രാമന് ദിലീപിനെ ചതിച്ചു
ഇവന് മര്യാദരാമനും വലിയ ചലനം തിയറ്ററില് സൃഷ്ടിക്കില്ലെന്ന് ആദ്യ ദിവസം തീരുമാനമായി. വില്ലാളി വീരന്, അവതാരം എന്നീ കഴിഞ്ഞ ചിത്രങ്ങള് പരാജയമായിരുന്നു. ഉത്സവ ചിത്രങ്ങള് എന്നും ദിലീപിനെ രക്ഷിച്ചിട്ടുണ്ട്. മായാമോഹിനി, റിംഗ് മാസ്റ്റര് എന്നിവ ഉദാഹരണം. എന്നാല് വില്ലാളി വീരനേക്കാളും അവതാരത്തേക്കാളും ഭേദമാണ് മര്യാദരാമന്. സിനിമ ഇറങ്ങുന്നതിന് മുമ്പ് പലരും പറഞ്ഞ ദിലീപിന്റെ ഫുള് കോമഡി ചിത്രം, തെലുങ്കിന്റെ റീമേക്ക് സൂപ്പര് ഹിറ്റ്, ഉദയ് കൃഷ്ണ സിബി കെ തോമസ് കൂട്ടുകെട്ട് ഒടുവിലൊന്നിച്ചെഴുതിയ തിരക്കഥ, ഒരു കോടിയുടെ സെറ്റ് അങ്ങനെ കുറേ പരസ്യങ്ങളുണ്ടായിരുന്നു.
പൂനയില് അരിമില് തൊഴിലാളിയാണ് രാമു. ഒരു സൈക്കിളിലാണ് ഇയാള് വ്യാപാരം നടത്തുന്നത്. ഈ സംസാരിയ്ക്കുന്ന സൈക്കിളാണ് രാമുന്റെ ഏറ്റവും അടുത്ത കൂട്ടുകാരനും. കച്ചവടത്തിന് സൈക്കിള് മാറ്റി ഒരു ഓട്ടോ വാങ്ങാന് തീരുമാനിച്ച രാമു അതിനുള്ള കാശുണ്ടാക്കാന് വേണ്ടിയാണ് നാട്ടിലേക്ക് തീവണ്ടി കയറുന്നത്. ട്രെയിനില് വെച്ച് കൃഷ്ണേന്ദുവിനെ പരിചയപ്പെടുന്നു. അവള്ക്കൊപ്പം അവളുടെ തറവാട്ടിലെത്തുന്ന രാമു ഞെട്ടുന്നു. അവിടെ അയാളെ കൊല്ലാന് ചിലര് കാത്തിരിയ്ക്കുന്നു. ഇതാണ് കഥയുടെ പശ്ചാത്തലം. രാമുവായി ദിലീപും കൃഷ്ണേന്ദുവായി നിക്കി ഗല്റാനിയും എത്തുന്ന ചിത്രത്തില് സുനില് സുഖദ, കൈലാഷ്, ഷാജു നവോദയ, അബു സലീം തുടങ്ങിയവരാണ് മറ്റു താരങ്ങള്.
ദിലീപ് സ്ഥിരം കോമാളിത്തരം കാണിച്ചു. ഭാഗ്യനായികയായ നിക്കി മുഴുനീളം സിനിമയിലുണ്ടെങ്കിലും കാര്യമായൊന്നും ചെയ്യാനായില്ല. കുറേ കോമാളിത്തരങ്ങള്. കുട്ടികളെ മാത്രം ഉദ്ദേശിച്ചൊരുങ്ങിയ ചിത്രമാണോ എന്ന ഫീല് തോന്നിപ്പിയ്ക്കുന്ന തരത്തിലാണ് പല രംഗങ്ങളും ഒരുക്കിയത്. തെലുങ്കിലെ പല കോമഡികളും മലയാളികള്ക്ക് ദഹിയ്ക്കുന്നില്ല. ഗോപി സുന്ദറിന്റെ പശ്ചാത്തല സംഗീതമാണ് ചിത്രത്തിലെ പ്ലസ് എന്നവകാശപ്പെടാന് കഴിയുന്ന ഒരു സംഗതി. വിജയ് ഉലഗാനന്ദന്റെ ഛായാഗ്രഹണവും മികച്ചു നില്ക്കുന്നു. ട്രെയിന് രംഗങ്ങള് നന്നായി ചിത്രീകരിയ്ക്കാന് കഴിഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha