പ്രണയം പരസ്യമാക്കി ലച്ചു?; ഇത് വിവാഹ സൂചനയോ...; രോവിനുമായി ജൂഹി വിവാഹത്തിന് ഒരുങ്ങുകയാണോ എന്ന സംശയത്തിലാണ് ആരാധകർ
ഉപ്പും മുളകും എന്ന പരമ്പരയിലെ ലച്ചു എന്ന കഥാപാത്രത്തിലൂടെ മലയാള കുടുംബപ്രേക്ഷകരുടെ പ്രിയങ്കരിയായ ജൂഹി റുസ്തഗി വിവാഹത്തിന് ഒരുങ്ങുകയാണോ എന്ന സംശയത്തിലാണ് ആരാധകർ. ഡോക്ടര് രോവിൻ ജോർജിനെ കേന്ദ്രീകരിച്ചാണ് അഭ്യൂഹങ്ങള് പറക്കുന്നത്. ഒരു സിനിമയുടെ പൂജാ ചടങ്ങുകളിൽ പങ്കെടുക്കാൻ ഇരവരും ഒന്നിച്ചെത്തിയിരുന്നു അഭ്യൂഹങ്ങൾക്ക് ആക്കം കൂട്ടിയത്. ഇതോടെയാണ് ജൂഹി വിവാഹത്തിന് ഒരുങ്ങുകയാണോ എന്ന സംശയം ആരാധകര് പ്രകടിപ്പിച്ചത്.
ഒരേ നിറത്തിലുള്ള വസ്ത്രങ്ങൾ ധരിച്ചാണ് ഇരുവരും ചടങ്ങിനെത്തിയത്. മറ്റുള്ളവർക്ക് രോവിനെ ജൂഹി പരിചയപ്പെടുത്തുന്നുണ്ട്. ചടങ്ങിൽ ശ്രദ്ധാകേന്ദ്രമായതും രോവിനും ജൂഹിയും തന്നെ. അഭിനയത്തിലും മോഡലിങ്ങിലും താൽപര്യമുള്ള രോവിൻ ഒരു സംഗീത ആൽബത്തിൽ ജൂഹിക്കൊപ്പം പ്രവർത്തിച്ചിട്ടുണ്ട്.
തനിക്കൊരു പ്രണയമുണ്ടെന്ന് ജൂഹി മുൻപൊരു അഭിമുഖത്തിൽ വെളിപ്പെടുത്തിയിട്ടുണ്ട്. ഡോക്ടര് രോവിനൊപ്പം നില്ക്കുന്ന ജൂഹിയുടെ ചിത്രങ്ങള് നേരത്തെ സോഷ്യല് മീഡിയയിലൂടെ വൈറലായി മാറിയിരുന്നു. അഭിമുഖങ്ങളില് ജൂഹി രോവിനെക്കുറിച്ച് പറഞ്ഞിരുന്നു.
ഡോക്ടര് രോവിനൊപ്പമുള്ള ചിത്രം പങ്കുവെച്ച് ജൂഹിയും എത്തിയിട്ടുണ്ട്. നിന്നെക്കുറിച്ചുള്ള പ്രണയഗാനങ്ങളാണ് പിന്നെ കേട്ടതെല്ലാം എന്ന ക്യാപ്ഷനുമായാണ് ജൂഹി ഫോട്ടോ പോസ്റ്റ് ചെയ്തത്. നിരവധി പേരാണ് താരത്തിന്റെ പോസ്റ്റിന് കീഴില് കമന്റുകളുമായി എത്തിയിട്ടുള്ളത്. കൈപിടിച്ച് സന്തോഷത്തോടെയാണ് ഇരുവരും ഫോട്ടോയ്ക്കായി പോസ് ചെയ്തിട്ടുള്ളത്.
ഉപ്പും മുളകും എന്ന സീരിയലിൽ ജൂഹി അവതരിപ്പിക്കുന്ന ലച്ചു എന്ന കഥാപാത്രം അടുത്തിടെ വിവാഹിതയായിരുന്നു. ഇത് ജൂഹിയുടെ യഥാര്ഥ വിവാഹമാണെന്ന തരത്തിൽ പ്രചാരമുണ്ടായി. ഇതിനെതിരെ ജൂഹി ഫെയ്സ്ബുക്ക് ലൈവിൽ വരികയും വ്യാജപ്രചാരണമാണെന്ന് വ്യക്തമാക്കുകയും ചെയ്തു. തന്റെ വിവാഹം എല്ലാവരെയും അറിയിക്കുമെന്നും താരം പറഞ്ഞു.
https://www.facebook.com/Malayalivartha