പിടികിട്ടാപുള്ളിയെ കുടുക്കിയത് കാമുകിയിലൂടെ... പുറമെ ആള് വലിയ പുള്ളിയാ... മോഡലാണെങ്കിലും രഹസ്യമായി മോഷണം; അന്വേഷണ സംഘത്തെ വട്ടം കറക്കിയ പിടികിട്ടാപ്പുള്ളി പിടിയിലാകുന്നതിങ്ങനെ...
കഴിഞ്ഞ ജൂണ്‍ 12നായിരുന്നു മൂന്ന് മോഷണങ്ങളും നടന്നത്. തമിഴ്‌നാട്ടില്‍ നിന്നുള്ള അഭിഭാഷകനടക്കം മൂന്നു പേര്‍ നേരത്തേ പിടിയിലായിരുന്നു. എന്നാല്‍ തമിഴ്‌നാട്, ആന്ധ്ര എന്നീ സംസ്ഥാനങ്ങളില്‍ വിവിധയിടങ്ങളില്‍ ഒളിവില്‍ താമസിച്ചിരുന്ന അഭിജിത്തിനെ പിടികൂടാന്‍ കഴിഞ്ഞിരുന്നില്ല. തുടര്‍ന്ന് അന്വേഷണസംഘം മാസങ്ങളോളം നടത്തിയ ശ്രമത്തിനൊടുവിലാണ് ഇരുവരും പിടിയിലായത്.
മുന്‍കാമുകിയെ ഫോണില്‍ വിളിച്ച്‌ അഭിജിത്ത് സംസാരിക്കാറുണ്ട്. ഒളിവില്‍ കഴിഞ്ഞപ്പോഴും ഇത് തുടരുന്നുണ്ടായിരുന്നു. ഈ ഫോണ്‍വിളിയാണ് അഭിജിത്തിനെ കുടുക്കിയത്. എന്നാല്‍ ഒരു ഫോണ്‍ നമ്ബര്‍ കുറച്ച്‌ ദിവസങ്ങള്‍ മാത്രമാണ് അഭിജിത്ത് ഉപയോഗിക്കുക, ഇത് പോലീസിനെ കുളപ്പത്തിലാക്കിയിരുന്നു. സിനിമ മേഖലയില്‍ നിരവധി ബന്ധങ്ങള്‍ യുവാവിനുണ്ടായിരുന്നു. വിവിധ സ്ഥലങ്ങളില്‍ നിന്നു ശേഖരിച്ച ഫോണ്‍ നമ്ബറുകളിലേക്കും പുറത്തേക്കുമുള്ള വിളികള്‍ പിന്തുടര്‍ന്നുള്ള അന്വേഷണങ്ങളെല്ലാം വിഫലമായി. ഒടുവിലാണു സുഹൃത്തുക്കളില്‍ നിന്നു മുന്‍ കാമുകിയുടെ വിവരങ്ങള്‍ പൊലീസിനു ലഭിച്ചത്.
പിന്നീട് പൊലീസ് ഇവരെ പിന്തുടര്‍ന്നു. ഇവരുടെ ഫോണ്‍ പരിശോധിച്ചതില്‍ നിന്നു ലഭിച്ച നമ്ബര്‍ പിന്തുടര്‍ന്നതോടെയാണു വൈറ്റിലയില്‍ നിന്ന് ഇയാള്‍ പിടിയിലായത്. പോലീസിനെ കുഴപ്പത്തിലാക്കിയിരുന്ന മോഷ്ടാവും സഹായിയും ഒടുവില്‍ അറസ്റ്റിലായി. വിവിധ സംസ്ഥാനങ്ങളിലായി ഒളിസ്ഥലങ്ങള്‍ മാറി മാറി വനന് കട്ടപ്പന കൊച്ചുതോവള നെടിയചിറതറയില്‍ അഭിജിത് രാജു (24), വടക്കേക്കര നീണ്ടൂര്‍ പതിശേരി ടി.എസ്. രോഹിത് (24) എന്നിവരാണ് അറസ്റ്റിലായത്.
നെഹ്‌റു പാര്‍ക്കില്‍ പ്രവര്‍ത്തിക്കുന്ന മിസ്റ്റര്‍ മൊബൈല്‍സ് എന്ന സ്ഥാപനത്തില്‍നിന്ന് മൂന്നു ലക്ഷത്തോളം രൂപയുടെ മൊബൈല്‍ ഫോണുകളടക്കം മോഷ്ടിച്ച കേസിലാണ് ഇവര്‍ പിടിയിലായത്. മറ്റ് സംസ്ഥാനങ്ങളില്‍ നിന്നും മോഷ്ടാക്കളെ എത്തിച്ച്‌ മോഷണങ്ങള്‍ക്ക് നേതൃത്വം കൊടുക്കുന്നയാളാണ് അഭിജിത്ത് എന്ന് പോലീസ് പറഞ്ഞു. മൊബൈല്‍കട കുത്തിത്തുറന്നു നടത്തിയ മോഷണത്തിലും പിറവത്തെ പള്ളിയില്‍ നടന്ന മോഷണത്തിലും രാമമംഗലത്ത് വയോധികനെ ആക്രമിച്ചു മോഷണം നടത്തിയ കേസിലും ഒന്നാം പ്രതിയായ രോഹിത് ടെലിഫിലിമുകളിലും പരസ്യങ്ങളിലും അഭിനയിക്കുന്ന ആളാണ് .
https://www.facebook.com/Malayalivartha
