അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന കേസില് ആറുഫോണുകളും തിങ്കളാഴ്ച കോടതിയില് ഹാജരാക്കുമെന്ന് ദിലീപിന്റെ അഭിഭാഷകന്...കോടതിക്ക് കൈമാറുന്ന ഫോണുകള് ഫൊറന്സിക് പരിശോധനയ്ക്ക് നല്കണമെന്ന് പ്രോസിക്യൂഷന് ആവശ്യപ്പെടും, ദിലീപിന്റെ നാലാമത്തെ ഫോണ് ഹാജരാക്കണമെന്ന കാര്യവും പ്രോസിക്യൂഷന് ഇന്ന് കോടതിയില് ഉന്നയിക്കും
അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന കേസില് ആറുഫോണുകളും തിങ്കളാഴ്ച കോടതിയില് ഹാജരാക്കുമെന്ന് ദിലീപിന്റെ അഭിഭാഷകന്.
ദിലീപിന്റെ മൂന്ന് മൊബൈല് ഫോണും സഹോദരന് അനൂപിന്റെ രണ്ട് ഫോണും സഹോദരീഭര്ത്താവ് സൂരജിന്റെ ഒരു ഫോണും തിങ്കളാഴ്ച 10.15-നുമുമ്പ് ഹൈക്കോടതി രജിസ്ട്രാര് ജനറലിന് മുന്പാകെ ഹാജരാക്കണമെന്നാണ് കോടതി നിര്ദേശിച്ചിരുന്നത്.
കോടതിക്ക് കൈമാറുന്ന ഫോണുകള് ഫൊറന്സിക് പരിശോധനയ്ക്ക് നല്കണമെന്ന് പ്രോസിക്യൂഷന് ആവശ്യപ്പെടും. ദിലീപിന്റെ നാലാമത്തെ ഫോണ് ഹാജരാക്കണമെന്ന കാര്യവും പ്രോസിക്യൂഷന് ഇന്ന് കോടതിയില് ഉന്നയിക്കും.
ഗൂഢാലോചനയുടെ ഭാഗമായി പ്രതികള് എം.ജി. റോഡിലെ ഫ്ളാറ്റില് ഒത്തുച്ചേര്ന്നു എന്ന് ക്രൈംബ്രാഞ്ച് പറയുന്ന സംഭവത്തില് കൂടുതല് പേരെ ചോദ്യംചെയ്യും.
ദിലീപ്, അനൂപ്, സൂരജ് എന്നിവര് പങ്കെടുത്തു എന്നാണ് ക്രൈംബ്രാഞ്ച് കണ്ടെത്തിയിരിക്കുന്നത്. 2017 ഡിസംബറിലാണിത്. ഇതിനാല് സി.സി.ടി.വി. ദൃശ്യങ്ങള് വീണ്ടെടുക്കാന് സാധിക്കില്ല.
അതേസമയം ദിലീപിന്റെ നാലാമത്തെ ഫോണ് കണ്ടെത്താനായി ക്രൈംബ്രാഞ്ച് പ്രത്യേക സംഘം സൈബര് ഡോമിന്റെ സഹായം തേടിയിട്ടുണ്ട്.
ദിലീപ് ഒളിപ്പിക്കാന് ശ്രമിക്കുന്ന ഈ ഫോണില് കേസുമായി ബന്ധപ്പെട്ട കൂടുതല് തെളിവുകളുണ്ടാകുമെന്ന നിഗമനത്തില് അന്വേഷണ സംഘം. സി.ഡി.ആര് പരിശോധിച്ചപ്പോഴാണ് ദിലീപ് നാല് ഫോണുകള് ഉപയോഗിച്ചിരുന്നതായി മനസ്സിലാക്കിയത്. ദിലീപിനുവേണ്ടി ഈ ഫോണ് ഡ്രൈവര് കൈവശം വെച്ചിരുന്നതായി പൊലീസിന് സാക്ഷിമൊഴി കിട്ടിയിട്ടുണ്ട്.
"
https://www.facebook.com/Malayalivartha
