വണ്ടി ചെക്ക് നല്‍കിയ നിര്‍മാതാവിനെ ദീലീപ് അഭിനയിക്കാന്‍ വിളിച്ചു
ദിലീപ് സ്റ്റാറാകും മുമ്പ് അഭിനയിച്ച ഉദയപുരം സുല്ത്താന് നന്നായി ഓടിയ സിനിമയാണ്. ചിത്രത്തിന്റെ പ്രതിഫലമായി ഒന്നര ലക്ഷം രൂപയുടെ ചെക്ക് നിര്‍മാതാവ് ദിനേശ് പണിക്കര്‍ നല്‍കിയിരുന്നു. എന്നാല്‍ ചെക്ക് ബൗണ്‍സായി. ദിലീപ് നിര്‍മാതാവിനെ വിളിച്ച് കാര്യം പറഞ്ഞെങ്കിലും ഒന്നും നടന്നില്ല. അതിനിടയിലാണ് മഞ്ജുവാര്യരെ വിവാഹം കഴിച്ചത്. ആ സമയത്ത് കടുത്ത സാമ്പത്തിക പ്രതിസന്ധി ഉണ്ടായി. എന്ത് ചെയ്യണമെന്ന് അറിയാത്ത അവസ്ഥയില്‍ വീണ്ടും ദിനേശ് പണിക്കരെ വിളിച്ചു. രക്ഷയില്ല. ഒടുവില്‍ കേസ് ഫയല്‍ ചെയ്തു.
അത് വലിയ വിവാദമായി. ചേമ്പര്‍ ഓഫ് കൊമേഴ്‌സ് ദിലീപിന് വിലക്കേര്‍പ്പെടുത്താന്‍ നീക്കം നടത്തി. ചില നിര്‍മാതാക്കളും കളിച്ചു. ദിലീപിന്റെ ആത്മ സുഹൃത്തുക്കളില്‍ ഒരാളായ എന്‍.എഫ് വര്‍ഗീസും ദിലീപിനെ തള്ളിപ്പറഞ്ഞു. നടന്‍മാരുടെ അന്നദാതാക്കളായ നിര്‍മാതാക്കള്‍ക്കെതിരെ കേസ് കൊടുക്കരുതെന്നായിരുന്നു എന്‍.എഫിന്റെ നിലപാട്. എന്തായാലും കാശ് കിട്ടി. ദിലീപിന് അത് വലിയ ആശ്വാസമായി. ഉദയപുരം സുല്ത്താന് ശേഷം ദിനേശ് പണിക്കര്‍ കുറേ സിനിമ നിര്‍മിച്ചെങ്കിലും എല്ലാം പരാജയപ്പെട്ടു. സാമ്പത്തികമായി തകര്‍ന്ന അദ്ദേഹം സീരിയലുകളില്‍ അഭിനയിക്കാന്‍ തുടങ്ങി.
ഇടയ്ക്ക് ചില സിനിമകളിലും ചെറിയ വേഷങ്ങള്‍ ചെയ്തു. അത് ശ്രദ്ധയില്‍പ്പെട്ട ദിലീപ് അദ്ദേഹത്തെ നേരിട്ട് വിളിച്ച് തന്റെ സിനിമകളില്‍ അഭിനയിപ്പിച്ചു. റിംഗ് മാസ്റ്ററില്‍ ചെറുതെങ്കിലും പ്രധാനപ്പെട്ട വേഷമാണ് ദിനേശ് പണിക്കര്‍ ചെയ്തത്. പിന്നീട് വില്ലാളി വീരന്‍, ഇപ്പോ ഇവന്‍ മര്യാദരാമന്‍. തനിക്ക് ദിനേശ് പണിക്കരോട് ദേഷ്യം ഉണ്ടായിരുന്നില്ലെന്നും അന്നേരത്തെ സാമ്പത്തിക ബുദ്ധിമുട്ടുകൊണ്ട് കേസ് ഫയല്‍ ചെയ്തതാണെന്നും ദിലീപ് പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
