നടിയെ ആക്രമിച്ച കേസില്‍ വിചാരണ വേഗത്തില്‍ പൂര്‍ത്തിയാക്കണമെന്ന് ആവശ്യപ്പെട്ട് ദിലീപ് സുപ്രീംകോടതിയെ സമീപിച്ചത് എന്തിന്? എത്രയും വേഗം സുപ്രീം കോടതിയിലെത്തി കേരളത്തില്‍ നടക്കാന്‍ സാധ്യതയുള്ള തുടരന്വേഷണത്തില്‍ നിന്നും ഊരുന്നതാണ് ബുദ്ധിയെന്ന നിയമോപദേശമാണ് ദിലീപിന് ലഭിച്ചിരിക്കുന്നത്.

തന്നെ പൂട്ടാനുള്ള ശ്രമം കേരളത്തില്‍ നടക്കുന്നു എന്ന തിരിച്ചറിവിന്റെ അടിസ്ഥാനത്തിലാണ് ദിലീപിന്റെ പുതിയ നീക്കങ്ങള്‍. ഇതിനായി കോടികളാണ് ദിലീപ് ഡല്‍ഹിയില്‍ മുടക്കുന്നത്. എത്രയും വേഗം ഉത്തരവ് സമ്പാദിക്കുകയാണ് ദിലീപിന്റെ ലക്ഷ്യം.

സുപ്രീം കോടതി അഭിഭാഷകരുമായി ദിലീപ് ഞായറാഴ്ച പുലര്‍ച്ചെ ഓണ്‍ലൈന്‍ ചര്‍ച്ച നടത്തിയിരുന്നു. ബഞ്ച് നോക്കി കേസ് ഫയല്‍ ചെയ്യാനാണ് ദിലീപ് നല്‍കിയ നിര്‍ദ്ദേശം.എന്നാല്‍ മലയാളിയായ ജഡ്ജി അടങ്ങുന്ന ബെഞ്ചാണ് ദിലീപിന്റെ കേസ് പരിഗണിക്കുന്നത്. ഇത് ദിലീപ് പ്രതീക്ഷിച്ചില്ല. ജസ്റ്റിസ് സി ടി രവികുമാറാണ് മലയാളി.

കേരളത്തില്‍ തനിക്ക് തട്ടു കിട്ടുമെന്ന വിശ്വാസത്തില്‍ തന്നെയാണ് ദിലീപ് ഇപ്പോഴുള്ളത്. ബാലചന്ദ്രകുമാറിനെ ദൈവമാണ് ഇറക്കുമതി ചെയ്തത്.ബാലചന്ദ്രകുമാര്‍ ഇല്ലായിരുന്നെങ്കില്‍ കേസിലെ വിധി മറ്റൊന്നായേനെ.

വിചാരണ കോടതി ജഡ്ജിയെ പോലും ദിലീപ് തന്റെ കേസില്‍ വലിച്ചിഴക്കുന്നു. ജഡ്ജിയെ സര്‍ക്കാര്‍ മാറ്റാന്‍ ശ്രമിക്കുന്നു എന്നാണ് ദിലീപിന്റെ ആരോപണം. ജഡ്ജിയെ നിയമിക്കുന്നതും മാറ്റുന്ന തുമെല്ലാം ഹൈക്കോടതിയാണ്.

ജഡ്ജി മാറുന്നത് വരെ വിചാരണ വൈകിപ്പിക്കുകയെന്ന ഗൂഢോദ്ദേശമാണ് സര്‍ക്കാരിനെന്ന് ദിലീപ് ഹര്‍ജിയില്‍ ആരോപിച്ചു.. വിചാരണ പൂര്‍ത്തിയാക്കാന്‍ കൂടുതല്‍ സമയം വേണമെന്ന് ആവശ്യപ്പെട്ട് സര്‍ക്കാര്‍ സൂപ്രീംകോടതിയെ സമീപിച്ചിരിക്കെയാണ് ദിലീപിന്റെ പുതിയ നീക്കം,? ബാലചന്ദ്രകുമാറിന്റെ വെളിപ്പെടുത്തലുകള്‍ പുറത്തുവന്ന സാഹചര്യത്തില്‍ തുടരന്വേഷണം ആവശ്യമാണെന്നതടക്കം ചൂണ്ടിക്കാട്ടിയാണ് സര്‍ക്കാര്‍ സുപ്രീംകോടതിയെ സമീപിച്ചത്. ഇന്ന് ഈ ഹര്‍ജി സുപ്രീംകോടതി പരിഗണിക്കാനാരിക്കെയാണ് ആവശ്യത്തെ എതിര്‍ത്തുള്ള ദിലീപിന്റെ നീക്കം.ഗൂഢാലോചനക്കേസില്‍ ദിലീപ് അടക്കമുള്ളവരുടെ ആദ്യദിവസത്തെ ചോദ്യം ചെയ്യല്‍ പൂര്‍ത്തിയായി

വിചാരണ വേഗത്തില്‍ പൂര്‍ത്തിയാക്കണം. ബാലചന്ദ്രകുമാറിന്റെ വെളിപ്പെടുത്തലുകളെ വിശ്വാസത്തിലെടുക്കാനാകില്ല. തുടരന്വേഷണം നടത്തുന്നത് വിചാരണ വൈകിപ്പിക്കാനുള്ള ശ്രമത്തിന്റെ ഭാഗമാണെന്നും ദിലീപ് ആരോപിച്ചു.ബാലചന്ദ്രകുമാര്‍ അന്വേഷണസംഘം വാടക്കെടുത്ത സാക്ഷിയാണെന്നും സത്യവാങ്മൂലത്തില്‍ ദിലീപ് ആരോപിക്കുന്നു. ഇതോടൊപ്പം ജഡ്ജി സ്ഥലം മാറുന്നത് വരെ വിചാരണയില്‍ കാലതാമസം വരുത്തുകയെന്ന ഗൂഢോദ്ദേശവും സര്‍ക്കാരിനുണ്ടെന്ന് മറുപടി സത്യവാങ്മൂലത്തില്‍ ദിലീപ് ചൂണ്ടിക്കാട്ടി. നേരത്തെ ജഡ്ജിയെ മാറ്റണമെന്ന് സര്‍ക്കാര്‍ തന്നെ ആവശ്യപ്പെട്ടത് പരാമര്‍ശിച്ചായിരുന്നു ദിലീപിന്റെ ആരോപണം.

ജസ്റ്റിസുമാരായ എ.എം. ഖാന്‍വില്‍ക്കര്‍, സി.ടി. രവികുമാര്‍ എന്നിവരുള്‍പ്പെട്ട ബെഞ്ചാണ് സര്‍ക്കാരിന്റെ അപേക്ഷ പരിഗണിക്കുന്നത്. ഹര്‍ജി അടിയന്തരമായി പരിഗണിക്കണമെന്ന് സര്‍ക്കാര്‍ കഴിഞ്ഞ ദിവസം കോടതിയോട് അഭ്യര്‍ത്ഥിച്ചിരുന്നു. ഫെബ്രുവരി പതിനാറിനകം വിചാരണ പൂര്‍ത്തിയാക്കണമെന്നാണ് നേരത്തെ സുപ്രീംകോടതി നിര്‍ദേശിച്ചിരുന്നത്. വിചാരണക്ക് സമയം നീട്ടി നല്‍കാന്‍ സുപ്രീം കോടതി തയ്യാറാകണമെന്നില്ല. ഇനി സമയം നീട്ടി നല്‍കില്ലെന്നാണ് മുമ്പ് സുപ്രീം കോടതി പറഞ്ഞത്.

സര്‍ക്കാര്‍ നീക്കം തടയുക എന്നതാണ് ദിലീപിന്റെ ലക്ഷ്യം. അതിലൂടെ തുടരന്വേഷണം തടയണം. ഇല്ലെങ്കില്‍ പണി പാളും എന്ന വ്യക്തമായ സൂചന ദിലീപ് തന്റെ സുഹൃത്തുക്കള്‍ക്ക് നല്‍കിയിട്ടുണ്ട്.

ചോദ്യം ചെയ്യലിന് ശേഷം ആലുവയിലെ വീട്ടിലെത്തിയ ദിലീപ് തീര്‍ത്തും അസ്വസ്ഥനാണ്. ഇത്രയും കാലം ദിലീപ് പുലര്‍ത്തിയ ആത്മവിശ്വാസം അദ്ദേഹത്തിന് ഇപ്പോഴില്ല.