ഫഹദ് ഫാസിലിനെതിരെ നിര്‍മാതാക്കളടക്കമുള്ളവരുടെ സംഘടിത നീക്കം. സിനിമ സീരിയസായി കാണാതെ, വെറും കച്ചവടത്തിന്റെ ലാഭം മാത്രം നോക്കുന്ന നിര്‍മാതാക്കളും സാങ്കേതിക പ്രവര്‍ത്തകരുമായി ഫഹദ് സഹകരിക്കാത്തതിനെ തുടര്‍ന്നാണ് താരത്തിനെതിരെ പരാതി അടക്കമുള്ള കാര്യങ്ങളുമായി രംഗത്തെത്തിയത്. നിര്‍മ്മാതാവ് ആരോമ മണിയാണ് ആദ്യം ആക്ഷേപം ഉന്നയിച്ചത്. തൊട്ടുപിന്നാലെ മറ്റ് ചിലരും രംഗത്തെത്തി. എന്നാല്‍ നിര്‍മ്മാതാവിന്റെ നിലവാരകുറവാണ് മണിയുടെ ചിത്രത്തില്‍ നിന്നും പിന്‍മാറാന്‍ കാരണമെന്ന് ഫഹദുമായി അടുപ്പമുള്ളവര്‍ പറയുന്നു. 

അമ്പതിലേറെ ചിത്രങ്ങള്‍ നിര്‍മിച്ച മണി പുതിയ താരങ്ങള്‍ക്കും നിര്‍മാതാക്കള്‍ക്കും മാന്യമായ പ്രതിഫലം നല്‍കുന്നില്ലെന്ന് വ്യാപകമായ പരാതിയുണ്ട്. മണിയുടെ സുനിത പ്രൊഡക്ഷന്‍സിന്റെ ബാനറില്‍ ഫഹദിനെ നായകനാക്കി ഒരു ചിത്രം ചെയ്യുന്നതിന് നാല് ലക്ഷം  അഡ്വാന്‍സ് നല്‍കിയിരുന്നു. എന്നാല്‍ അടുത്തിടെ ഈ ചിത്രത്തില്‍ നിന്ന് ഫഹദ് പിന്‍മാറിയെന്നാണ് മണി പറയുന്നത്.  നിര്‍മ്മതാക്കളുടെ സംഘടനയില്‍ പരാതിയും നല്‍കി. മണിയുടെ ചിത്രത്തില്‍ അഭിനയിക്കില്ലെന്ന് കാണിച്ച് ഫഹദ് അഭിനേതാക്കളുടെ സംഘടനയായ അമ്മയിലും കത്ത് നല്‍കി. നിര്‍മാതാവെന്ന നിലയില്‍ മണിയുമായി സഹകരിക്കാന്‍ വ്യക്തിപരമായ ബുദ്ധിമുട്ടുണ്ടെന്ന് ഫഹദ് പറയുന്നു. 

ശ്യാമപ്രസാദ് സംവിധാനം ചെയ്ത ആര്‍ട്ടിസ്റ്റ്, ആരോമ മണി നിര്‍മിച്ച് ഫഹദ് നായകനായ ചിത്രമാണ്. ആ ചിത്രം ഫഹദിന് സംസ്ഥാന അംഗീകാരം നേടികൊടുത്തു. എന്നാല്‍ നിര്‍മ്മതാവ് എന്ന രീതിയില്‍ മണിയുടെ നിലപാടുകള്‍ അംഗീകരിക്കാനാവില്ലെന്ന് ഫഹദുമായി അടുപ്പമുള്ളവര്‍ പറയുന്നു. പല നിര്‍മ്മാതാക്കളില്‍ നിന്നും ഫഹദ് ലക്ഷങ്ങള്‍ അഡ്വാന്‍സ് കൈപ്പറ്റിയിട്ടുണ്ട്. അവര്‍ക്കാര്‍ക്കും ഡേറ്റിനെ കുറിച്ച് യതൊരു വിവരവും നല്‍കിയിട്ടില്ല. ചെയ്യാമെന്ന ഉറപ്പ് മാത്രമാണ് നല്‍കിയത്.  സൂപ്പര്‍ താരങ്ങളെക്കാള്‍ ഫഹദിന്റെ ഡേറ്റുകൊണ്ട് പ്രയോജനം ഉള്ളത് കൊണ്ടാണ് നിര്‍മ്മാതാക്കള്‍ ലക്ഷങ്ങളും നല്‍കി കാത്തിരിക്കുന്നത്. അടുത്തിടെ അഞ്ച് നിര്‍മ്മതാക്കളുടെ അഡ്വാന്‍സ് തുക ഫഹദ് മടക്കികൊടുത്തു. ഈ വര്‍ഷം കുറേ പരാജയങ്ങളുണ്ടായതിനാല്‍ നല്ല പ്രൊജക്ടുകളില്‍ മാത്രം അഭിനയിക്കാനാണ് ഫഹദിന്റെ തീരുമാനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha