പ്രമുഖ മലയാളി നടിയും സംഘവും മയക്കുമരുന്നു കടത്തിനിടെ ഗോവന്‍ പൊലീസിന്റെ പിടിയിലായി. കഴിഞ്ഞ ഒക്ടോബര്‍ അവസാന ആഴ്ചയായിരുന്നു സംഭവം. സൗത്ത് ഗോവയിലെ പ്രധാന ബീച്ചായ അഞ്ജുനക്കു സമീപം അല്‍ഡോണസോയില്‍ലെ ഒരു റിസോര്‍ട്ടില്‍ വച്ചാണ് നടിയും കൂടെയുള്ള ആറംഗ സംഘവും പിടിയിലായത്. ബംഗളുരുവിലും, മുംബൈയിലുമായി രണ്ട് നൃത്തപരിപാടികള്‍ക്കായിട്ടായിരുന്നു സംഘം കേരളത്തില്‍ നിന്ന് യാത്രതിരിച്ചത്. മുംബൈയിലെ പരിപാടി കഴിഞ്ഞ് മടങ്ങുംവഴിയാണ് സംഘം ഗോവയിലെത്തിയത്. ഇവിടെ നിന്നും കൊച്ചിയിലേക്ക് മയക്കുമരുന്നുമായി പോകാനുള്ള ഒരുക്കത്തിനിടെയാണ് സംഘം വലയിലായത്. നേപ്പാള്‍ സ്വദേശിയാണ് ഇവര്‍ക്ക് മയക്കുമരുന്ന് കൈമാറിയതെന്നാണ് സൂചന. ഹെറോയിനടക്കമുള്ള മയക്കുമരുന്നുമായാണ് സംഘം ഗോവന്‍ പൊലീസിന്റെ പിടിയിലാകുന്നത്. തുടര്‍ന്ന് മലയാളത്തിലെ പ്രമുഖ നടിയാമെന്നും, ഉന്നത ബന്ധങ്ങളുടെയും സമ്മര്‍ദ്ദത്തെ തുടര്‍ന്ന് വിട്ടയക്കുകയായിരുന്നു.
നൃത്ത-സംഗീത പരിപാടികളുടെ മറവില്‍ കേരളത്തിലേക്ക് പലവട്ടം ഇവര്‍ മയക്കുമരുന്ന് കടത്തിയിട്ടുണ്ടെ ന്നാണ് വിവരം. നടിയുടെ നേതൃത്വത്തിലുള്ള നൃത്തവിദ്യാലയത്തിന്റെ ഇന്ത്യക്കകത്തും പുറത്തുമുള്ള പരിപാടികള്‍ മയക്കുമരുന്ന് കടത്തിനുള്ള ഉപാധിയാണെന്നാണ് പൊലീസിന് ലഭിച്ച വിവരം. ഇവരെ വിട്ടയച്ചുവെങ്കിലും കേസന്വേഷണം തുടരാനാണ് ഗോവന്‍ പൊലീസിന്റെ തീരുമാനം. ഇതിനകം കേരളത്തിലെ പല മയക്കുമരുന്നു കടത്തുസംഭവങ്ങളിലും ഈ നടിക്കും സുഹൃത്തുകള്‍ക്കും പങ്കുള്ളതായി ആരോപണമുയര്‍ന്നിരുന്നു. ഈ സംഭവത്തിന് മുമ്പേതന്നെ ഇവര്‍ കേരളാ പൊലീസിന്റെ നിരീക്ഷണത്തിലായിരുന്നുവെന്നാണ് പറയപ്പെടുന്നത്.
ഇവരുടെ നൃത്തവിദ്യാലയത്തിന്റെ പ്രവര്‍ത്തനത്തില്‍ നേരത്തെ തന്നെ ആക്ഷേപവുമുയര്‍ന്നിരുന്നു. ഇവരുടെ ഭര്‍ത്താവും സിനിമാഇന്‍ഡസ്ട്രിയില്‍ സജീവമായി രംഗത്തുള്ളയാളാണ്. പ്രമുഖ സിനിമാനടിമാര്‍ ഈ നടയുടെ നൃത്ത ഗ്രൂപ്പുമായി സഹകരിക്കുന്നുണ്ട്. ഏതായാലും ഗോവന്‍ പോലീസ് ഈ നടിയെയും ഇവരുടെ പ്രവര്‍ത്തനങ്ങളെയും കുറിച്ചുള്ള വിവരങ്ങള്‍ കേരളാ പോലീസിനോട് തേടിയിട്ടുണ്ട്. ഇവരെ പറ്റിയുന്ന കൂടുതല്‍ വിവരങ്ങള്‍ പുറത്തുവരുമെന്നാണ് സൂചന.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha