ലാലിസം ഉണ്ടാക്കിയ വിവാദം ചില്ലറയല്ല. ദേശീയ ഗെയിംസിന്റെ ഉദ്ഘാടന ചടങ്ങിലെ മുഖ്യ ആകര്‍ഷണം ആകേണ്ടതായിരുന്നു ലാലിസം. പക്ഷെ അരങ്ങേറ്റത്തില്‍ തന്നെ ലാലിസത്തിന് അകാല മൃത്യു സംഭവിച്ചു. റെക്കോര്‍ഡ് ചെയ്ത പാട്ടിന് ചുണ്ടനക്കി എന്നായിരുന്നു മോഹന്‍ലാലിന്റെ ലാലിസം ബാന്‍ഡിനെതിരെ ഉയര്‍ന്ന പ്രധാന വിമര്‍ശനം. 
വിമര്‍ശനം അതിരു കടന്നതോടെ സംഘാടക സമിതിയില്‍ നിന്ന് വാങ്ങിയ മുഴുവന്‍ തുകയും ലാല്‍ തിരിച്ചു നല്‍കി. ലാലിസം മാത്രമാണോ ദേശീയ ഗെയിംസിനെ വിവാദത്തില്‍ നിറുത്തിയതെന്ന ചോദ്യവും സജീവമായി. അവസാന നിമിഷം സര്‍ക്കാര്‍ കാലു പിടിച്ചതു കൊണ്ടാണ് ലാലിസം അവതരിപ്പാന്‍ മോഹന്‍ ലാല്‍ തയ്യാറായതെന്നും വാദമുയര്‍ന്നു. 
ഇതിനിടെയിലും ചുണ്ടനക്കമാണ് മോഹന്‍ലാലിനെ പ്രതിക്കൂട്ടില്‍ നിറുത്തിയത്. ചുണ്ടനക്കത്തെപ്പറ്റി വളരെ നാളുകള്‍ക്ക് ശേഷം മോഹന്‍ലാല്‍ മനസ് തുറന്നു.
സ്‌റ്റേജ് ഷോകളില്‍ എ ആര്‍ റഹ്മാന്‍ പോലും ചുണ്ടനക്കുകയാണ് ചെയ്യുന്നത്. അല്ലാതെ പാട്ടു പാടുന്നില്ല. ദാസേട്ടന്‍ പാടിയ പാട്ട് ഞാന്‍ പാടിയപോലെ അഭിനയിച്ചതൊന്നും അല്ലല്ലോ? എന്ന ചോദ്യവും ഉയര്‍ത്തുന്നു. 
ഇതിനൊപ്പം സുകുമാര്‍ അഴിക്കോട് ഉയര്‍ത്തി വിഗ് വിവാദത്തിലും പ്രതികരിക്കുന്നു. ഒരാക്ടര്‍ എന്ന നിലയില്‍ എന്റെ പരിമിതികള്‍ക്കുള്ളില്‍ നിന്ന് എനിക്ക് ഇഷ്ടമുള്ളതാണ് ഞാന്‍ ചെയ്യുന്നത്. നാളെ ഒരു സംവിധായകന്‍ എന്നോട് തുണിയില്ലാതെ അഭിനയിക്കാന്‍ പറഞ്ഞാല്‍ എനിക്ക് ഇഷ്ടമുണ്ടെങ്കില്‍ ഞാന്‍ ചെയ്യാമെന്ന് പറയും. ഇല്ലെങ്കില്‍ ഞാന്‍ നോ പറയും. അതിനുള്ള സ്വാതന്ത്ര്യം എനിക്കുണ്ട്. പിന്നെ ഞാന്‍ വിഗ് വച്ചിട്ട് അഭിനയിക്കുന്ന ആളാണെന്ന് എല്ലാവര്‍ക്കും അറിയാവുന്ന കാര്യമല്ലേ? വിഗ് വെക്കാതെ കുറെ സിനിമകളില്‍ അഭിനയിച്ചിട്ടുണ്ട്. പക്ഷേ, വിഗ് വന്ന ശേഷം വിഗ് ഇല്ലാതെ അഭിനയിച്ചിട്ടില്ല. ഇപ്പോള്‍ മെയ്ക്കപ്പിന് സാധ്യതയുള്ള കാലമായതുകൊണ്ട് മുടി കുറഞ്ഞ ആളിന്റെ ക്യാരക്ടര്‍ വന്നാലും അതിനും വിഗ്ഗോ മെയ്ക്കപ്പോ ഉപയോഗിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha