വില്ലന് മോഡല് കൊലപാതകമാണോ ദിലീപ് ആസൂത്രണം ചെയ്തത്? ഗൂഢാലോചനക്കേസില് മുന്കൂര് ജാമ്യാപേക്ഷയില് ഹൈക്കോടതി വിധിക്കു ശേഷം നടന് ദിലീപിന്റെ ഓഡിയോ പുറത്തുവിടുമെന്ന് സംവിധായകന് ബാലചന്ദ്രകുമാര് പറഞ്ഞതോടെയാണ് ഇങ്ങനെയൊരു സംശയം ഉയരുന്നത്
ബി.ഉണ്ണികൃഷ്ണന് സംവിധാനം ചെയ്ത മോഹന്ലാലിന്റെ വില്ലനെ കുറിച്ചാണോ ദിലീപ് പരാമര്ശിച്ചത്? വില്ലന് മോഡല് കൊലപാതകമാണോ ദിലീപ് ആസൂത്രണം ചെയ്തത്?
ഗൂഢാലോചനക്കേസില് മുന്കൂര് ജാമ്യാപേക്ഷയില് ഹൈക്കോടതി വിധിക്കു ശേഷം നടന് ദിലീപിന്റെ ഓഡിയോ പുറത്തുവിടുമെന്ന് സംവിധായകന് ബാലചന്ദ്രകുമാര് പറഞ്ഞതോടെയാണ് ഇങ്ങനെയൊരു സംശയം ഉയരുന്നത്.
വെള്ളിയാഴ്ച വിധി വരുമെന്നാണ് പ്രതീക്ഷിച്ചത്. ദിലീപ് പറഞ്ഞത് ശാപവാക്കാണോ എന്ന് ജനങ്ങള് തീരുമാനിക്കട്ടെ. അഞ്ച് പൊലീസ് ഉദ്യോഗസ്ഥരെക്കുറിച്ച് പറയുന്നതാണ് ഓഡിയോ. നിര്ദേശം നല്കുക മാത്രമല്ല, ഒരു സിനിമയെക്കുറിച്ചും ദിലീപ് പരാമര്ശിക്കുന്നുണ്ടെന്ന് ബാലചന്ദ്രകുമാര് പറഞ്ഞു. ഇതില് പറഞ്ഞത് വില്ലന് എന്ന സിനിമയെ കുറിച്ചാണെന്ന സൂചനയാണ് പുറത്തു വരുന്നത്.
2017 ലാണ് വില്ലന് പുറത്തിറങ്ങിയത്. മഞ്ജു വാര്യരായിരുന്നു നായിക. മാത്യു മാഞ്ഞൂരാന് എന്ന വിരമിച്ച പോലീസുദ്യോഗസ്ഥനായാണ് ലാല് ഇതില് അഭിനയിച്ചത്. മൂന്നു പേരുടെ കൊലപാതകങ്ങള് അന്വേഷിക്കാനാണ് ചിത്രത്തില് മോഹന്ലാല് എത്തുന്നത്.
നീലിമ മാത്യു എന്ന കഥാപാത്രത്തെയാണ് ഇതില് മഞ്ജു വാര്യര് അവതരിപ്പിച്ചത്. ഇതില് മോഹന്ലാല് എന്ന പോലീസുദ്യോഗസ്ഥന്റെ ഭാര്യ യായ നീലിമയെയും മകളെയും ട്രക്കിടിപ്പിച്ച് കൊല്ലുന്ന ഒരു രംഗമുണ്ട്.ഇതേ രീതി തന്റെ ശത്രുക്കളായ പോലീസുദ്യോഗസ്ഥരില് പ്രയോഗിക്കാനാണ് ദിലീപ് ലക്ഷ്യമിട്ടതെന്ന് കരുതുന്നു. വില്ലന് സിനിമയുടെ പാറ്റേണില് പോലീസുകാരെ കൊല്ലാനായിരുന്നത്രേ പ്ലാന്.
'ഒരു സിനിമയില് അങ്ങനെയുണ്ട്, അതുപോലെ ചെയ്താല് കുഴപ്പമില്ല എന്ന അര്ഥത്തില് ദിലീപ് സംസാരിക്കുന്നുണ്ട്. ഒരാളെ തട്ടുമ്പോള് എങ്ങനെ തട്ടണമെന്ന് അദ്ദേഹം കൃത്യമായി പറഞ്ഞു.' ബാലചന്ദ്രകുമാര് മാധ്യമങ്ങളോടു വ്യക്തമാക്കി. ബൈജു പൗലോസിനോടാണ് ദിലീപിന് ഏറ്റവും ശത്രുതയെന്നും ബാലചന്ദ്രകുമാര് പറഞ്ഞു.
നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ വധിക്കാന് ഗൂഢാലോചന നടത്തിയെന്ന കേസില് ദിലീപിന്റെ മുന്കൂര് ജാമ്യാപേക്ഷയില് ഹൈക്കോടതി തിങ്കളാഴ്ച വിധിപറയും. രാവിലെ 10.30ന് ജസ്റ്റിസ് പി.ഗോപിനാഥാണ് വിധി പറയുക. ജാമ്യാപേക്ഷയില് ഇരുകക്ഷികളുടെയും വാദം പൂര്ത്തിയായി.
ബാലചന്ദ്രകുമാര് പറയുന്നത് ശരിയാണെങ്കില് തിങ്കളാഴ്ച ഇതിന്റെ വിശദാംശങ്ങള് പുറത്തുവരും. ദിലീപ് ഇത്തരത്തില് പ്രവര്ത്തിക്കുമെന്നതില് ഒരു അത്ഭുതവുമില്ലെന്നാണ് ബാലചന്ദ്രകുമാര് പറയുന്നത്. ക്രിമിനല് സ്വഭാവം ദിലീപിന്റെ സഹചാരിയാണെന്നാണ് ബാലചന്ദ്രകുമാര് പറയുന്നത്.
തനിക്ക് എതിരെ നില്ക്കുന്നവരെയെല്ലാം വക വരുത്താനുള്ള കപ്പാസിറ്റി ദിലീപിനുണ്ടെന്നാണ് ബാലചന്ദ്രകുമാറിന്റെ സാക്ഷൃം. വൈരാഗ്യം തീര്ക്കാന് ഏതറ്റം വരെയും പോകും. എന്നിട്ട് തന്റെ മാത്രം ന്യായങ്ങള് പ്രവൃത്തിയെ സാധൂകരിക്കും. ഇതാണ് അന്വേഷണ സംഘവും പറയുന്നത്.
മുമ്പും കൊലപാതകങ്ങളില് സിനിമകള് സ്വാധീനിച്ചിട്ടുണ്ട്. ദൃശ്യം സിനിമ നിരവധി കൊലകളെ സ്വാധീനിച്ചിട്ടുണ്ട്. പോലീസുകാരെ കൊല്ലാനായിരുന്നോ അതോ കുടുംബാംഗങ്ങളെ കൊല്ലാനായിരുന്നോ പ്ലാന് എന്ന് മാത്രം അറിഞ്ഞാല് മതി.
"
https://www.facebook.com/Malayalivartha
