ദിലീപിന്റെ മുന് ഭാര്യ മഞ്ജു വാര്യരില്നിന്നും അന്വേഷണസംഘം വിവരങ്ങള് തേടി... ദീലീപ് ക്രൈംബ്രാഞ്ചിനോട് പറഞ്ഞതെല്ലാം കള്ളമാണെന്നാണ് മഞ്ജു വാര്യര്
ദിലീപിന്റെ മുന് ഭാര്യ മഞ്ജു വാര്യരില്നിന്നും അന്വേഷണസംഘം വിവരങ്ങള് തേടി. ദീലീപ് ക്രൈംബ്രാഞ്ചിനോട് പറഞ്ഞതെല്ലാം കള്ളമാണെന്നാണ് മഞ്ജു വാര്യര് പറയുന്നത്.
മുന് ഭാര്യയും അഭിഭാഷകരുമായുളള ഫോണ് സംഭാഷണങ്ങള് ഉളളതിനാല് ഫോണ് ഹാജരാക്കാനാകില്ലെന്നായിരുന്നു ദിലീപ് കോടതിയില് സ്വീകരിച്ച നിലപാട്. എന്നാല് അത്തരത്തിലുളള സ്വകാര്യ സംഭാഷണങ്ങളൊന്നും നടന്നിട്ടില്ലെന്നും മകളുമായി ബന്ധപ്പെട്ട കാര്യങ്ങള് ഒന്നോ രണ്ടോ വട്ടം സംസാരിച്ചെന്നും മഞ്ജു വാരിയര് മറുപടി നല്കിയെന്നാണ് വിവരം.
തനിക്കിപ്പോള് ദിലീപുമായി യാതൊരു ബന്ധവുമില്ലെന്ന് മഞ്ജു വ്യക്തമാക്കിയിട്ടുണ്ട്. എന്നാല് മകളുമായി സംസാരിക്കാറും കാണാറുമുണ്ട്. ദിലീപ് തന്റെ പേര് ക്രൈംബ്രാഞ്ചിന് മുന്നില് വലിച്ചിഴച്ചതില് മഞ്ജുവിന് അനിഷ്ടമുണ്ട്.ദിലീപിന്റെ പ്രസ്താവന തെറ്റിദ്ധാരണയുണ്ടാക്കുമെന്ന ചിന്തയാണ് മഞ്ജുവിനുള്ളത്. മഞ്ജുവിനെ ഇത്തരം കാര്യങ്ങളില് കൂട്ടിയോജിപ്പിക്കരുതെന്ന ഉപദേശം ചില കോണുകളില് നിന്നും ദിലീപിന് ലഭിച്ചിട്ടുണ്ട്.
കൂടുതല് വിവരങ്ങള് അറിയണമെങ്കില് മഞ്ജുവിനെ വിളിച്ചു വരുത്തുകയോ അങ്ങോട്ടു ചെന്ന് മൊഴിയെടുക്കുകയോ ചെയ്യുമെന്ന് ക്രൈംബ്രാഞ്ച് വൃത്തങ്ങള് സൂചിപ്പിക്കുന്നു. മഞ്ജു വാര്യരുടെ നിര്ണായക മൊഴി ക്രൈംബ്രാഞ്ചിന് ഒരു പിടിവള്ളിയാണ്.
ഫോണ് ഹാജരാക്കാതിരിക്കാന് ദിലീപ് പറഞ്ഞ ഏറ്റവും പ്രധാനപ്പെട്ട ന്യായം മഞ്ജുവിന്റെ സംഭാഷണം ഫോണിലുണ്ട് എന്നതാണ്. മഞ്ജുവിന്റെ മൊഴി അന്വേഷണ സംഘം കോടതിയില് സമര്പ്പിക്കും.
അന്വേഷണ ഉദ്യോഗസ്ഥരെ അപായപ്പെടുത്താന് ദീലിപ് നടത്തിയ ഗൂഢാലോചന സംബന്ധിച്ച കൂടുതല് വിവരങ്ങള് പുറത്ത് വന്നു. എറണാകുളം എംജി റോഡിലെ മേത്തര് ഹോംസിന്റെ ഫ്ലാറ്റിലാണ് പ്രതികള് ഒത്തുകൂടിയതെന്നാണ് ക്രൈംബ്രാഞ്ചിന്റെ കണ്ടെത്തല്. തന്റെ മൊബൈല് ഫോണുകളില് മഞ്ജു വാര്യരുമായുളള സ്വകാര്യ ഫോണ് സംഭാഷണമാണെന്നുള്ള ദീലിപിന്റെ വാദത്തെപ്പറ്റിയും പരിശോധന തുടങ്ങി.
