മമ്മുക്കയ്ക്ക് ആ കാര്‍ വേണം, ഇന്ത്യയിലെ ആദ്യത്തെ മാരുതി 800 കാറാണത്. 32 വര്‍ഷം മുമ്പ് ഇന്ത്യന്‍ എയര്‍ലൈന്‍സ് ജോലിക്കാരനായ ഹര്‍പാല്‍ സിംഗ് നറുക്കെടുപ്പിലൂടെ സ്വന്തമാക്കിയ കാര്‍ ഇന്ന് തുരുമ്പു പിടിച്ചുകിടക്കുകയാണ്. 1983 ഡിസംബര്‍ 14ന് നടന്ന വിപുലമായ ചടങ്ങില്‍ അന്നത്തെ പ്രധാനമന്ത്രി ഇന്ദിരാ ഗാന്ധിയാണ് ഹര്‍പാലിന് ആ കാര്‍ സമ്മാനിച്ചത്. 2010ല്‍ മരിക്കുന്നത് വരെ ഹര്‍പാല്‍ കാര്‍ സംരക്ഷിച്ചു പോന്നു. ഹര്‍പാലിന്റെ ഭാര്യ ഗുല്‍ഷാന്‍ബീര്‍ കൗര്‍ 2012ല്‍ മരിച്ചതില്‍ പിന്നെ ആ കാര്‍ മരണം കാത്തുകിടക്കുകയാണ്. മമ്മുക്കയ്ക്ക് ആ കാര്‍ വേണം.
നേരത്തെ സുസുക്കി കാര്‍ തിരിച്ചെടുക്കാന്‍ തയ്യാറായി രംഗത്ത് വന്നിരുന്നു. ഇതിനിടെയാണ് മാരുതി സ്വന്തമാക്കാന്‍ ആഗ്രഹമുണ്ടെന്ന് വാഹനപ്രേമി കൂടിയായ മമമ്മൂട്ടി രംഗത്തെത്തിയത്. നമ്മുക്കത് വാങ്ങാം. അതിനായി എന്താണ് ചെയ്യേണ്ടതെന്ന് മമ്മൂട്ടി ചോദിക്കുന്നു. അത് വെറുമൊരു കാറല്ലെന്നും ആ കാറില്‍ ഇന്ത്യയുടെ ചരിത്രമുണ്ടെന്നും മമ്മൂട്ടി പറയുന്നു. ഹര്‍പാലിന്റെ ഡല്‍ഹിയിലെ ഗ്രീന്‍ പാര്‍ക്കിലുള്ള ഹര്‍പാലിന്റെ വസതിയിലാണ് കാറുള്ളത്. ഹര്‍പാലിന്റെ മക്കള്‍ ഇടക്ക് കാര്‍ ഓടിക്കാറുണ്ടായിരുന്നുവെങ്കിലും ഇപ്പോള്‍ ആര്‍ക്കും വേണ്ട.

ആ കാര്‍ വാങ്ങാന്‍ തയ്യാറാണ്. എനിക്ക് വേണ്ടിയല്ല. വരും തലമുറയ്ക്ക് വേണ്ടി, ഈ കാറില്‍ നിന്നാണ് ഇന്ത്യയിലെ വാഹന വിപ്ലവം തുടങ്ങിയതെന്ന് ഓര്‍മ്മിപ്പിക്കാനാണെന്നും മമ്മൂട്ടി പറഞ്ഞു. എന്നാല്‍ കാര്‍ ആവശ്യപ്പെട്ട് നിരവധി പേര്‍ കോണ്ടാക്ട് ചെയ്യുന്നുണ്ടെന്നും മമ്മൂട്ടി ഇതേവരെ ബന്ധപ്പെട്ടിട്ടില്ലെന്നും ഹര്‍പാലിന്റെ കുടുംബം അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha