പൂരത്തിന് പോപ്പോഴുണ്ടായ മോശം അനുഭവം തുറന്ന് പറഞ്ഞ് റിമ കല്ലിങ്കല്
തൃശൂര് പൂരത്തിന് പോയപ്പോള് ദുരനുഭവം നേരിട്ടെന്ന് നടി റിമ കല്ലിങ്കല്. നേരത്തെ തൃശൂര് പൂരം ആണുങ്ങളുടെ മാത്രം പൂരമാണെന്ന് പറഞ്ഞ റിമയുടെ വലിയ വിവാദമായിരുന്നു. പ്രസ്താവന വിവാദമായതിനെ തുടര്ന്ന് താരത്തിനെതിരെ സൈബര് ആക്രമണം നടന്നു. റിമ ഇതുവരെ പൂരം കണ്ടിട്ടിട്ടില്ലെന്നും അതുകൊണ്ടാണ് അവര് ഇങ്ങിനെ സംസാരിക്കുന്നതെന്നും നിരവധി പേര് പ്രതികരിച്ചിരുന്നു. എന്നാല് അഭിമുഖത്തിന്റെ പൂര്ണരൂപമാണ് ഇപ്പോള് പുറത്തു വന്നിരിക്കുന്നത്.
'പൂരം നേരിട്ട് കണ്ടിട്ട് കുറച്ച് കാലമായി. പണ്ട് എല്ലാ വര്ഷവും പോകുമായിരുന്നു. എന്റെ അച്ഛന് എന്നെ എല്ലാത്തിനും കൊണ്ടുപോകുമായിരുന്നു. അതിരാവിലത്തെ വെടിക്കെട്ട് ഗ്രൗണ്ടില് നിന്ന് കണ്ടിട്ടുണ്ട്. ആണുങ്ങളുടെ ജനസാഗരത്തിനു നടുവില്നിന്ന് തന്നെയാണ് കണ്ടത്. രാവിലെ പോകുമായിരുന്നു. പോകുമ്ബോള് നമുക്കൊരു സുരക്ഷയില്ലെന്ന് തോന്നും. ആണുങ്ങളുടെ മാത്രം ഫെസ്റ്റിവല് ആണെന്ന് പലപ്പോഴും തോന്നിയിട്ടുണ്ട്. പൂരത്തിന് പോയപ്പോള് മോശം അനുഭവം ഉണ്ടായിട്ടുണ്ട്. ഇലഞ്ഞിത്തറ മേളം മാത്രമാണ് നേരിട്ട് കാണാന് പറ്റാത്തത്. ആനച്ചന്തം, കുടമാറ്റം എല്ലാം അകലെ നിന്ന് കണ്ടിട്ടുണ്ട്. ഇലഞ്ഞിത്തറ മേളം അവിടെ നിന്ന് കേള്ക്കുന്ന സുഖം എവിടെ നിന്നാലും കിട്ടില്ല. പക്ഷേ അത് മാത്രം സാധിച്ചിട്ടില്ല'. റിമ പറഞ്ഞു.
'ഞാനെപ്പോഴും പറയാറുണ്ട്, തൃശൂര് പൂരം ആണുങ്ങളുടെ മാത്രം പൂരമാണ്. വലിയ കഷ്ടമാണിത്. വിദേശത്തൊക്കെ വലിയ ആഘോഷങ്ങള് നടക്കുമ്ബോള് അവിടെ ആണുങ്ങള് മാത്രമല്ലല്ലോ വരുന്നത് ആണുങ്ങളും പെണ്ണുങ്ങളും വരുന്നില്ലേ. നമുക്കിവിടെ തുടങ്ങാം. ഒരു പ്രശ്നമുണ്ട്. ഇത് നമ്മള് തീരുമാനിക്കണമല്ലോ ആദ്യം.''തിരക്കായിരിക്കുമല്ലോ പോകണ്ട എന്ന പേടിയുമുണ്ടാകും. പണ്ടൊക്കെ അമ്ബലങ്ങളിലും മറ്റ് പൊതുസ്ഥലങ്ങളിലും ഒക്കെ പോകുമ്ബോ ആണുങ്ങളും പെണ്ണുങ്ങളും കൂടിയല്ലേ പോകാറ് അപ്പോഴല്ലേ ഒരു രസമുള്ളൂ ആണുങ്ങള് മാത്രം പോയിട്ടെന്ത് കാര്യം എല്ലാവരും ഒരുമിച്ച് വരിക എന്നതിലാണ് കാര്യം. പക്ഷേ അതിവിടെ നടക്കുന്നില്ല. കാരണം വരുന്നത് മുഴുവന് പുരുഷന്മാരാണ്.' റിമ വ്യക്തമാക്കി.
https://www.facebook.com/Malayalivartha