ഇതിനിടെ നടിയെ ആക്രമിച്ച കേസില് സ്പെഷ്യല് പ്രോസിക്യൂട്ടര് നിയമനം അടുത്ത ദിവസം തന്നെ ഉണ്ടാകും.ഇതിനാവശ്യമായ നടപടികള് സര്ക്കാര് തുടങ്ങിക്കഴിഞ്ഞു.
അന്വേഷണ ഉദ്യോഗസ്ഥരെ അപായപ്പെടുത്താന് ദിലീപും സഹോദരന് അനൂപും സഹോദരി ഭര്ത്താവ് സുരാജും ഒരുമിച്ച് കൂടി ഗൂഢാലോചന നടത്തിയെന്നാണ് അന്വേഷണസംഘത്തിന്റെ കണ്ടെത്തല്. എറണാകുളം എം ജി റോഡിലെ ഒരു ഫ്ലാറ്റില് ഗൂഢാലോചന നടന്നതായി പ്രോസിക്യൂഷന് ഇന്നലെ ഹൈക്കോടതിയെ അറിയിച്ചിരുന്നു. 2017 ഡിസംബര് മാസത്തിലാണ് ഇവര് ഒത്തുകൂടിയതെന്നാണ് കണ്ടെത്തല്. എംജി റോഡില് ഷിപ് യാര്ഡിന് അടുത്തായി മേത്തര് ഹോസിംന്റെ അപ്പാര്ട്മെന്റ് സമുച്ചയത്തില് ദിലീപിന് ഫ്ലാറ്റുണ്ട്. അന്വേഷണ ഉദ്യോഗസ്ഥനായ ബൈജു പൗലോസിനെ എങ്ങനെ കൈകാര്യം ചെയ്യണമെന്നത് സംബന്ധിച്ചാണ് ഇവിടെവെച്ച് ആലോചനകള് നടന്നത്.
മൂവരുടെയും മൊബൈല് ടവര് ലൊക്കേഷനുകളും ക്രൈംബ്രാഞ്ച് ശേഖരിച്ചിട്ടുണ്ട്. ഇവരുടെ സാന്നിധ്യം സ്ഥീരീകരിക്കുന്ന ഫ്ലാറ്റിലെ ചിലരുടെ സാക്ഷിമൊഴികളും അന്വേഷണസംഘത്തിന്റെ പക്കലുണ്ട്. നടിയെ ആക്രമിച്ച കേസില് ദിലീപ് ജാമ്യത്തിലിറങ്ങിയതിന് പിന്നാലെയാണ് ഈ നീക്കങ്ങള് നടന്നത്. സംവിധായകന് ബാലചന്ദ്ര കുമാറിന്റെ സാന്നിധ്യത്തില് ആലുവയിലെ പദ്മസരോവരം വീട്ടില്വെച്ച് അന്വേഷണ ഉദ്യോഗസ്ഥര്ക്കെതിരെ ദിലീപ് പറഞ്ഞത് ശാപവാക്കുകള് മാത്രമല്ല ഗൂഢാലോചനയുടെ തുടക്കമായിരുന്നു എന്ന് സ്ഥാപിക്കാനാണ് പ്രോസിക്യൂഷന് ഇതുവഴി ശ്രമിക്കുന്നത്. ഏതായാലും അന്വേഷണ സംഘത്തിന്റെ ആദ്യ ശ്രമം വിജയിച്ചു കഴിഞ്ഞു.
ദിലീപ് ഹൈക്കോടതിയില് അവതരിപ്പിച്ച ന്യായങ്ങള് പൊളിക്കാനുള്ള ശ്രമത്തിലാണ് ഇപ്പോള് ക്രൈംബ്രാഞ്ച് ഉദ്യോഗസ്ഥര്. അതിന്റെ തുടക്കമാണ് മഞ്ജുവിന്റെ മൊഴി.
"
https://www.facebook.com/Malayalivartha
