പാലാ തങ്കം അനാഥാലയത്തില്
മലയാള സിനിമയക്ക് മറക്കാനാവാത്ത ഒരുപാട് റോളുകളില് അഭിനയിച്ച പാലാ തങ്കം ഇന്ന് അനാഥാലയത്തില് കഴിയുകയാണ്. സ്വന്തം മക്കളും സിനിമയിലെ മക്കളും ഉപേക്ഷിച്ച പാലാ തങ്കം ഇപ്പോള് പത്തനാപുരത്തെ ഒരു സ്വകാര്യ അനാഥാലയത്തില് വിശ്രമ ജീവിതം നയിക്കുകയാണ്. 300 സിനിമകളില് അഭിനിയിക്കുകയും അന്യഭാഷാ സിനിമകള് അടക്കം 3000ത്തിലധികം സിനിമകള്ക്ക് ശബ്ദം നല്കുകയും ചെയ്ത അപൂര്വ്വ പ്രതിഭ. പ്രേം നസീര് മുതല് മമ്മൂട്ടിവരെയുള്ളവരുടെ സിനിമകളില് പ്രധാന വേഷങ്ങള് ചെയ്തു. എന്നാല് അവസാനം ആരും സഹായിക്കാനില്ലാതെ ഒറ്റയ്ക്കായ്. അതിന് തങ്കത്തിന് പരിഭവമില്ല, സിനിമയില് മാത്രമല്ലേ ഞാന് അവരുടെ അമ്മ, അവര്ക്ക് അത് അഭിനയമായിരുന്നെങ്കിലും എനിക്കത് ജീവിതമായിരുന്നു. മക്കള് പുറത്താക്കുന്നതിന് മുമ്പ് സ്വയം പുറത്തായ തങ്കത്തെ ഗാന്ധിഭവനില് എത്തിച്ചത് കെപിഎസ് സി ലളിത. ചലച്ചിത്ര താരങ്ങളുടെ സംഘനയായ അമ്മയുടെ പെന്ഷന് കൈപ്പറ്റുന്നതൊഴിച്ചാല് തിരിഞ്ഞു നോക്കാന് ആര്ക്കും നേരമില്ല.
ഇന്നസെന്റ് കാണാന് വരാമെന്ന് പറഞ്ഞിട്ടും വന്നില്ല, ശാരദയും വിളിച്ചിരുന്നു. പക്ഷേ അവരാരും എത്തിയില്ല. എന്നാല് തങ്കത്തിന് ആരോടും പരാതി ഇല്ല. കാരണം സിനിമാക്കാരും രാഷ്ട്രീയക്കാരും അങ്ങനെയാണ്, സത്യം പറയില്ല. പിന്നെ ഞാന് ഒരു അനാഥാലയത്തില് ആണല്ലോ എന്ന് കരുതിയാണ് ഇവരൊക്കെ ഇങ്ങനെ വിഷമിക്കുന്നത്. എന്നാല് എനിക്ക് ഇവിടെ ഒരു വിഷമവുമില്ല. ഞാന് ഇവരുടെ ഒക്കെ അമ്മയാണ്. ഗാന്ധിഭവന് ഒരു ശ്രീകോവിലാണ്\'. പൊട്ടിക്കരഞ്ഞുകൊണ്ടാണ് തങ്കം ഇത്രയും പറഞ്ഞത്. ഗാന്ധിഭവനിലെ അമ്മയുടെ റോളില് അഭിനയിച്ച് കൊണ്ടിരിക്കുകയാണ് തങ്കം ഇപ്പോള്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha