എനിക്ക് ചോദിക്കാനും പറയാനും ആളുണ്ട്, ടി.പി. മാധവനെന്ന മലയാളസിനിമയുടെ മാധവേട്ടന്
മലയാളസിനിമയുടെ മാധവേട്ടന് കഴിഞ്ഞദിവസങ്ങളില് തനിക്കെതിരെ അരങ്ങേറിയ വാര്ത്തകളോട് പ്രതികരിക്കുന്നു. എനിക്ക് ചോദിക്കാനും പറയാനും ആളുകളുണ്ടെന്ന് നഗരത്തിലെ സ്വകാര്യ ആയുര്വേദ ആശുപത്രിയില് ഇരുന്ന് ടി.പി. മാധവനെന്ന മലയാളസിനിമയുടെ മാധവേട്ടന് പറയുന്നു.
ഞാന് ഓരോവര്ഷവും വിവിധ സ്ഥലങ്ങളില് തീര്ഥാടനത്തിന് പോകാറുണ്ട്. എന്നാല് ഇത്തവണപോയപ്പോള് ഹോട്ടലില് തളര്ന്നുവീണു. സഹായിക്കാനത്തെിയവര് എന്നോട് ചോദിച്ചു, കൂടെ ആരെങ്കിലും ഉണ്ടോ? ഞാന് പറഞ്ഞു എനിക്ക് ഇവിടെ ആരുമില്ല. ഇതുകേട്ട് അവിടെയുണ്ടായിരുന്ന ചാനലുകാരന് എനിക്ക് ആരുമില്ലന്നും ഞാന് സന്യസിക്കാന് പോയതാണെന്നും വാര്ത്ത പ്രചരിപ്പിക്കുകയായിരുന്നു മാധവന് പറയുന്നു. ഇവിടെ ആരുമില്ലെന്നു പറഞ്ഞാല് തനിക്കാരുമില്ലെന്നാണോ അര്ത്ഥമെന്ന് മാധവേട്ടന് ചോദിക്കുന്നു.
ഒക്ടോബര് 22ന് ഹരിദ്വാറില് തളര്ന്നുവീണതിനെതുടര്ന്ന് അവിടെ ചികിത്സയില് കഴിയുകയായിരുന്ന ടി.പി. മാധവനെ വെള്ളിയാഴ്ചയാണ് തിരുവനന്തപുരത്ത് തുടര്ചികിത്സക്ക് എത്തിച്ചത്.
തിരുവന്തപുരത്തെത്തിയതോടെ തന്റെ സുഖവിവരങ്ങള് അന്വേഷിച്ച് നിരവധി സിനിമാപ്രവര്ത്തകര് നേരിട്ട് എത്തുകയും മോഹന്ലാല്, മമ്മൂട്ടിയടക്കമുള്ള പ്രമുഖതാരങ്ങള് ഫോണില് വിളിച്ചതായും എല്ലാ സഹായവും വാഗ്ദാനം ചെയ്തതായും മാധവന് പറഞ്ഞു. കഴിഞ്ഞദിവസം നടന് മധുവും ആശുപത്രിയിലത്തെിയിരുന്നു.
പുണെയില് താമസിക്കുന്ന സഹോദരി ചന്ദ്രികയും ഫ്ളോറിഡയിലുള്ള സഹോദരന് റാം നാരായണനുമാണ് ഇപ്പോള് ആശുപത്രിയിലുള്ളത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
