കൊവിഡ് കാലത്തെ പൊലീസുകാരിയുടെ ജീവിതം പറഞ്ഞ നൂപുരത്തിന് സലൂട്ടുമായി മഞ്ജു വാര്യര്
കൊവിഡ് ബാധയെ തുരത്താന് രാജ്യം പലവഴികളും നോക്കുമ്പോഴും നമ്മളില് ആ രോഗം വരാതിരിക്കാനും നമ്മളെ സംരക്ഷിക്കാനും വേണ്ടി കര്മ്മനിരതരായ പൊലീസുകാര്ക്ക് സല്യൂട്ട് നല്കി മഞ്ജു വാര്യര്. സ്വന്തം കുടുംബത്തെ പോലും മറന്നാണ് ഇവര് ഇത്തരം പ്രവര്ത്തനങ്ങളില് ഏര്പ്പെട്ടിരിക്കുന്നത്. ഏവര്ക്കും വേണ്ടി സ്വന്തം ജീവന് പോലും പണയം വച്ച് ഈ മഹാവ്യാധിയെ തുരത്താന് പൊലീസ് എപ്പോഴും ജാഗരൂഗരാണ്. നിങ്ങളുടെ സഹകരണമാണ് ഞങ്ങളുടെ വിജയം. കേരള പൊലീസിന്റെ 'നൂപുരം' എന്ന ഷോട്ട് ഫിലിമിലാണ് സ്പെഷല് അപ്പിയറന്സുമായി മഞ്ജു വാര്യര് എത്തുന്നത്. ഈ ഹ്രസ്വ ചിത്രം ഇതിനോടകം തന്നെ സോഷ്യല് മീഡിയയില് വൈറലാണ്. നിരവധി പേരാണ് പൊലീസിന് അഭിനന്ദനവുമായി കമന്റ് ബോക്സിലെത്തുന്നത്. തൃശൂര് പൊലീസാണ് ഈ ഹ്രസ്വചിത്രം ഒരുക്കിയിരിക്കുന്നത്.
രാപകലില്ലാതെ ജോലിചെയ്യുന്ന പൊലീസുദ്യോഗസ്ഥരില് മുലയൂട്ടുന്ന അമ്മമാരും ഉണ്ടായിരിക്കും. നമ്മുടെ മക്കള്ക്ക് ഈ മഹാമാരി വരാതിരിക്കാന് പൊള്ളുന്ന വെയിലിലും സ്വന്തം കൈക്കുഞ്ഞുങ്ങളെ പോലും അകറ്റി നിര്ത്തി ജോലി ചെയ്യുന്ന പൊലീസ് സഹോദരിമാര്ക്ക് നമുക്കൊരു ബിഗ് സല്യൂട്ട് നല്കാമെന്ന് മഞ്ജു വാര്യര് നൂപുരത്തിന്റെ ഏറ്റവും ഒടുവില് പറയുന്നത്. 'കൊറോണ എന്ന മഹാമാരിക്കെതിരെ രാപ്പകലില്ലാതെ പോരാടുകയാണ് പൊലീസും, ആരോഗ്യപ്രവര്ത്തകരും. ഈ സേവനങ്ങളില് ഏര്പ്പെട്ടിരിക്കുന്ന എല്ലാ ഉദ്യോഗസ്ഥര്ക്കും ഒരു ബിഗ് സല്യൂട്ട്.' എന്ന കുറിപ്പോട് കൂടിയാണ് കേരളാ പൊലീസ് നൂപുരം പങ്കുവെച്ചിരിക്കുന്നത്. ഇതിനോടകം തന്നെ നിരവധി ബോധവല്ക്കരണ വീഡിയോകളാണ് കേരളാ പൊലീസ് ചെയ്തിരിക്കുന്നത്. ബ്രേക്ക് ദ് ചെയിന് ക്യാംപെയിനിന്റെ ഭാഗമായി എങ്ങനെ കൈകഴുകണം എന്ന കേരള പൊലീസിന്റെ വീഡിയോ രാജ്യാന്തര ശ്രദ്ധ നേടിയിരുന്നു.
https://www.facebook.com/Malayalivartha