സംവിധായകന്‍ തന്നെ രംഗത്ത് വന്നത് സിനിമയെ പ്രതികൂലമായി ബാധിക്കുമെന്ന് വിമര്‍ശനം ഉയര്‍ന്നിരുന്നു. പ്രതിഷേധം ശക്തമായതോടെയാണ് ജൂഡ് ഫേസ്ബുക്ക് പോസ്റ്റ് പിന്‍വലിച്ചത്. ബീഫ് നിരോധിച്ചാല്‍ ഫസ്റ്റ് ഡേ പ്രതികരിക്കാന്‍ പാടില്ല.

വേണേല്‍ ഒരാഴ്ച കഴിഞ്ഞു പ്രതികരിക്കാം എന്ന പോസ്റ്റിന് നേരെ റാണി പത്മിനി വിവാദത്തിന്റെ കുട പിടിച്ച് മോശം കമന്റ് ഇട്ടവര്‍ക്കാണ് അതേ നാണയത്തില്‍ ഇപ്പോള്‍ ജൂഡ് മറുപടി കൊടുക്കുന്നത്. നിവിന്‍പോളി നായകനായ ഓംശാന്തി ഓശാന സംവിധാനം ചെയ്തത് ജൂഡ് ആന്റണി ആയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha