സംസ്ഥാന സര്‍ക്കാരിന്റെ മദ്യനയം അംഗീകരിച്ച സുപ്രീംകോടതി വിധിയെ പരാമര്‍ശിച്ച് നടനും സംവിധായകനുമായ ജോയ് മാത്യുവിന്റെ ഫേസ്ബുക്ക് പോസ്റ്റ്. \'മദ്യപാനം ആരോഗ്യത്തിന് ഹാനികരം; കോണ്‍ഗ്രസിനും പിന്നെ ക്രിസ്ത്യാനിക്കും\' എന്ന തലക്കെട്ടോടെയാണ് പോസ്റ്റ് പ്രത്യക്ഷപ്പെട്ടത്. പോസ്റ്റില്‍ കുടിയന്മാരായ പ്രവര്‍ത്തകരെ പുറത്താക്കാന്‍ കോണ്‍ഗ്രസ് തയ്യാറാണോ എന്ന പരോക്ഷ പരിഹാസവും ജോയ് മാത്യു ഉന്നയിക്കുന്നു. പോസ്റ്റിന്റെ പൂര്‍ണ്ണരൂപം:
\'ബാര്‍കേസില്‍ സുപ്രീം കോടതിവിധി വന്നതും പോകുന്നതുമൊന്നും എനിക്ക് വിഷയമല്ല. കോടതിക്ക് അറിയില്ലല്ലോ ഇതൊക്കെ ഇവിടുത്തെ ഗ്രൂപ്പ് കുടിപ്പകയുടെ പ്രതിഫലനമാണെന്ന്.
ഇത് കോണ്‍ഗ്രസ് പാര്‍ട്ടിയുടെ മദ്യനയത്തിന് ലഭിച്ച അംഗീകാരമാണെന്ന് വീമ്പടിക്കുന്ന മുഖ്യമന്ത്രിയും വി.എം സുധീരനും \'\'മദ്യപിക്കുന്ന കോണ്‍ഗ്രസുകാരെ പാര്‍ട്ടിയില്‍നിന്നും പുറത്താക്കും\'\' എന്നുകൂടി ഉറപ്പുതന്നാല്‍ കാണാമായിരുന്നു കോണ്‍ഗ്രസിന്റെ അംഗബലം.
ഇത് തന്നെ കോടതി വിധിയെ സഹര്‍ഷം സ്വാഗതം ചെയ്ത ക്രിസ്ത്യന്‍ സഭാ മേലധ്യക്ഷന്മാരും അവരുടെ വിശ്വാസികളോട് ആഹ്വാനം ചെയ്യുകയും ലംഘിക്കുന്നവരെ സഭയില്‍നിന്ന് പുറത്താക്കുകയും ചെയ്യേണ്ടതാണ്(അപ്പോള്‍ അവിടെയും അംഗസംഖ്യ പ്രശ്‌നമാകും).

പ്രവാസികള്‍ വിയര്‍പ്പൊഴുക്കി നാട്ടിലേക്കയക്കുന്ന പണം കഴിഞ്ഞാല്‍ സര്‍ക്കാരിന് ലഭിക്കുന്ന ഏറ്റവും വലിയ വരുമാനം മദ്യവില്‍പ്പനയിലൂടെയാണെന്ന് ഏത് മാണിയും സമ്മതിക്കും. എന്നിട്ടും കള്ളന്മാരെപ്പോലെ, പിച്ചക്കാരെപ്പോലെ ഏറ്റവും വൃത്തിഹീനമായ ബിവറേജസ് കടകള്‍ക്ക് മുമ്പില്‍ പരിഹാസരായി എന്നാല്‍ ഏറ്റവും അച്ചടക്കത്തോടെ(നമ്മുടെ നിയമസഭാ സാമാജികര്‍ പഠിക്കേണ്ടതാണ് ഈ അച്ചടക്കം) നില്‍ക്കുന്ന ഈ വന്‍ ഉപഭോക്താക്കളെ ചുരുങ്ങിയത് മാന്യമായെങ്കിലും പരിഗണിക്കാന്‍ മനസ്സുകാണിക്കാത്ത ഇതേ അധികാരികള്‍തന്നെ പണമുള്ളവര് നക്ഷത്ര ഹോട്ടലിലോ ക്ലബിലോ പോയി മദ്യപിക്കുന്നതിന് സൗകര്യമൊരുക്കുകയും ചെയ്യുന്നു. അതുകൂടി നിരോധിച്ചാല്‍ ഇവര്‍ എവിടെപ്പോയിരുന്നു മദ്യപിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha