ബോളിവുഡിലെ ഹിറ്റ് സംവിധായകനായിരുന്ന സാജിദ് ഖാനെതിരെ വീണ്ടും മീ ടു ആരോപണം. ഇക്കുറി കടുത്ത വിമര്‍ശനമാണ് സാജിദിന് നേരയുണ്ടായിരിക്കുന്നത്. അണ്ടര്‍ മൈ ബുര്‍ഖ എന്ന ചിത്രത്തിലൂടെ പ്രശസ്തയായ നടി അഹാന കുമ്രയാണ് സാജിദിനെതിരെ രംഗത്തെത്തിയത്. ഇയാള്‍ക്കെതിരെ മീ ടുവുമായി എത്തുന്ന അഞ്ചാമത്തെയാളാണ് അഹാന. സാജിദ് തന്നെ സ്പര്‍ശിച്ചിട്ടില്ല, പക്ഷേ മോശം വാക്കുകള്‍ ഉപയോഗിച്ചു സംസാരിച്ചുവെന്നാണ് താരം പറയുന്നത്. നൂറു കോടി തന്നാല്‍ നായയുമായി സെക്‌സിലേര്‍പ്പെടുമോയെന്നാണ് സാജിദ് ചോദിച്ചതെന്നും അഹാന പറയുന്നു.

ഒരു വര്‍ഷം മുന്‍പാണ് സംഭവം നടന്നത്. ഒരുവര്‍ഷം മുമ്ബ് സാജിദ് ഖാനുമായി ഒരു കൂടിക്കാഴ്ച നടന്നു. ഒരുദിവസം സാജിദ് എന്നെ വീട്ടിലേക്ക് ക്ഷണിച്ചു വരുത്തി. അയാള്‍ അത്ര നല്ല വ്യക്തിയല്ലെന്ന് അറിയാമായിരുന്നു. സലോമി ചോപ്ര അയാള്‍ക്കെതിരെ എഴുതിയതെല്ലാം അയാള്‍ എന്നോടും ചെയ്തിട്ടുണ്ട്. വീട്ടിലെ അയാളുടെ ഇരുണ്ട മുറിയിലേക്ക് ക്ഷണിക്കും. അയാള്‍ എന്താണോ കാണുന്നത് അത് നമ്മളേയും കാണിക്കും.

അയാളുടെ പെരുമാറ്റം ഇഷ്ടപ്പെടാതിരുന്നപ്പോള്‍ പ്രതികരിച്ചു. തന്റെ അമ്മ പൊലീസിലാണെന്ന് പറയുകയും ചെയ്തു. എന്നിട്ടും അയാള്‍ അസ്വസ്ഥതയുളവാക്കുന്ന ചോദ്യങ്ങള്‍ ചോദിച്ചുകൊണ്ടിരുന്നു. ഞാന്‍ നിങ്ങള്‍ക്ക് 100 കോടി നല്‍കിയാല്‍ നായയുമായി സെക്‌സ് ചെയ്യുമോയെന്ന് സാജിദ് ചോദിച്ചു' എന്നാണ് അഹാന പറയുന്നത്.

ആരോപണങ്ങളെ തുടര്‍ന്ന് പുതിയ ചിത്രമായ ഹൗസ്ഫുള്‍ 4ല്‍ നിന്ന് സാജിദിനെ ഒഴിവാക്കിയിരുന്നു.