'ഡൽഹി കാമ്പസ്സിലെ വിദ്യാര്ത്ഥി സമരത്തെകുറിച്ച പറഞ്ഞാല്, ഇന്ത്യയിലെ ജനാധിപത്യ പോരാട്ടത്തെകുറിച്ച് പറഞ്ഞാല് എങ്ങിനെയാണ് അത് ദേശവിരുദ്ധമാവുക...' ആര്യാടൻ ഷൗക്കത്ത് കുറിക്കുന്നു
പാര്വതി തിരുവോത്ത് നായികയായെത്തുന്ന വർത്തമാനം എന്ന ചിത്രത്തിന് പ്രദര്ശനാനുമതി നിഷേധിച്ച സെന്സര് ബോര്ഡിന്റെ തീരുമാനം വലിയ വിവാദങ്ങളാണ് സമൂഹമാധ്യമങ്ങളിൽ വഴിവച്ചത്. ആര്യാടന് ഷൗക്കത്തിന്റെ തിരക്കഥയില് സിദ്ധാര്ഥ ശിവയാണ് ചിത്രം സംവിധാനം ചെയ്തിരിക്കുന്നത്.
ഇതിന് പിന്നാലെ അനുമതി നിഷേധിക്കാനുള്ള കാരണം വ്യക്തമാക്കി സെന്സര് ബോര്ഡ് അംഗവും ബിജെപി എസ് സി മോർച്ചാ സംസ്ഥാന വൈസ് പ്രസിഡന്റുമായ അഡ്വ. വി സന്ദീപ് കുമാര് സോഷ്യല് മീഡിയയിലൂടെ പങ്കുവച്ച കുറിപ്പും ഏറെ വിവാദമായി. ഇപ്പോൾ ഈ വിഷയത്തിൽ പ്രതികരണവുമായി രംഗത്തെത്തിയിരിക്കുകയാണ് ആര്യാടൻ ഷൗക്കത്ത്.
ആര്യാടൻ ഷൗക്കത്തിന്റെ ഫെയ്സ്ബുക്ക് പോസ്റ്റ്
ഡൽഹി കാമ്പസ്സിലെ വിദ്യാര്ത്ഥി സമരത്തെകുറിച്ച പറഞ്ഞാല്, ഇന്ത്യയിലെ ജനാധിപത്യ പോരാട്ടത്തെകുറിച്ച് പറഞ്ഞാല് എങ്ങിനെയാണ് അത് ദേശവിരുദ്ധമാവുക. സെന്സര് ബോര്ഡ് അംഗം ബി.ജെ.പി നേതാവ് അഡ്വ. വി. സന്ദീപ്കുമാറിന്റെ ട്വീറ്റില് എല്ലാമുണ്ട്. ജെഎന്.യു സമരത്തിലെ ദലിത്, മുസ്ലീം പീഢനമായിരുന്നു വിഷയമെന്നും താന് സിനിമയെ എതിര്ത്തതിന് കാരണം സിനിമയുടെ തിരക്കഥാകൃത്തും നിര്മ്മാതാവും ആര്യാടന് ഷൗക്കത്തായിരുന്നു എന്നുമാണ് അദ്ദേഹം പരസ്യമായി പ്രഖ്യാപിക്കുന്നത്. ജനാധിപത്യ, മതേതര, സോഷ്യലിസ്റ്റ് റിപ്പബ്ലിക്കായ ഇന്ത്യയിലാണ് നമ്മള് ഇപ്പോഴും ജീവിക്കുന്നത്. ഒരു സിനിമക്ക് പ്രദർശനാനുമതി നൽകുന്നത് തിരക്കഥാകൃത്തിന്റെ കുലവും ഗോത്രവും നോക്കിയാണോ ? സാംസ്ക്കാരിക രംഗത്തെ അപ്രഖ്യാപിത അടിയന്തിരാവസ്ഥയെ അംഗീകരിക്കാനാവില്ല.
https://www.facebook.com/Malayalivartha
