സിനിമ പ്രേമികളുടെ പ്രിയപ്പെട്ട താരകുടുംബമാണ് പൃഥ്വിരാജിന്റേത്. വ്യത്യസ്തമായ സിനിമകളുമായി താരം മുന്നേറുമ്പോൾ നിര്‍മ്മാണക്കമ്ബനിയുടെ കാര്യങ്ങളെല്ലാം നോക്കിനടത്തുന്നത് സുപ്രിയയാണ്. ആടുജീവിതം എന്ന ചിത്രത്തിനായി സിനിമയില്‍ നിന്നും മൂന്ന് മാസത്തെ ഇടവേളയെടുത്തിരിക്കുകയാണ് താരം. പൃഥ്വി വന്നതോടെ അലംകൃതയും സന്തോഷത്തിലാണ്. എന്നാല്‍ അലംകൃതയെ തേടി ഇപ്പോള്‍ മറ്റൊരു സന്തോഷം എത്തിരിക്കുകയാണ്. നസ്രിയയും ഫഹദും ഓറിയോയുമാണ് അലംകൃതയെ കാണാനായി ഇപ്പോള്‍ എത്തിയിരിക്കുന്നത്. പുതിയ സിനിമയായ മാലിക്കിലെ ലുക്കിലാണ് ഫഹദ് എത്തിയത്. അല്ലിയുടെയും സുപ്രിയയുടേയും അടുത്ത സുഹൃത്താണ് നസ്രിയയെന്ന നച്ചു.

അല്ലിക്കൊപ്പം ചിരിച്ചുല്ലസിക്കുന്ന ഫഹദിന്റേയും നസ്രിയയുടേയും ചിത്രങ്ങളാണ് ഇപ്പോള്‍ സെക്‌സില്‍ മീഡിയയില്‍ ഹിറ്റായിരിക്കുന്നത്. പറ്റെ വെട്ടിയ മുടിയുമായാണ് അല്ലി നച്ചുവിനൊപ്പമുള്ളത്.പിറന്നാളാശംസ നേരുന്നതിനിടയിലായിരുന്നു പൃഥ്വിരാജ് വീട്ടില്‍ നച്ചുവിനായി ഒരാള്‍ കാത്തിരിക്കുന്നുണ്ടെന്ന് പറഞ്ഞത്. വൈകാതെ തന്നെ താനെത്തുമെന്ന് അന്ന് നസ്രിയ ഉറപ്പ് കൊടുത്തിരുന്നു. ആ വാക്ക് ഇപ്പോള്‍ പാലിച്ചിരിക്കുകയാണ് താരം. കാത്തിരിപ്പിനൊടുവില്‍ നച്ചുവിനെ കണ്ട സന്തോഷത്തിലാണ് അല്ലി. കൂടെയെന്ന ചിത്രത്തില്‍ അഭിനയിച്ച്‌ വരുന്നതിനിടയിലായിരുന്നു പൃഥ്വിരാജും നസ്രിയ നസീമും അടുത്ത് പരിചയപ്പെട്ടത്. പൃഥ്വിയുടെ സഹോദരിയായാണ് താരമെത്തിയത്. ഇത് പോലൊരു കുഞ്ഞനിയത്തിയെ കിട്ടിയിരുന്നെങ്കിലെന്ന് താന്‍ ആഗ്രഹിച്ചിരുന്നുവെന്ന് പൃഥ്വിരാജ് പറഞ്ഞിരുന്നു.