ജഗതീ ശ്രീകുമാറിന്റെ അപാര കഴിവ് തുറന്ന് പറഞ്ഞ് സംവിധായകന്
മലയാളികള് ഇന്നും ഇഷ്ടപ്പെടുന്ന സിനിമയാണ് യോദ്ധ. 27 വര്ഷങ്ങള് പിന്നിടുന്നു യോദ്ധ എന്ന ചിത്രം പിറന്നിട്ട്. റിലീസ് ചെയ്ത നാളുകളില് വന് വിജയത്തിലേക്കൊന്നും പോകാത്ത ചിത്രം പിന്നീട് മോഹന്ലാല് ജഗതി കൂട്ടുകെട്ട് സമ്മാനിച്ച ചിരിപ്പൂരത്തിലൂടെ മലയാളത്തിലെ എക്കാലത്തെയും പ്രിയപ്പെട്ട സിനിമകളിലൊന്ന് എന്ന ചാര്ട്ടിലിടം നേടുകയായിരുന്നു.
തൈപ്പറമ്ബില് അശോകനും അരശുംമൂട്ടില് അപ്പുകുട്ടനും മിനി സ്ക്രീനില് അരങ്ങുവാഴുന്ന കാഴ്ചയാണ് ഈ 27 വര്ഷങ്ങള് പിന്നിടുമ്ബോഴും കാണാന് കഴിയുന്നത്. എന്നാല് മോഹന്ലാല് നായകനായ ചിത്രത്തില് അരശുംമൂട്ടില് അപ്പുകുട്ടനെ അവതരിപ്പിക്കാന് ജഗതി അല്ലാതെ മറ്റൊരു നടനെയും സങ്കല്പ്പിക്കാന് തനിക്ക് കഴിയില്ലായിരുന്നു എന്നു പറയുകയാണ് ചിത്രത്തിന്റെ സംവിധായകന് സംഗീത് ശിവന്.
ലാല് വന്നുകഴിഞ്ഞാല് പിന്നെ ലാലിന്റെ കൂടെ കോംപീറ്റ് ചെയ്തു നില്ക്കണമെങ്കില് ദെയര് വാസ് നോ അദര് ചോയിസ്. അദ്ദേഹവും ലാല് സാറും ഒരുമിച്ചു വന്നാല് പിന്നെ നമുക്ക് ഒരു രക്ഷയുമില്ല. അവര് അങ്ങോട്ടുമിങ്ങോട്ടും...പക്ഷേ വേറൊരു ആക്ടറിനിടയില് ജഗതി സാര് അവര്ക്ക് മേലെ സ്കോര് ആകും. ജഗതി സാറിന്റെ അത്രയും ഇംപ്രവൈസ് ചെയ്യാന് അവര്ക്ക് കഴിയാത്തതു കൊണ്ടാണ്. ലാല് സാറും ജഗതിയും കൂടി വന്നാല് ദാറ്റ് ബികം സംതിംഗ് എല്സ്.
ചിത്രത്തിലെ കുറേ ഡയലോഗുകള് നമ്മള് എഴുതിയതല്ല. ഉദാഹരണത്തിന് 'ഈ ഫോറസ്റ്റു മുഴുവന് കാടാണ്' എന്നു പറയുന്ന ഡയലോഗൊക്കെ. അതൊന്നും നമ്മളു പോലും അറിഞ്ഞിരുന്നില്ല.
https://www.facebook.com/Malayalivartha
