നടിമാരുടേയും സഹനടിമാരുടേയും മുറികളുടെ കതക് മുട്ടുന്ന സംഭവം പലപ്പോഴും ഉണ്ടായിട്ടുണ്ട്... അന്ന് ഫെഫ്ക കൃത്യമായ നടപടികള് സ്വീകരിച്ചിരുന്നെങ്കില് നടി ആക്രമിക്കപ്പെടുമായിരുന്നില്ല
മലയാളസിനിമയിലെ മീ ടുവിവാദം കത്തി പടരുമ്പോള് വിവാദപ്രസ്താവനയുമായി ലിബര്ട്ടി ബഷീര് രംഗത്തെത്തി. സിനിമാ മേഖലയിലെ പത്ത് ശതമാനം കാര്യങ്ങള് പോലും നടിമാര് തുറന്നുപറഞ്ഞിട്ടില്ലെന്ന് ലിബര്ട്ടി പറയുന്നു. സിനിമാ നടിമാരുടേയും സഹനടിമാരുടേയും മുറികളുടെ കതക് മുട്ടുന്ന സംഭവം പലപ്പോഴും ഉണ്ടായിട്ടുണ്ട്. ഇപ്പോഴും ഇതേ സംഭവങ്ങള് തുടരുന്നുമുണ്ട്. എന്നാല് തന്റെ സിനിമയുടെ ലൊക്കേഷനില് പലപ്പോഴയും ഇത്തരം പ്രശ്നങ്ങള് ശ്രദ്ധയില്പ്പെടുകയും നടപടികള് എടുത്തിട്ടുമുണ്ട്.
സിനിമ ഷൂട്ടിംഗിനിടെ നടിയെ പീഡിപ്പിക്കാന് ശ്രമിച്ച സംഭവത്തില് വേട്ടക്കാരനെ രക്ഷിക്കണമെന്ന വോയ്സ് മെസേജ് ഗ്രൂപ്പിലിടുകയും അയാളെ പാവമായി ചിത്രീകരിക്കാന് ശ്രമിക്കുകയും ചെയ്ത പ്രൊഡക്ഷന് കണ്ട്രോളര് ബാദുഷയ്ക്കെതിരെയും ആക്രമിക്കെതിരെ നടപടിയെടുക്കാന് തയ്യാറാകാത്തിരുന്ന ഫെഫ്ക സെക്രട്ടറി ഉണ്ണികൃഷ്ണനെതിരെയും പൊലീസ് കേസെടുക്കണമെന്നും ലിബര്ട്ടി ബഷീര് പറഞ്ഞു.
അതേസമയം, പള്സര് സുനിക്ക് നേരെ സമാനമായ പരാതി ഇതിന് മുമ്പും ഉണ്ടായിട്ടുണ്ട്. അന്ന് ഫെഫ്ക കൃത്യമായ നടപടികള് സ്വീകരിച്ചിരുന്നെങ്കില് നടി ആക്രമിക്കപ്പെടുമായിരുന്നില്ലെന്നും ലിബര്ട്ടി ബഷീര് പറഞ്ഞു. ഇപ്പോഴുള്ള നടിമാര് പത്ത് ശതമാനം കാര്യങ്ങള് പോലും തുറന്നുപറഞ്ഞിട്ടില്ലെന്നും അദ്ദേഹം പറഞ്ഞു. ഇത്തരത്തിലുള്ള പ്രശ്നങ്ങള് ഉണ്ടാകാതിരിക്കാന് ശ്രദ്ധിക്കേണ്ടവരാണ് പ്രൊഡക്ഷന് കണ്ട്രോളര്മാര്. എന്നാല് അവര് തന്നെ പ്രശ്നക്കാരാകുമ്പോള് വേലി തന്നെ വിളവ് തിന്നുന്ന അവസ്ഥയാണ് ഉണ്ടാകുന്നത്.
https://www.facebook.com/Malayalivartha