ഇന്ത്യയുടെ പ്രിയ ഗായിക ജാനകിയമ്മ വീണ്ടും താരാട്ട് പാടാന്‍ എത്തുന്നു. മോഹന്‍ലാല്‍ നായകനാകുന്ന വമ്പന്‍ ചിത്രത്തില്‍ ഗോപീസുന്ദറാണ് ഈണമിടുന്നത്. മലയാളത്തിന് താരാട്ട് പാടിത്തരുവാന്‍ വീണ്ടും ജാനകിയമ്മയെത്തുമ്പോള്‍ അറിയണ്ടേ ഇതിഹാസ തുല്യമായ ആ ശബ്ദത്തിലൂടെ മുന്‍പ് നമ്മള്‍ കേട്ടുറങ്ങിയ ഗീതങ്ങളേതെന്ന്.
ചാന്തുപൊട്ടെന്ന ലാല്‍ ജോസ് ചിത്രം അന്നുവരെ മലയാളി മാറി നിന്ന് കണ്ട കളിയാക്കി ചിരിച്ച കുറേ ജീവിതങ്ങളെ പ്രതിനിധാനം ചെയ്യുന്നതായിരുന്നു. അതിലെ താരാട്ട് പാട്ട് ഓര്‍മയില്ലേ. ആഴക്കടലിന്റെ അങ്ങേക്കരയില്‍ നേരം വെളുക്കുന്ന ദിക്കില്‍ അമ്പിളി മാമനെ പോലെ ചാഞ്ഞുറങ്ങുന്ന കുഞ്ഞിനെ കുറിച്ചുള്ള പാട്ട്., പുതിയ തലമുറക്ക് ജാനകീ ഗീതങ്ങളില്‍ ആദ്യമോടിയെത്തുന്ന താരാട്ട് പാട്ട് ഇതുതന്നെയെന്നതില്‍ വലിയ തര്‍ക്കം വരാനിടയില്ല.
വിവിധ ഭാഷകളില്‍ ഇരുപതിനായിരത്തിലേറെ ഗാനങ്ങള്‍ധ1പ ആലപിച്ചിട്ടുള്ള ജാനകിക്ക് നാലുതവണ ഏറ്റവും നല്ല പിന്നണിഗായികക്കുള്ള ദേശീയപുരസ്‌കാരം ലഭിച്ചിട്ടുണ്ട്. 1957ല്‍ 19ആം വയസില്‍ വിധിയിന്‍ വിളയാട്ട് എന്ന തമിഴ് സിനിമയില്‍ ടി. ചലപ്പതി റാവു ഈണം പകര്‍ന്ന ഗാനം ആലപിച്ചുകൊണ്ടാണ് ജാനകി ചലച്ചിത്ര പിന്നണി ഗാനരംഗത്ത് അരങ്ങേറ്റം കുറിച്ചത്. തെലുങ്ക് ചിത്രമായ എം.എല്‍.എല്‍ അവസരം ലഭിച്ചതിനുശേഷം ജാനകിക്ക് തിരിഞ്ഞുനോക്കേണ്ടിവന്നില്ല. ഭാഷകളെ നിഷ്പ്രഭമാക്കിയ ആ സ്വരമാധുരി ലക്ഷക്കണക്കിനാളുകള്‍ ഹൃദയത്തില്‍ സ്വീകരിച്ചു.

എല്ലാ ദക്ഷിണേന്ത്യന്‍ ഭാഷാ ചിത്രങ്ങളിലും പാടിയിട്ടുള്ള ജാനകി ഹിന്ദി, സിംഹള, ബംഗാളി, ഒറിയ, ഇംഗ്ലീഷ്, സംസ്‌കൃതം, കൊങ്ങിണി, തുളു, സൗരാഷ്ട്ര ബഡുഗ, ജര്‍മ്മന്‍ ഭാഷകളിലും സ്വരസാന്നിധ്യമറിയിച്ചിട്ടുണ്ട്. 1200 പരം മലയാള സിനിമാ ഗാനങ്ങള്‍ക്ക് ജാനകി ശബ്ദം പകര്‍ന്നിട്ടുണ്ട്.

ഇതില്‍ സുപ്രസിദ്ധമായ നിരവധി ഗാനങ്ങളുള്‍പ്പെടുന്നു. സംഗീത സംവിധായകന്‍ എം.എസ്. ബാബുരാജാണ് ജാനകിയുടെ തരളിതമായ ശബ്ദം തിരിച്ചറിഞ്ഞു് അവരെ മലയാളത്തിലേക്കെത്തിച്ചത്.ധഅവലംബം ആവശ്യമാണ്പ കുട്ടികളുടെ സ്വരത്തില്‍ പാടുന്നതിനുള്ള സവിശേഷമായ കഴിവും ഈ ഗായികക്കുണ്ട്. മലയാളത്തില്‍ ഇത്തരം ചില ഗാനങ്ങളും ആലപിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha