ഇരുപതാമത് കേരള അന്തര്‍ദേശീയ ചലച്ചിത്രോത്സവത്തിനുള്ള ഒരുക്കങ്ങള്‍ പൂര്‍ത്തിയായതായി ചലച്ചിത്രമന്ത്രി തിരുവഞ്ചൂര്‍ രാധാകൃഷ്ണന്‍. മേളയുടെ ചരിത്രത്തില്‍ ആദ്യമായി ഏറ്റവും കൂടുതല്‍ ആദ്യപ്രദര്‍ശനങ്ങള്‍ ഇത്തവണ നടക്കും. കനകക്കുന്ന് നിശാഗന്ധിയില്‍ പ്രത്യേകം തയാറാക്കിയ ശീതീകരിച്ച ഓഡിറ്റോറിയത്തില്‍ വൈകുന്നേരം ആറുമണിക്കാണ് ഉദ്ഘാടന ചടങ്ങ്. തബലയിലെ ഇതിഹാസം ഉസ്താദ് സക്കീര്‍ ഹുസൈനാണ് ചടങ്ങിലെ മുഖ്യാതിഥി. മുഖ്യമന്ത്രി ഉമ്മന്‍ചാണ്ടി മേള ഉദ്ഘാടനം ചെയ്യും. സക്കീര്‍ ഹുസൈന്റെ തബലവാദനമാണ് ചടങ്ങിലെ പ്രധാന ഇനം. ഉദ്ഘാടന ചടങ്ങില്‍ ഇറാന്‍ സംവിധായകന്‍ ദയിറുഷ് മെഹര്‍ജുയിയെ ലൈഫ്‌ടൈം അച്ചീവ്‌മെന്റ് അവാര്‍ഡ് നല്‍കി മുഖ്യമന്ത്രി ആദരിക്കും.

മന്ത്രിമാരായ തിരുവഞ്ചൂര്‍ രാധാകൃഷ്ണന്‍, എ.പി.അനില്‍കുമാര്‍, കെ.സി.ജോസഫ്, മേയര്‍ വി.കെ.പ്രശാന്ത്, കെ.മുരളീധരന്‍ എം.എല്‍.എ, സാംസ്‌കാരിക വകുപ്പ് സെക്രട്ടറി റാണി ജോര്‍ജ്, ചലച്ചിത്ര അക്കാദമി ചെയര്‍മാന്‍ ടി.രാജീവ്‌നാഥ്, മേള ഉപദേശക സമിതി ചെയര്‍മാന്‍ ഷാജി എന്‍ കരുണ്‍, സെക്രട്ടറി എസ്.രാജേന്ദ്രന്‍ നായര്‍, ജൂറി ചെയര്‍മാന്‍ ജൂലിയോ ബ്രെസ്‌നെ തുടങ്ങിയവര്‍ പങ്കെടുക്കം ഫെസ്റ്റിവല്‍ ബുക്ക്, പ്രതിദിന ബുള്ളറ്റിന്‍, ഐഎഫ്എഫ്‌കെ സുവനീര്‍ എന്നിവ ചടങ്ങില്‍ പ്രകാശനം ചെയ്യും.

തുടര്‍ന്ന് ഉദ്ഘാടനചിത്രമായ വോള്‍ഫ് ടോട്ടം പ്രദര്‍ശിപ്പിക്കും പതിനാല് വേദികളിലായി 178 ചിത്രങ്ങളാണ് പ്രദര്‍ശിപ്പിക്കുക. ലോകസിനിമാവിഭാഗത്തില്‍ 90 എണ്ണമായിരിക്കും. മത്സര വിഭാഗത്തില്‍ 14 ചിത്രങ്ങളാണ്. ഓസ്‌കാര്‍ അവര്‍ഡിനായി നിര്‍ദ്ദേശിക്കപ്പെട്ട 19 ചിത്രങ്ങളും പ്രദര്‍ശിപ്പിക്കും. ത്രീഡി വിഭാഗത്തില്‍ ആറ് ചിത്രങ്ങളുണ്ട്.ഇറാനിയന്‍ സംവിധായകന്‍ ജൂലി ബ്രെസ്സെന്‍ ആണ് ജൂറി ചെയര്‍മാന്‍. തബല മാന്ത്രികന്‍ ഉസ്താദ് സക്കീര്‍ ഹുസൈന്റെ പ്രകടനമാണ് ഉദ്ഘാടന ചടങ്ങിന്റെ പ്രത്യേകത. മാധ്യമപ്രവര്‍ത്തകര്‍ക്കും സിനിമാ പ്രവര്‍ത്തകക്കും പ്രത്യേക പ്രദര്‍!ശനങ്ങളുണ്ട്. മൂവായിരം പേര്‍ക്കിരിക്കാവുന്ന താത്ക്കാലിക തീയേറ്റര്‍ എന്നിങ്ങനെ പ്രദര്‍ശനത്തിലും പ്രത്യേകതകള്‍ പുലര്‍ത്തുന്നു ഈ മേള.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha