ദിലീപ് ഉള്പ്പടെയുള്ള പ്രതികളുടെ മൂന്നാം ദിവസത്തെ ചോദ്യം ചെയ്യല് തുടങ്ങി... ചോദ്യം ചെയ്യലിന്റെ അവസാന ദിവസമായ ഇന്ന് സംവിധായകന് ബാലചന്ദ്രകുമാറിനെ കൂടി വിളിപ്പിക്കാന് ക്രൈംബ്രാഞ്ച് ഉദ്ദേശിച്ചിരുന്നുവെങ്കിലും ഒഴിവാക്കി, മൊഴികളിലെ വൈരുദ്ധ്യം തുടരുന്നതിനാല് ഇന്നത്തെ പതിനൊന്ന് മണിക്കൂര് ചോദ്യം ചെയ്യല് നിര്ണായകം...
ദിലീപ് ഉള്പ്പടെയുള്ള പ്രതികളുടെ മൂന്നാം ദിവസത്തെ ചോദ്യം ചെയ്യല് തുടങ്ങി... ചോദ്യം ചെയ്യലിന്റെ അവസാന ദിവസമായ ഇന്ന് സംവിധായകന് ബാലചന്ദ്രകുമാറിനെ കൂടി വിളിപ്പിക്കാന് ക്രൈംബ്രാഞ്ച് ഉദ്ദേശിച്ചിരുന്നുവെങ്കിലും ഒഴിവാക്കി, മൊഴികളിലെ വൈരുദ്ധ്യം തുടരുന്നതിനാല് ഇന്നത്തെ പതിനൊന്ന് മണിക്കൂര് ചോദ്യം ചെയ്യല് നിര്ണായകം...
അതേസമയം കേസിലെ പ്രതികളായ ദിലീപ്, സഹോദരന് അനൂപ്, സഹോദരീ ഭര്ത്താവ് സുരാജ്, ബന്ധു അപ്പു, സുഹൃത്ത് ബൈജു ചെങ്ങമനാട് എന്നിവര് കളമശ്ശേരിയിലെ ക്രൈംബ്രാഞ്ച് ഓഫീസില് എത്തി. നിലവിലെ സാഹചര്യത്തില് ബാലചന്ദ്രകുമാറിനെ വിളിപ്പിക്കേണ്ട ആവശ്യമില്ലെന്ന് അന്വേഷണ ഉദ്യോഗസ്ഥര് വ്യക്തമാക്കി. അഞ്ച് പ്രതികളുടെ രണ്ടു ദിവസത്തെ ചോദ്യം ചെയ്യല് പൂര്ത്തിയായപ്പോള് സാമ്പത്തിക ഇടപാടുകളടക്കം കേസില് വഴിത്തിരിവാകുന്ന സുപ്രധാന വിവരങ്ങള് അന്വേഷണ സംഘത്തിന് ലഭിച്ചതായി റിപ്പോര്ട്ടുകളുണ്ട്.
മൊഴികളിലെ വൈരുദ്ധ്യം തുടരുന്നതിനാല് ഇന്നത്തെ പതിനൊന്ന് മണിക്കൂര് ചോദ്യം ചെയ്യല് നിര്ണായകമാണ്. അന്വേഷണ പുരോഗതി വ്യാഴാഴ്ച ഹൈക്കോടതിയെ അറിയിക്കണം. ഈ റിപ്പോര്ട്ടിന്റെ അടിസ്ഥാനത്തിലായിരിക്കും പ്രതികളുടെ മുന്കൂര് ജാമ്യാപേക്ഷയില് ഉത്തരവ് പുറപ്പെടുവിക്കുക.
അതേസമയം നടിയെ ആക്രമിക്കുന്ന ദൃശ്യങ്ങള് ആവശ്യപ്പെട്ടുള്ള ദിലീപിന്റെ ഹര്ജി വിചാരണ കോടതി ഇന്ന് പരിഗണിക്കും. ദൃശ്യങ്ങള് അന്വേഷണ ഉദ്യോഗസ്ഥന്റെ കൈവശമുണ്ടെന്നും, ഇവ കോടതിക്ക് കൈമാറണമെന്നുമാണ് ദിലീപിന്റെ ആവശ്യം. കേസിലെ മുഖ്യപ്രതിയായ പള്സര് സുനിയെ ചോദ്യം ചെയ്യണമെന്ന് ആവശ്യപ്പെട്ടുള്ള ക്രൈംബാഞ്ചിന്റെ ഹര്ജിയും ഇന്ന് പരിഗണിച്ചേക്കും.
https://www.facebook.com/Malayalivartha